عيناي لا تنسون التصويت والتعليق بين الفقرات وتابعوني حتى يوصللكم اشعار من انزل بارت💕🦋
———————————————
يلا نبدي البارت(بسم الله الرحمان الرحيم)
.
.
.
.
............................................................
دره:-
كملنه نيشان وتر ورجعنه للبيت بس دخلنه لگينه يمان بالصاله يشتغل بالحاسبه وايڤ نايمه على فخذ يزن وهوه يلعب بخصل شعرها ابتسمت على شكلهم ربي يحفظهم، سلمنه عليهم ورحت الغرفتي ارتاح ضليت اعزل بالغرفه ودخل ريان، ابتسمتله ورحت حضنته وهوه بادلني
دره: حبيبي جهزتلك الحمام وملابسك
ريان: تمام حبيبتي، جهزي نفسج نتعشه بره
هزيت راسي وهوه باسني بخدي وراح للحمام، رحت تمددت على السرير لان تعبت من الفره، شويه وطلع ريان من الحمام واني اباوعله راح للمرايه نشف شعره ومشطه وحط عطر بعدين باوعلي من المرايه وغمزلي وهوه مبتسم
عزززه انتبهلي جاي اباوعله درت وجهي ما احس غير بوسات تنطبع على كل انحاء وجهي بعدين دار وجهي الي واخذ شفايفي بين شفايفه واني حاوطت رگبته وبادلته بكل حب...
.
.
الساعه الـ8 مساءاً
رحت بدلت لبست فستان طويل ومستور ورفعت شعري ومكياج خفيف كلش وحطيت عطر ولبست الكعب، دخل ريان لابس كاجول ضل صافن بيه واني ابتسمتله بخجل ورحت يمه لزم ايدي وفراني مثل الاميرات
ريان: شنو هل جمال أميرتي
دره: جمال عيونك
باسني بخدي واخذ ايدي وطلعنه، وصلنه المطعم راقي وكلش حلو طلبنه اكل وبلشنه ناكل وهوه يجيب اكل ويوكلني، كملنه ودفعنه الحساب واخذني المكان هادء ومعزول مشينه شويه المكان ضلمه
استغربت ليش اجينه الهيچ مكان ما احس غير المكان صار كله اضويه واكو طاوله بيه تحليه وعصائر وشموع و ورد منثور بالارض ونشرات المكان كلش حلووو
ريان: عجبچ
دره: يجنن
طلع من جيبه علبه صغيره وركع على ركبه وفتح العلبه كان خاتم الماس
ريان: يا أجمل المشاعر الصادقه وبكل ألوان الأحترام والتقدير أتقدم اليك بأعذب تهنئه اتقبلين ان تكوني حبيبتي وشريكة حياتي؟
ضحكت بفرح وحطيت عيوني بعينه وگلتله
دره: اقبل يا أجمل عطاية ربي
ابتسم ولبسني الخاتم وشالني وضل يفرني واني اضحك احس نفسي بمسلسل تركي والبطل اتقدملي، نزلني وباسني براسي واخذ ايدي وگعدني على الكرسي وضلينه ناكل وهوه يتغزل بيه
ريان: انشالله وره عرس يمان عرسنه اني وياچ
دره: بس اني ما اريد عرس الحد ما اتصالح وي اهلي
