يلا نبدي البارت(بسم الله الرحمان الرحيم)
.
.
.
.
............................................................
ضحى:-
اني وايڤ علاقتنه صارت كلش قويه بالاخص من اخر موقف صار حتى من راحت البيتهم كل يوم نتراسل لو اخابرها صرت احبها اكثر من خواتي وهيه سوالفها تخبل
بس لا حظت شي من تجيلنه ماتخطلط بس وياي اني وحور وإيليا وبيبي وجدو اما البقيه ما تحجي وياهم وكل الوقت هيه بغرفتها بس تنزل ؏ گد الاكل وتسوي شغلها وترجع الغرفتها ومن راحت البيتهم من اخابرها امبين عليها الفرحه والراحه الحد ما سألتها
ضحى: ايڤ انتِ ليش رفضتينه بالبدايه
ايڤ: ما فهمت شنو تقصدين؟
ضحى: اقصد ليش ما ردتي تجين للبصره وحتى اشوفج گوه عليج تجين عكس هسه ابيتكم فرحانه يعني ما تشتاقين الابوج وامج الحقيقين يعني عمي نزار وعمتي اسماء
ايڤ: هه اشتاقلهم؟
ضحى: اي ليش
ايڤ: انتِ ما تدرين شنو عشت وياهم ولا تدرين شنو عانيت بقيه حياتي
ضحى: اذا تحبين سولفيلي فضفضيلي اعتبريني اختج
ايڤ: من فتحت عيني للدنيا ما شفت منهم موقف أو تصرف حلو چنت اداه يفرغون بيه عصبيتهم على ابسط شي يضربوني الحد ما اخذوني بابا سيف وماما ريحانه على رغم معاملتهم الحلوه وحنانهم عليه ومحسسيني اني فعلاً بتهم الا چنت اخاف منهم ومن دخلت سن المراهقه چنت دائماً اشوف كوابيس واشوف تخيلات شكول مرعبه وكأنهم يضربوني بحيث انهار وتوصل بيه ينطوني أبر مهدئه، بابا من شاف هيج حالتي اخذني الدكتور نفسي وضليت اتعالج والحمدلله بطلت اخذ أبر بس من سمعت بابا يحچي وي ماما على انو انتم تردوني عبالي تخلو عني ومن ارجعلكم هم تضربوني فـ رجعت الي هاي التهيأت وهم انهاريت واخواني انطوني أبره مهدء بس بطلتها
انصدمت من كلامها معقوله هيچ عمي ومرته چانو يعاملون ايڤ والله حقه البنيه ما تريدنه
چانت تحچي والغصه مبينه بصوتها فد كسرت خاطري، غيرت الموضوع لان شفتها ضاجت
.
.
.
مرت الايام واجه يوم الثلاثاء ورجعت ايڤ فد فرحت بجيتها ومتحمسه الثاني يوم لان خطوبتي من حبيبي أمير، ثاني يوم تجهزنه للخطوبه وتم العقد والمراسيم وصرت مرته شرعاً، طلع امير وبدت حفلتنه بس ايڤ صفنتنه برقصها اتقسم بجسمها اتقسم والله خفت عليها لا تنحسد خلصت حفلتنه ورحت بدلت شويه ونزلت ايڤ مبدله ولابسه تراك گالت
ايڤ: شنو نسوي عشه
ضحى: شنو رأيج نسوي مخلمه
ايڤ: تمام راح اطلع البيذنجان والبتيته والطماطه وانتِ ثرمي اللحم بمحضرة الطعام
ضحى: تمام
رحت اسوي اللحم وهيه راحت للثلاجه ما نحس غير باب المطبخ نفتح حيل ودخل علي
بس شنو ملامحه ما مبينه وجهه مورم مبين واحد ضاربه ما ادري مسوي حادث لان امس كله ما شفناه، هوه بس دخل اجه بسرعه جر ايڤ من شعرها وضل يضرب بيها راشديات ضليت واگفه مصدومه بس من سمعت ايڤ تصرخ رحت ركض اوخرها عنه بس ولاچنه دفعني حيل خاصرتي انضربت بحافة الكاونتر ضل مستمر يضرب بيها ويجر بشعرها
