عيناي لا تنسون التصويت والتعليق بين الفقرات وتابعوني حتى يوصللكم اشعار من انزل بارت💕🦋
...........................................................
يلا نبدي البارت(بسم الله الرحمان الرحيم)
.
.
.
.
............................................................
ايڤ:-
نزلت بالصاله واجه اتصال الابويه طلع بره يجاوب شويه ودخل اجه گعد يمي باس راسي وگال
سيف: باباتي ايڤ
ايڤ: هاا بابا
سيف: گدرنه نقدم دليل على علي ونحكم عليه سنه بالسجن وهسه جدچ خابرني ويريد ترحين يمهم هم اسبوع لان اتفقنه ما ترجعين للبصره الا ينسجن علي
ايڤ: بس اني ما اريد اروح اذا عرفو بالصار يذبحوني لان همه عشائر
سيف: ابن امه وابوه الي يمد ايده عليچ والله اموته وبعدين اني طلبت من جدچ يجي لبيتنه بس هوه وبيبيتچ وفهمهم الصار الرضو اهلاً وسهلاً ما رضو مالهم بنيه يمي
اقتنعت بكلامه وهزيتله راسي وضليت گاعده بمكاني
.
.
.
اليوم التالي
اجو جدو وبيبي وسلمت عليهم ودرو بالصار وتفهمو الوضع و وعدونه الموضوع يبقه بيناتنه، رحت الغرفتي بدلت وطلعت وياهم للبصره طول الطريق ساكته يحچون وياي بس اهزلهم راسي بـ اي و لا
وصلنه للبيت وهمه انصدمو بوجودي لان صايرلي فوگ الشهر ما متواصه وياهم اجن البنات«ضحى وإيليا وحور» حضنني ويسلمن عليه رديتلهن السلام ابرود ورحت الغرفتي هنه استغربن من اسلوبي بس اني ما عندي طاقه احچي وي بشر
.
.
.
مرور يومين
مرت هاي الايام واني بغرفتي ما اطلع منها بس البنات يجن يمي يحچن وياي واني لو اجاوب لو لا
حور: ايڤ ليش گصيتي شعرچ والله من هوه طويل احلا
تجمعت الدموع بعيني وضليت ساكته ما جاوبتها، حقهن ما يدرن بالصار بيه، من شافني ما اجاوبهن گالت ضحى
ضحى: ايڤ صاير وياچ شي
من گالت هيچ انفجرت بالبچي وهيه حضنتني بحنيه وضلت تهدئني
ضحى: شبيچ حبيبتي ليش تبچين احچيلي اكو شي صايرلچ
ضليت ابچي واسولفلهن هنه نصدمون ضليت اكمللهن الصار وهنه يبچن وياي الحد ما سولفتلهن من اعتدو عليه چنت احچيلهن واني منهاره ضليت اشاهگ وهنه حضنني
إيليا: الله ينتقم منهم بحق نحر الحسين
حور: لا تبچين حياتي كلنه وياچ ما نعوفچ
مستمره بالبكاء الحد ما سمعت صوت حركه يم الباب خفت لا واحد سمعنه
ايڤ: منو؟
محد جاوب رحت فتحت الباب ماكو شي رجعت المكاني
ايڤ: بنات خلن الصار بيناتنه لان هنا محد يدري بس جدو وبيبي
