عيناي لا تنسون التصويت والتعليق بين الفقرات وتابعوني حتى يوصللكم اشعار من انزل بارت💕🦋
...........................................................
يلا نبدي البارت(بسم الله الرحمان الرحيم)
.
.
.
.
............................................................
˝دره˝
گاعدين بغرفتنه اني وريان وحيدره بيناتنه يلعب ما يقبل ينام والساعه بـ12
دره: ريااان نعسست
ريان: نامي حبيبتي اني اضل يمه
خليت راسي على المخده بس ما نمت ضليت اباوعلهم واني مبتسمه، راح سواله ممه وضل يرضع بيه وحيدره يلزمها بيده ويريد ريان يعوفها وبس هوه يلزمها
ريان: ابن الاوادم ارضع وانتَ عاقل ما تعرف تلزمها الوحدك
ضحكت وشويه وحيدره نام وريان اخذه للسرير ماله نومه واجه تمدد يمي
ريان: درتي با...
بعده ما مكمل كلامه ودگ موبايله اخذه وشفنه المتصل "بنيتي" هاي ايڤ ريان هيچ مسجل رقمها، جاوب وفتح السبيكر واجالنه صوت ايڤ وهيه تبچي وتناشغ، گام ريان من مكانها وسألها بقلق
ريان: شبيچ بنيتي منو وياچ ليش تبچين؟
ايڤ: يـ يز يززن
ريان: شبيه سوالچ شي؟
ايڤ: ل لااا
ريان: احچي ايڤ راح تجلطيني
ايڤ: ي يزن سو سوه ح حاد حادث
گوه فهمنه كلامها بسبب شهگاتها
ريان: وييين شلون سوه حادث؟
ايڤ: اتصلت عليه وجاوبني رجال گال زوجچ سوه حاددث، ريااان فدوه تعال اخذني اله اريد اشوفه
سد الاتصال وگام من السرير ونزل جوه انطه خبر العمو سيف وطلع من البيت حتى چان حافي كلشي ما لابس برجله گوه لزمته وانطيته نعال لبسه وطلع يروح ياخذ ايڤ بعدين يرحون للمستشفى
يمان هم گعد من النوم هوه ووتر وعرفو بالصار ووتر ماتت بچي وتريد تروح اليزن ويمان يحاول يسكت بيها ومبين عليه الخوف على يزن لان علاقتهم حلوه هذولي الثلاثي
اتصل يمان على ريان وسأله بيا مستشفى يزن، انطانه العنوان ووتر مصره تروح بس يمان ما قبل لان شويه تعبانه من الحمل دخلت الشهر السابع
امنها يمي ادير بالي عليها وراحو للمستفى وقبل لا يطلع خابر مسلم ابن عمو ماجد يجي يمنه رجال مؤدب ومتزوج ومستقر ابيته هوه وزوجته فـ الولد يثقون بيه
ضليت گاعده يم وتر اهدئها حقها اخوها الوحيد وتحبه وخايفه عليه، اجه مسلم سلم علينه وگعد بالهول وضلينه منتظرين خبر على يزن يا ربي شنو حال ايڤ هسه؟ ما انسه صوتها من اتصلت علينه وشلون خايفه على يزن
