Love For Process

🍃How to manage Stress🍃

මම මේ chapter එක ලියන්න හිතුවේ මොකද කියලා කිව්වොත් , මමත් ඉන්නේ ලොකු  stress  එකක. මගේ ජීවිතේ වෙන්න පුළුවන් නරකම දේවල් සිද්ධ වුණා..තාමත් සමහර දේවල් සිද්ධ වෙමින් තියෙන්නෙ.. ඒත් ඉතින් මම කොහොම හරි අල්ලගෙන ඉන්නවා.. ඔයාල මාව දැක්කොත් හිතාවි "ඔහ් වාව් මෙයා නම් හිනා වෙලා ඉන්නවා lipstick එහෙම ගාගෙන" කියලා ..but  ලං වෙලා බැලුවොත් ඔයාලට පෙනේවි ඒක  lipstick ගාපු තොල් දෙකක් නෙමෙයි තනිකරම හම ගියපු තුවාල වුණ තොල් දෙකක් කියලා ..

ඕකේ.. ඒකෙන් වැඩක් නෑ අපි යමු චැප්ටර් එකට.

stress එක අපිට එක එක ප්‍රමාණ වලින් එක එක කාලවලදි අපේ ජීවිතේට ලැබෙනවා. ඒක පවුලෙ ප්‍රශ්නයක් නිසා , නැත්තම් සබඳතාවල ප්‍රශ්නයක් නිසා , ඉගෙනිම් කටයුතු නිසා හෝ ඔය ඔක්කොම නිසා වගේම වෙන ඕනෙම හේතුවක් නිසා වෙන්න පුළුවන් . 

මම මට තේරෙන විදිහට , මම පෞද්ගලිකවම පාවිච්චි කරන ක්‍රම ටිකක් ඔයාලට කියන්නම්.

• ඔයාව compare කරන්න යන්න එපා

දැන් මම ගත්තොත් උදේ 4 ට ඇහැරිලා දවසේ පාඩම් කරන ඇවරේජ් පැය ගාණ පැය 12 කට තියන් ආපු කෙනෙක්. ඒත් සමහර දවස් තියෙනවා මුකුත් ම නොකර ඇඳේ හාන්සිවෙලා ඉන්න දවස්. ගිය සතියෙත් එහෙම දවස් දෙකක් මම ගතකරා. එතකොට මට අඩුම ගානේ ෆෝන් එකවත් යූස් කරන්න හිතෙන්නෙ නැහැ. 

මම මේ කියන්න හදන්නේ ඉස්සර දවසට 12hrs වැඩ කරන මමයි, ස්ට්‍රෙස් වෙලා ඇඳට වෙලා ඉන්න මමයි කියන්නේ දෙන්නෙක්. ඉතින් ඒ වගේ වෙලාවට අනේ මම පැය 10 , 12 පාඩම් කරා ඇයි දැන් මට එහෙම කරන්න බැරි කිය කිය හිත හිත ඉන්න එපා.

හැමදාම පෆෙක්ට් දවස් නෙමෙයි.. අපි පෆෙක්ට් මිනිස්සු නෙමෙයි.ඒනිසා ඔයාට හිතුනොත් අද වැඩ නොකර ඉන්න , මුකුත් නොකරට කමක් නැහැ.. මොකද ස්ට්‍රෙස් එකක් යටතේ වැඩ කරන එකෙන් ලැබෙන ප්‍රතිඵල අඩුයි. මම මේ කියන්නෙ ලොකු ස්ට්‍රෙස් එකක් ගැන හරිද...? මේ ඉගෙන ගන්න අපි හැමෝටම ස්ට්‍රෙස්ස් එක යම්තාක් දුරට කොහොමත් තිනොනෙ.. ඉතින් ඔන්න මැඩම් ලානුත් එපා කිව්වා පාඩම් කරන්න ගාලා උඩ බලන් ඉන්නවා එහෙම නෙමෙයි.. හරිද? මම කියන දේ තේරෙනවනේ.. සමහර වෙලාවට සමහර දවස් තියෙනවා මාරම මූසල හැඟීමක් ගේන දවස්. ඇඳෙන්වත් නැගිටින්න හිතෙන්නෙ නැති දවස්.. අන්න ඒවා ගැන මම මේ කියන්නෙ..