عيناي لا تنسون التصويت والتعليق بين الفقرات وتابعوني حتى يوصللكم اشعار من انزل بارت💕🦋
...........................................................
يلا نبدي البارت(بسم الله الرحمان الرحيم)
.
.
.
.
..........................................................
هجرت بعض أحبتي طوعاً لاني
رأيتَ قلوبهم تهوى فراقي
نعم يشتاقهم قلبي ولكن
وضعت كرامتي فوق اشتياقي
وارغب في وصالهم ولكن
طريق الذل لا تهواه ساقي
..................................................
˝ايڤ˝
فتحت عيوني بغرفه بيضه وريحة معقمات باوعت الأيدي شفت بيها كانولا ومشكل بيها مغذي، انفتح الباب واني باوعت شفته يزن، تقدم يمي بخطوات بطيئه واني درت وجهي عنه ما اريد اشوفه
باسني براسي ولزم ايدي واني سحبتها منه، صح عرفت الصار بس اكو شي بداخلي ما يتقبله هواي هاناني وأذاني
يزن: ايڤي وعيونچ اسف والله ما چنت حاس بنفسي هيچ سويت
ايڤ: ما اريد اسمع شي اسكت
يزن: صح غلطت بس مالي ذنب بالصار وشنو تردين اسوي حتى تسامحيني اني حاضر
ايڤ: اريد اطلگني
يزن: لا ياروحي لا تكسريني والله فراگچ كسرة ضهر الي اطلبي روحي بس لا اطلبين اطلگچ لان الموت اهونلي من انو اطلگچ
نزلت دموعي وگلتله بغصه
ايڤ: ضربتني وهنتني وكسرتني بزواجك على منو اسامحك لك من گلتلي تزوجت زهراء ردت اروح الاهلي وانتَ منعتني وتقربتلي غصب عني بكل شهوه وهمجيه ما تعرف شگد اذيتني اصرخ واتوسلك تبتعد عني بس انتَ ما هامك مستمر بالسويته اخذت التريده وعفتني متألمه حسستني جاريه عندك واني انهاريت بيومها منتظره تبررلي وانتَ شنو سويت؟ جبت ابرة مهدء ونطيتنياها غصب عني ردت انشل بيومها لان ما ضربتها عدل وتحركت
اسولفله وابچي وهوه مدنگ راسه ساكت يستمعلي ودموعه تنزل ويمسحها
ايڤ: شفتهاا تبوسك وانتَ تبتسم وخذيتني البيت اهلي وانتَ تسحل بيه مثل الحيوان بملابسي البيت وبلا ما البس شي برجلي حتى تجرحن بالگزاز للك صحت متألمه وانتَ ما وگفت تشوفني ما همنك دموعيي لك شمرتني على اخوي مثل السلعه وتگله "ورقة طلاگها باچر توصلها" للللك على شنووو اسااامحححك جاوبنننيي؟؟
ضليت اضرب بصدره وابچي حبيته اكثر من روحي وعشت وياه اجمل ايام بس هاي افعاله دمرني، حضني حيل واني طلعت كل الـ بگلبي وكل موقف جرحني وقهرني بيه
ايڤ: والله حبيتك وثقيت بيك لدرجه اشوفك متغير عليه وما تحضني ولا تبوسني من تجي من شغلگ مثل كل يوم وما تساعدني وتصيح عليه بس ما شكيت بيك ولا فكرت تفكير انتَ تخوني اگول خطيه بسبب ضغوطات شغله لازم اتحمل تغير مزاجه هوه هواي تحملني وتاليهااا تجيبليي زهرااااء متزوجها
