المستهام

بارت الثاني

المستهام

"شيماء الدُليمي"

*لا تنسون التصويت والتفاعل*

من صُغري گلبي أنجرَح ولهسه أدور فرح مثل ليدور حَرف بوراق مَشعوله!.
ــــــــــــــــــــــــــــــــــ

رقيب:: گولي خوما دخلتي علمود هسه اگوم اطيحه لحظج

ارام:: اكيد لاااا ترى ما واصله لهل درجة من الاستخفاف ..

بس فتحت الباب شويه وختلت ورى وجاوبته
سئل عليك گلتله بالشغل گال من يجي كوليله عمك ابو منصور يسلم عليك وراح ومن راد يدخل گلتله ماكو احد بالبيت ما اگدر ادخلك

عض اصبعه وحجه بتوعد
رقيب:: اخخخ تستاهلين كتله على هاي عملتج بس شسوي بعد مجبور اسكت

حجيت بدلع
ارام:: ويهون عليك تكتلني؟

رقيب:: اذا تستاهلين اكيدد يهون عليه

ارام:: وسفه عليك عود انا مزومطه بيك تالي طلعت مدري شلونك

رقيب:: ريمتي حبيبي اكو اشياء انتي ما تعرفيهه ويفضل ما تعرفيه وممكن دمر حياتنا ف أحنا ليش نخليهه توصل لهل مواصيل خو نبتعد عنهه علمود نضل محافظين على بعض فتهمتيني

ارام:: ليش اكو هيج اشياء

رقيب:: تعرفين شغلي شلونه ويستوجب هيج اشياء بالإضافة اكو  ناس منج وبيج يردون يأذونج ف سمعي كلمه فتره افض كلشي وبعد شتردين تسوين سوي

ترى ما عندي قابليه اعوفج ريمتي شفت روحي بيج لا تأذيني بيج و فتره وتعدي بس اتحملي ولا تكسريني

ارام:: تقربت عليه حضنته وبسته من خده، وڪلت بهدوء

والله راح اسمع كلامك بس انت بطل عصبيه واحچي بهدوء شتريد يجرالك

بادلني الحضن وباسني من راسي

رقيب:: اتحملينيي ارام واذا اكو شي بيه ما يعجبج غيريني بطريقتج
ترى اكو هوااي اشياء بطلتهه لخاطر عيونج وعلمود ما تتأذين وياي بس صعب اغيرهه مره وحده العافية تجي بالتدريج

ارام:: احبك رقيبي وحييللل هم

رقيب:: احبج اضعاف حبج أليي يبعد كل ناسي

ارام:: وخرت عن حضنه مبتسمه وگمت علمود انزل الصينيه ما قبل انزلهه اخذهه مني وهو نزلهه وانا نزلت ورى حطهه على الميز وگرص خديي

رقيب:: لا تشيلين شي ثگيل ظهرج مو زينله وبعد ماكو داعي تصعدين الاكل ناكل هنا ونصعد

ترام:: تمام مثل ما تحب،
تريد چاي؟

رقيب:: بكيفج

ارام:: لعد راح اسويلك

رقيب:: شلون چان يومج