المستهام

بارت السابع والعشرون

المستهام
"شيماء الدليمي"

أن لَم تكُن عائلة المَرء وطنًا آمنًا،
فأي الأوطان يُمكن أن تَحويه بَعدَها؟

رقيب:: احمم مثل شنو؟

عمر:: بهدوء، كلشي شايفه گوله

رقيب:: ما شايف شي علمود احجي

عمر:: رقييب الگدامك مو طفل علمود يصدگ جذبتك،
ف احجي شنو شايف عليهه

رقيب:: ببتسامه، صدگ ما شايف شي، بس مجرد ضايج منهه لان كلش هاملة البيت، وهاملة هجوره

يعني اذا امي فوگ راسهه ما جان صار بيهه شي

عمر:: قدر والله كاتب يصير، بس اكو غير شي ادخل بالعميق لا تبقه تلف وتدور

رقيب:: بعد ماكو غير هذا السبب

عمر:: شوف رقيب خلي اگلك شغله، الأم يلي توصل بيهه المواصيل تسمم أبنهه معناهه ما طايقته وتريد تتخلص منه بكل الطرق، او لازم عليهه شي ويهددهه بي وهي تريد تتخلص منه علمود تخلص من تهديده،

وانا متأكد ثنينهن صح، انت مو صغير علمود انا احاسبك لان ما تقبل تگلي

بس حط شغله بالك، الغلط عمرة ما ينظم ويجي يوم ينفضح، ومن ينفضح ساعتهه راح احاسبك مو هسه لان تگدر بكل سهولة تحجي كلشي وتفظ المهزله يلي دا تصير

انا نازل وانت دير بالك على حالك ولا تاخذ اي شي من امك

رقيب:: اذا تعرف امي ليش اجيت معصب؟

عمر:: ارجع و أكول الگدامك مو طفل وهيج شي ما يمشي عليه اما ليش اجيت معصب
ف ردت اتأكد لان مو من الحق احاسب بدون تأكد

رقيب:: بتعجب، حلو بس شتريد تسوي

عمر:: ما بالي شي هسه، بس دير بالك على حالك وادرس عدل
انا نازل محتاج شي؟

رقيب:: تؤ

عمر:: خوش، لعد انزل سلم على خواتك لان اجني

رقيب:: بضجر، مابيه حيل عود بعدين

عمر:: بعصبيه، رقيييببب

رقيب:: بهدوء، شنووو

عمر:: لا تفرق بين خواتك، امشي عدل ويه الكل لا تميز شخص على شخص
ترى ما راح يجيك غير وجع الراس

رقيب:: برود، ما احبهن

عمر:: عادي، لا تخلي مشاعرك تغير تربيتك
طول عمري مربيك على العدل، تالي تجي تفرق بين منو بين خواتك ترى ما راهمه و باجر عگبه ما عدهن سند غيرك

رقيب:: وليش انا ترى اكو بعد ثلاثه غيري

عمر:: ورغم هاي انت سندهن مو همَ، خليهن قريبات عليك احميهن من القريب قبل الغريب