"القَصِـيم العُظمى"

7

انتهت صلاه العيد والكل اتجه لبيته وابتداء عيده
فبيت العبدالله الكل مبسوط ويغني والفطور كان في استراحتهم واما عند البنات كان الرقص والضحك والقهاوي و الحلا
جدتهم : يلا يابنات بيدخلون العيال يسلمون
طلعو كلهم وتوجهوا للمجلس الثاني ودخلو العيال يسلمون وسلطان كان يرتز ومتكشخ لعل العنود تنتبه له بس الي انتبهت عليه جدته جاء سلطان بيسلم عليها
جدته بضحك : معليك ي امي معي بيمك تلاقيها تسولف مع البنات وكل عام وانت بخير وينعاد علينا وعليك
سلطان من صدمته من كلام جدته نسى كيف يرد وتقدمو واحد واحد وسلم على جدته وأخذ عيديته وتقهوا وطلعو
اما فبيت مطلق الي بعد صلاه العيد الكل اجتمع ف المزرعه
عبد الرحمن : يبا تكفى مابي البشت
مطلق هو ويعدل شماغه : اقل البسه لا امحطك بذا العقال
عبدالرحمن : لازم يعني
مطلق : ايه
دخل عبدالرحمن وابوه ع خواته عشان يتصورون صوره العيد
عبدالرحمن : ياتبارك الرحمن كل ذا الجمال خواتي
جود: وكل ذا الزين اخونا
عبدالرحمن : ايه الي يشوفك اللحين مايقول انتي الي منشوي فالبيت
جود:توبه امدحك
عبدالرحمن : امزح معتس عاد انتييي شيء ياتبارك الرحمن ياجويدي
خلصو تصورو وراحو جلسو مع الرياجيل
فهيد : دحومم
عبدالرحمن : مانيب جاي عارفك بتسلمني مهمه القهوجي
فهيد : بالله تعال يدي انكسرت
عبدالرحمن : ابشر ابشر
اخذ الدله عبدالرحمن لين ابتلش ف ابو سعيد الي وقفه عند راسه وكل ماخلص فنجاله قهواه
بو سعيد : إلا ماقلت لك عن سالفه ذا اليومممم......امسك الفنجال عدل انت علامك
عبدالرحمن : خلصت الدله يبو سعيد بنزين ثانيه دقيقه
بو سعيد : أمداها ذي تخلص
عبدالرحمن : اي كثر هالزط الي شربته ارحم نفسك
بو سعيد : اخ ياجيل السنه لا يحترمون ولا يقدرون لو اليوم مب عيد كان عرفت شزين فيك
عبدالرحمن طنشه وزين قهوه قهوا الرياجيل إلا بوسعيد الي استلمه
فالاستراحه عند العبدالله
كملو البنات رقص لين ابتداء الغداء وتغدو ورتبو ولبسو البنات بجايم العيد وفرشو فرشهم ونامو
اما عند العيال الي كملو جلستهم عقب ما راحو الرياجيل والشباب واللي رمى ثوبه والي من التعب نام هو وجالس والي يضحك ويسولف
فالمزرعه برضو نفس الوضع
فرشو العيال برا والبنات فالمجلس