Love For Process

🍀How To make short notes🍀

Short notes ගහන්නෙ කොහොමද???

හුඟක් අයට තියෙන ප්‍රශ්නයක් තමයි, කොහොමද හොඳ short note එකක් හදාගන්නෙ කියන එක.

මුලින්ම කියන්න ඕන short notes කියන්නෙ පාඩම් කරන්න පුළුවන් එක ක්‍රමයක් විතරයි. මේ ක්‍රමේ හැමෝටම ගැළපෙන්නෙ නෑ වගේම, හොඳටම ගැළපෙන අය ඉන්නත් පුළුවන්. හරියට මං වගේ. ඉතින් මේ ක්‍රමේ ඔයාලට ගැළපෙනවද කියලා ඔයාලටම තමයි try කරලා බලන්න වෙන්නෙ.

හැබැයි ඔයා දැනටමත් ගැළපෙන ක්‍රමයක් තෝරගෙන ඉන්න කෙනෙක් නම් ඒ ක්‍රමේ වෙනස් කරන්න යන්න එපා. හැබැයි ඔයාට ළඟකදි exam එකක් නැත්නම් මේ ක්‍රමෙත් try කරලා බලන්න. මොකද සමහරවිට ඔයා දැනට පාවිච්චි කරන එකට වඩා short notes වලින් පාඩම් කරන එක ඔයාට ගැළපෙන්න පුළුවන්.

සාමාන්‍යයෙන් මම ශෝට් නෝට් එකක් ගහන්න කලින් කරන වැඩක් තියෙනවා. මේ දේ ගොඩක් ම ලේසි ඒලෙවල්ස් කරන අයට කරන්න තමා.හැබැයි දැන් මේ දේ කරන්න ඒ අයට කල් තියෙනවද කියනඑක නම් ප්‍රශ්නයක් . මම මේ කියන දේ ටිකක් උත්සාහා කරොත් ඕලෙවල් අයටත් කරන්න පුළුවන් . මේක කරොත් ඔයාලට ඒකෙන් ලොකු වාසියක් තමයි ලැබෙන්නේ.

ඒලෙවල්ස් කරන්න ඉන්න අය නම් පේසුරු පොත් ටික ගන්න. ඕලෙවල් අය නම් කලින් අවුරුදු හයක විතර ඕලෙවල් ෆුල් පේපර්ස් අරගන්න. ඊට පස්සේ ඔයාලගේ එක එක විශයෙ තියෙන පාඩම් ටික ටිකක් ඉඩ තියලා ලියාගන්න. ඒ ඉඩ mcq, structured , essay කියලා වෙන් කරගන්න.

දැන් ඒලෙවල්ස් අයට නම් හරිම ලේසි. මොකද අපේ පේසුරු වල පාඩමින් පාඩමට වෙන් කරලනේ තින්නේ. ඔයාලා 2022 ඉඳන් 2012 වෙනකන් පලවෙනි පාඩමින් mcq කොච්චර ඇවිල්ලා තියෙද බලන්න. ඊට පස්සේ structured බලන්න. ඊට පස්සේ essay බලන්න. එහෙම ඔක්කොම පාඩම් වලට විෂයක් තුනටම බලන්න 2022 ඉඳන් 2012 වෙනකන් කොච්චර ප්‍රශ්න ඇවිල්ලද කියලා. අන්තිමට ඔයාලට පෙනේවි අඩුවෙන්ම සහ වැඩියෙන්ම ප්‍රශ්න ආපු පාඩම් ටික. ඉතින් දැන් තේරෙනවනේ ඔයාලා වැඩිම අවධානය දෙන්න ඕනේ මොන පාඩමටද කියලා.

ඕලෙවල් අයට නම් මේක කරන්න වෙලා යාවි. කරනවා නම් හොඳයි ඉතින්. පුළුවන් නම් කරන්නකෝ.

ඉතින් දැන් බලමු කොහොමද මේ short notes හදන්නෙ කියලා. මේ පියවර ටික කරලා බලන්න.