يلا نبدي البارت(بسم الله الرحمان الرحيم)
.
.
.
.
.............................................................
ايڤ:-
باوعت ؏ المتصل لگيت ضحى تتصل بس جاوبتها گالت
ضحى: ولج ايڤ خطوبتي اني وأمير هاذه الاسبوع
ايڤ: الف مبروك تتهنون حياتي
ضحى: الله يبارك بيج عمري
ايڤ: يمته خطوبتكم؟
ضحى: والله رادو يسونها الاثنين بس گلتلهم الاربعاء لان انتِ موجوده
ايڤ: تمام، جهزتي للخطوبه؟
ضحى: لا والله بعدني باچر ابدي اجهز
ايڤ: اي احسن كملي ؏ وقت
ضحى: انشألله، يلا حبيبتي اترخص جاي يصيحولي
ايڤ: الله وياچ حبيبتي اخذي راحتچ
سديت الاتصال منها واتصلت عليه وتر
ايڤ: هاا ولج شنو تردين
وتر: اگلج شو انتِ ما تستحين
ايڤ: شنو
وتر: ما تگولين بت عمي باچر خطوبتها خليني اجي يمها اشوفها شنو محتاجه
ايڤ: انچبي غير امس كله يمچ وانتِ مكمله كلشي واني حتى فستان ما مشتريه
وتر: لعد يمته تشترين
ايڤ: العصر اروح اني وريان اشتري فستان واشوف شنو محتاجه اجيب
وتر: حبابه تعالي البيتنه
ايڤ: والعباس ولا اجي عود باچر الصبح اجي
وتر: خبيثه يلا ولي ومن ترجعين اتصلي عليه وشوفيني فستانج
ايڤ: تمام
سديت منها الاتصال ونزلت جوه لگيت أمي صبحت عليها وتريگت، مر اليوم طبعي الحد ما صار العصر وريان گلي روحي بدلي حتى انروح للمول، رحت بدلت لبست قميص ابيض ستن وبنطلون قماش بيجي فاتح وحطيت حمره وعطر
كملت ونزلت لگيت ريان منتظرني صعدت وياه بالسياره، وصلنه للمول وضلينه نفتر اندور
؏ فستان شفت هواي بس ما عجبني اريد فستان بسيط لان هيه خطوبه وبالبيت واخيراً بعد فره دامت ساعه لگيت
اشتريت فستانين واحد لخطوبة وتر ويمان والثاني الخطوبة أمير وضحى، كملنه وبعدين رحت اشتري احذيه تأخر الوقت وصارت الساعه بـ8باليل واصلاً احنه طلعنه متأخرين بـ5 العصر من خلصنه ريان ما قبل نرجع للبيت ضلينه نفتر بالمولات ونشتري وحيل تونست وي ريان
بعدين صارت الساعه بـ9 رحنه للمطعم نتعشه
تعشينه وخلصنه ريان راح يدفع الأحساب واني رحت للحمام غسلت وعدلت ملابسي وطلعت لگيته منتظرني، صعدنه بالسياره ورجعنه للبيت الساعه بـ10، اني بس رجعت للبيت سلمت عليهم ورحت الغرفتي سبحت وبعدين اتصلت ؏ وتر وشوفتها الفستان وحچينه شويه وبعدين سديت الاتصال ونمت لان باجر الصبح لازم اروح البيت عمو خالد اساعد وتر بالتجهيزات
.
.
.
.
گعدت الساعه بـ9 الصبح رحت جوه صبحت عليهم وگلت الأبويه
