يلا نبدي البارت(بسم الله الرحمان الرحيم)
.
.
.
.
............................................................
دره:-
طلعت ايڤ وريان وعمو سيف گعدو بعصبيه، رحت يم ريان وحچيت بهدوء
دره: ليش ضربت ايڤ
ريان: ما ادري اول مره اضربها هواي قللت ادب
سكتت وهوه ضل يهز رجله بتوتر شويه والتفتلي
ريان: ضربتها حيل؟
دره: الصراحه اي فريت وجهه بيه المفروض تحچون وياها بهدوء لان بهاي اليومين مزاجها متغير
ريان: استغفرالله شلون هيچ سويت
محد طلع وره ايڤ لان رادت تبقه الوحدها وهيه دائماً تطلع الوحدها، صار المغرب وايڤ ما اجت قلقنه عليها وعمو سيف يتصل بيها ما تجاوب اتصل يمان هم ما جاوبت الكل ضل يتصل عليها وهيه ما تجاوب الحد ما موبايلها انسد، گام ريان
ريان: رايح اشوفها وين اكيد صار شي
طلعو واني هم رحت وراهم ضلينه اندور بالاماكن القريبه على البيت ماكو الحد ما رحنه للمنتزه ماهيه شفنه اكو كامرات بالمكان، راح عمو سيف طلب يشوف الكامرات من صاحب المكان بالبدايه رفض بس عمو طلع هويته وهوه من عرفه ضابط قبل، دخلنه نشوف الكامرات والصدمه من شفنه ايڤ....
....................
ايڤ:-
طلعت من البيت واني دموعي على خدي ضليت امشي الحد ما وصلت للمنتزه الي يم بيتنه رحت گعدت على المرجوحه ابچي بعدين ضليت افكر بالصار فعلاً اني غلطانه شلون ارفع صوتي على الاكبر مني ونوب ابويه واخويه بس هوه شلون يضربني، ضليت افكر الحد ما گلت
ايڤ: كافي ايڤ انتِ غلطانه روحي اعتذري وهمه لو ما خايفين عليچ چان خلوچ ترحين واذا على العرس اخلي ضحى ادزلي مقاطع
نزلت من المرجوحه اريد ارجع للبيت شفت سياره سوده مضلله نزلو منهه تلث زلم اجو بأتجاهي، چانو ضخمين وشكولهم تخوف كلهم وشوم خفت منهم ردت اطلع وعترضو طريقي واحد منهم غمزلي وگال
:- وين رايح يا حلو
ايڤ بخوف: وخرو حبابين اريد اروح للبيت
:- ههههههههه بت سيف تريد تروح للبيت شتگولون انخليها؟
:: هههههه لا خلينه نلعب وياها شويه
ايڤ: وخرووو عنيي وبعدين منين تعرفون ابويه
:- كافي لهنا من نوصل نكمل كلامنه
غمزلي واجه لزم اديه بأيد وحده ضليت اصرخ وهوه بسرعه حط اكلنس على خشمي، ضليت اصرخ بس صوتي مكتوم الحد ما غابت عني الصوره وما حسيت بشي
.
.
.
گعدت بغرفه من طين وفارغه، فركت عيوني يحرگني وصداع قوي براسي اتذكرت الصار وياي رحت للباب اريد افتحه طلع مقفول ضليت ابچي واصرخ
