"القَصِـيم العُظمى"

4

العنود : طيب ابشر
سلطان :جهزوها لان بنعيد ب الاستراحه
العنود: ماطلبت شيء
سلطان :يلا قواتس الله
العنود وهي رايحه لم البنات: غسلتو أغراض الرياجيل
شهد: اي عانهم هناك
العنود: وحده تجي تشيلها معي
غلا : جايتس
طلعو العنود و غلا بيحطوها فالحوض وفتحو الباب وطاح سلطان الي كان تاكي ع الباب
سلطان : ابك وراكم ماتقولون بنفتح
غلا وهي كانت عادي تمون على عيال عمها وضحكت على سلطان : ابك وراك تاكين تسذا
سلطان : يالله كل ذا تجيبون الأغراض تأخرتوا جيبوها جيبوها ثقيله عليكم
دخلت غلا وبقت العنود الي للحين كانت موجوده وكان إصبعها نشب فالشنطه وتحاول تطلعه بس ماش ماظبط
سلطان : وشجاتس وقفتي
العنود : ها لا لا ولاشيء
سلطان : علامتس واقفه كذا إلا بتس شيء
العنود ويداخلها تقول ياااشينننك ياشيخخخ وردت بعدين عليه : إصبعي إصبعي
سلطان جاء بيطلع فصفص بس تذكر انه مب وقته : علامه اصبعتس
العنود وهي تغمض عيونها لانها تألمت: نشبب
سلطان : وين...... وراتس مدخلته تسذا الله يهديتس ابعدي يدتس ذي
سلطان كان يحاول يساعدها بس دوننن انه يلمسها بس مقدر
العنود : عادي عادي خلاص ناد غلا تعاوني
سلطان وهو للحين يحاول بس مقدر : غلا مشغوله ثاني شيء كيف بدخل بالله
العنود وهي تطالع ورا سلطان ونست إصبعها : جدتتييي جدددتي رح رح
سلطان : ابك انطري ي المنغوزه شجاتس
جات جدتهم وهي ماسكه ضحكتها وانتبهت لإصبع العنود : وش صار
سلطان وهي يحك راسه يحاول يبين لجدته ان مابينهم شيء وجدته من اول عارفه ان سلطان يحب العنود بس ساكته
سلطان : نشب إصبعها بس أنا ......أنا .... حاولت يعني أساعدها بس يعني .....مقدر يعني
جدتهم وهي خلاص طلعت أصبع العنود : هذا ي العنود طلع
العنود : يعطيتس العافيه يمه
دخلت العنود داخل وكان سلطان بيروح بس مسكته جدته وهي تضحك
جدته وهي تمسكه مع أذنه بمزح : ها وتقولي مابينكم شيء اجل ها
سلطان : لا لا يايمه وشو ذا الخرابيط بس تخيلي تخيلي يعني أنا العنود ماتصلح
جدته ضحكت واخذت الأغراض وهي تضحك اما سلطان توهق وهو اخذ الاغراض وحرك لين انتبه ل فهيد الي كان شايل عفش معه وبيروح لمزرعتهم
فهيد : ابك وراك انت سق زين لا تذبح ب هالعالم انت
سلطان سفط ع جنب: جدتي قفطتني ي فهيد
فهيد : شتقول انت شمزين بعد
جلسو على الحوض حق سياره سلطان وشرح له السالفه وجلس يضحك فهيد
فهيد : اخخخخ الله يسعدك بس ودي اشوف وجهك كيف صار
سلطان : قلب احمررر من الوهقه والله ماعاد عرفت شقول
فهيد صامل يضحك
سلطان : ايه اضحك اضحك تراك حتى انت رايح فيها وغمز وقاله جود بنت مطيليق
فهيد قرصه وسلطان رجع يكمل طريقه شال فهيد العفش الي معه ورجع يكمل طريقه ويغني : ليت مالي عين تدمع ولا قلبٍ رهيف ودي ان الزين والشين في عيوني سوا مؤمن ان الله تعالى وانا عبدٍ ضعيف ناوين بي خير لو كنت داري وش نوا فاقد علاج لروحي ليا جاها نزيف وسكت وقال اي بالله ياجويدي فاقد علاج لروحي وانتي علاجي