المستهام

بارت الثالث عشر

المستهام
"شيماء الدُليمي"

ماتت بعيني الأموت بعينها..!

رقيب:: نطيتج فرصة وانتي ما استغليتيها
ف لا تتوقعين راح يرفلي جفن

ارام:: عضيت طرف شفتي خوف تملكني
سنين انا هربانه من اهلي بسبب هذا الشي وهسه انا اروحلة برجلي

كمت من السرير بدون ما انطق بحرف
عدلت شالي واخذت الجنطه نزلت وهو نزل ورايه
فتح قفل السياره صعدت هو صعد وگام يسوق

اردف بصوت حزين ويائس

_ابد ما تصورتها منج
ردتج سند ألي لمن انكسر تالي صرتي احد انكساراتي

ارام:: بلعت ريگي وحجيت نفس نبرته
كنت متوقعه راح يجي يوم تعرف كُلشي وردتك قبل ما تعرف تطلگني علمود لا انا ولا انت ننكسر

كسرتي هسه تعادل اضعاف كسرتك 

رقيب:: ليش شسويتلج علمود تنكسرين

ارام:: درت وجهي على الجامه اباوع على الطريق
حجيت بهدوء وصوت ناصي
ما سويتلي شي بس مكسوره على كسرتك

اخذ نفس قوي وزفره حجه بضوجه
_ارام اخر فرصه راح انطيها الج
تجين لبيتي يا اوديج لبيت اهلج واسوي يلي لازم اسوي من أول لحظه

ارام:: اروح لبيت اهلي

ابتسم بقهر وگام يهز براسه بعدم رضه
نزلت دموعي ما اعرف على شنو بس اكو شي خانگني دخلنه بفرع بيت اهلي
بتسمت يائسه غمضت عيني حجيت بگلبي
دقايق معدوده تنتهي حياتي
صارلي اكثر من خمس سنين عايشه بعذاب وتأنيب ضمير
كارهه روحي احس روحي قذره بعد كُلشي صارلي
ندمت لان عفت اهلي وما خليتهم يذبحوني ما فكرت بشي غير بس علمود اشوف حياتي يلي ما فهمت منها غير القهر عبالي راح ارتاح وعيش مثل ما اريد بس وين ما اروح الماضي يلحگني تعبت منه وتعب مني اكثر من مرى فكرت بالانتحار بس كانت مسره تمنعني وتظل وياي ألما اطرد الفكرة من بالي..
كرهت حالي كرهت حياتي سويت هوااي اشياء علمود انتقم من روحي بروحي

فززني من صفنتي صوت رقيب
_ارام اختاريي صح

ارام: اخذت نفس و بتسمتله
ايدك الك شتريد تسوي سوي ما يهمني شي
لان كُلشي راح تسوي اعتبره مساعده ألي

رقيب:: تبيعين حياتج عادي

ارام:: كُلش عاديي هم
ندارت على الجامه صار باب اهلي بوجهي

ضحكت قوي الضحكه طلعت من اعماق قلبي
اردفت بهدوء
_ذبحك الي راح يخلصني من هم سنين انا متعذبه بسببه

ضرب الستيرن كُلش قوي وگام يحجي بصوت عالي وعصبي

_لوووويييننن تردييينن توصلييييننن ارااامم
ليشش تحرگينن گلبي فوگ ما محروگ