"القَصِـيم العُظمى"

Part11

الساعه 10 تقريبا وقت النوم كان ذا وقت النوم عندهم فالمزرعه عشان جدهم مايهاوش وكان عقب ماكل واحد يروح لفراشه يجي ويتطمن عليهم ويلحفهم زين عند عبدالرحمن اللي كان طاقه الطفش لكن من شاف جده دخل سوا نفسه نايم اقبل عليه جده وهو ماسك ضحكته لكن راح وطلع وشاف جده راح لغرفته وتأكد انه نام
ارسل ل خواته وشاف من صاحي فيهم
جود الي ردت عليه وارسلت له : هلا حمني أنا والجوهره وحصه صاحين ليه ؟
عبدالرحمن : ياخي طفششش والله .....من قاعد معكم
جود : محد بس حنا
عبدالرحمن : اجل تعالو للمكان الي وراء النخل خل نقعد هناك الجو حلو
جود : ودي حتى أنا طاقني الطفش بس جالسه عند حصحوص تصيح
عبد الرحمن : افا بس افا اوخيتييي تصيح ؟
جود : من اليوم وانا عندها عجزت فيها
عبدالرحمن : وشوله تبكي ؟ عشان عمر صح خلاص ماتبغى لاحد يغصبها
جود : هي استخارت و وافقت وقالت ل جدتي وجدتي بتقول ل أبوي إذا صحى وجات وحده وخرعتها كل شوي وهي مطلعه كلام ع الرجال
عبدالرحمن : ناديلي حصه بالله
جود : ابشر
.
.
.
راحت حصه وخواتها لم عبدالرحمن واقترب لم حصه وحضنها :شوفي وانا اخوتس ذي الحياه تسذا كل شيء فيه قسمه ونصيب وجاتس نصيبتس وعمر وشزينه وش حلاته بس هو كذا لازم عند الرياجيل لازم يكون شقردي وحركي ولا تخيليه بس وهو متكي وحنا نحشمه ؟ غلط
حصه وهي تصيح : مب بس تسذا لمحته اكثر من مره كله معصب معصب واخاف منه
عبدالرحمن : وشوله تخافين؟ وتذكري دايم وراتس اخوتس وابوتس وعمامتس شوفي الي يريحك يابعد قليبي ما ابغى اغصبتس قومي صلي لتس ركعتين وشوفي رايك الاخير وعن نفسي لا تسمعين لااحد لان مافي احد يعرف عمر وحنيته
باس راس اخته وحاول يغير الموضوع وجاب طاري بوسعيد وش سوا معاه والكل قلبها ضحك وعدا الوقت ولا حسو فيه لين انتبهو لصوت جدتهم
قمره: ها ...وراكم فيذا ما نمتو انتو
عبدالرحمن : لا والله ما جانا النوم كنا مبتلشين بأم دميعه
قمره : يوه ياحصيص للحينتس
حصه : لا ابشرتس فكرت زين وهذاني أبشركم اني وافقت
قمره فرحت من كل قلبها وحضنتهم كلهم وقالت ل حصه : ايه كذا من اول الله يوفقتس فحياتس
التفت حصه على اخوها وخواتها الي يصيحون وقربت منهم وهي تصيح : بس عاد كفايه والله ما احب أشوفكم تصيحون مب انتو الي تقولون وافقي
الجوهره : والله ماتوقعت بيجي يوم وتروحين
حصه : هذاني توي مارحت علامتس هههه
عبدالرحمن ورأسه على كتف حصه : ابك والله دموع فرح اخ بس بعدين ان شاء الله اصير خال
حصه ضحكت وجود : الله بكون خاله جود
ضحكو كلهم
قمره : يالله يارب ان الله لا يفرقكم عن بعض وان شاء الله دايم من فرح لفرح
كلهم ردو ب امين
راحو كلهم للنوم وماتبقى شيء لصلاه الفجر وحاولو ينامون لو كم ساعه قبل لا يصحيهم جدهم
.
.
عالساعه ٣:٥٠ دقيقه ومطلق يحاول يصحي عبد الرحمن لين زهق منه وكب عليه ماي
عبدالرحمن صحى مخروش وهو يتنفس ويمسح شعره : يبا علامك
مطلق : من هاليوم وانا اصحي فيك وشجايك
عبدالرحمن : مانمت إلا متاخر والله
جده : وش عندك تاللي هالليول انت بعد
عبدالرحمن الي ماكان يبي جده يعصب عالحصبح: كنت تعبان وحرارتي صكت الأربعين عشان تسذا
مطلق : ليه بسم الله عليك وانا ابوك علامك ماقلت لي من اول
عبدالرحمن : لا عادي خفت عطتني علاجات جدتي لين خفت ونمت
بو سعيد : يوم اني بقدك كنت
عبدالرحمن قاطعه: ياخي اسكت تكفى خلاص والله مالي خلق لا لك ولا لزمان اول
بوسعيد : اخ ي هالجيل ذبحكم الدلع خله يامطلق يقوم يصلي مع العيال وكفايه دلع بعد
مطلق الي هز براسه وباين مره انه معصب على بو سعيد
وراح ل امه "قمره" وقال
مطلق : وشبه ي أميمتي حمني صدز جاته حراره ب الليل
عبدالرحمن الي كان يتوضاء والمغسله كانت قريبه مره من المجلس غمز ل جدته وفهمته
قمره : اي بالله بس الحمدالله عانه هالحين حصان بسم الله عليه
مطلق باس راس امه وراح ل عبدالرحمن: أنت اليوم انتبه تظغط ع نفسك
عبدالرحمن: ابشر ابشر