يلا نبدي البارت(بسم الله الرحمان الرحيم)
.
.
.
.
............................................................
دره:-
بعد ما عرفنه ايڤ نخطفت راحو للمركز يدورن ويحققون واني رحت للبيت يم خالتي ريحانه لگيتها ميته بچي ضليت اهدء بيها، اجت خاله ريم و وتر
دره: لعد يزن وين
وتر: راح وراهم
طول اليوم ننتظر وماكو خبر الحد ما صارت بـ1 بليل رجعو وحالتهم حاله، گامت خاله ريحانه راحت الهم
ريحانه بدموع: هاا سيف وين بنتي ليش اجيت بدونها
نزل راسه عمو ونزلت دموعه شفت ريان صعد رحت وراه دخلت لگيته گاعد بالگاع ومغطي وجهه بأديه ومتونه تهتز عرفته يبچي، مسحت دموعي ورحت يمه حضنته هوه حط راسه على متني وضل يبجي، اول مره اشوف ريان بهل حاله
دره: لا تخاف نلگاها
ريان: كله بسببي لو ما ضاربها ما طلعت زعلانه ولا صار الي صار
دره: قدر الله وما شاء فعل ما دخلك انتَ لازم تتقون حتى تلگون ايڤ
مسح دموعه وطلع موبايله وضل يخابر بعدين نزل يم عمو سيف ويزن ويمان ضلو يخابرون ويحچون هواي يحاولن يلگون ايڤ
.
.
اليوم التالي
نفس الوضع يطلعون من الصبح للمركز ويرجعون تالي الليل، صارت الساعه بـ2 ومحد غمضت عينه اني و وتر دموعنه على خدنه وهمه يشتغلون ويحاولون يعرفون شصار بـ ايڤ الحد ما اجه فيديو الهم فتحوه وچان نسمع صوت ايڤ تصرخ وهمه يضربونها وهيه تستنجد بعمو سيف، ضليت ابچي وشاهگ مجرد سمعت صوت صريخها ما اگدر اباوع من يضربونها، عمو سيف خشمه نزف لان ضغطه صعد راحت خاله ريحانه اتجيبله علاج وهيه حالتها مو احسن من حالنه، ريان طلع من البيت مدري وين ويزن گام يجيب ويكسر
يزن: گ***** شلوووون تضربونهاااا ولكمم اشسوتللللككم
طلع من البيت ودموعه على خده اول مره اشوفهم بهيچ حاله عرفت ايڤ شنو بالنسبه الهم
.
.
.
مر اربع ايام على خطف ايڤ وكل يوم يجي فيديو النه يعذبون بيه ايڤ يخلي روحنه تفرفح عليها، الحد ما وصلنه فيديو يحطون ملح على جروحها وهيه روحها تفرفح مثل الحمامه، هنا تخبلو يزن گعد يتوسل بعمو سيف
يزن: عمييي نبقه نتفرج الحد ما يموتوووهاا شوفلك حللل مو جاي يدزون فيديوهات ليش ما نتعقب اجهزتهم
سيف: ما نگدر هذولي ن**** حاسبين احسااب الكلشي موبايلاتهم ما نگدر نتعقبها
ضلو يحچون ويخابرون يحاولون يوصلون المكان ايڤ ما نامو الوجه الصبح بس ساعه وحده وبسرعه ريان راح للحمام سبح وبدل بس شفته شويه فرحان
دره: ريان اكو خبر عن ايڤ
ابتسم واجه حضني
ريان: درتي يمكن راح نلگه بنيتي ايڤ
