المستهام

بارت الثامن عشر

المستهام
«شيماء الدُليمي»

علي صار النهار ليل،
تاهت كل موازيني
الماي ألي يطفي النار انه الماي يجويني!..

هاجر:: ابتسمت على كلام رقيب حجيت بگلبي
محد يأذيها غيره
نداريت على أرام علمود اشوف ردت فعلهه
شهگت خليت أيدي على شفتي بخوف بعد ما شفت ارام طايحه بالأرض الكل ندار يباوع على السبب
ركض رقيب عليهه صار يضرب على خدهه بهدوء بس ما صحت
اردف بخوف وهو يضرب على خدهه
_جيبي مفتاح السياره

هاجر:: وين مخلي

حسين:: هاك مفتاح سيارتي وروح بيهه

هاجر:: شالهه وحطهه بالسياره اخذ المفتاح من حسين وصعد فتحله حسين الباب وطلع رقيب

سدين:: بنحيب، ان شاءالله يندعم ويجيي خبر موته

هاجر:: اسم الله عليه ان شاءالله بعدوينه

نجلاء:: لاا كون بيي

هاجر:: فتحت عيني مندهشه من تصرف أمي گعدت بالأرض رفعت أيدها ودعت بحرگة گلب
_يارب دعوة ام كونن يجيني خبر موته نذر عليه اطلع فقير للحج

هاجر:: نزلت دموعي على تصرفها شما يكون هذا ابنها وعايشه بيته لازم تنكسر عينهه

حسين:: بهدوء،
اذا يستجاب دعائج اطلع من الأسلام

هاجر جيبيلي مفتاح اخوج خلي اروح هيجتو قالوني
الله يعينها ريمه شلون متحمله
عايشه وسط جلاب مو اوادم
ولو الجلب اذا انطي مي يغزر بعينه مو مثلكم

هاجر:: لمت شفتي داخل حلگي اخفي ابتسامتي
حاضر
دخلت لغرفة رقيب دورت المفتاح لگيته مشمور على السرير اخذته وطلعت أمي مستمره بدعواتهه على رقيب وارام
هزيت راسي بعدم رضه على دعواتهه يلي تكسر الظهر والبقيه يگولن امين
نطيت المفتاح لحسين هو اخذه مني بعصبيه وهج من البيت سديت الباب ودخلت للبيت گعدت بغرفة ريمه انتظرهم

............

ارام::
فتحت عيني بتعب صارت أضائه كُلش قويه درت وجهي وخليت أيدي فوگ عيني رجعت فتحتهه على كيفي صارت هيئة رقيب مقابيلي عضيت شفتي الجوه وانا اشوفه مرجع راسه على ظهر الكسري وشابك كفوفه هيئته مخيفه شرانيه گعدت صحته بصوت خافت
فتح عينه وباوعلي برود
بلعت ريگي بخوف بللت شفتي حجيت بتوتر
اريد اطلع

رقيب:: يخلص المغذي

ارام:: قدمت شفتي بضوجه ضيقت عيني اباوع على المغذي بعدله هواي يلا يخلص
ترى اليوم هواي حطولي مغذيات خلي نطلع قبل ما يخلص
باوعلي بعدم رضه وطلع من الغرفه رجعت تمددت غمضت عيني وانا ادردم بصوت ناص
كون الله يطيح حظك صح هسه ما مقصر بس كون اكثر من هيج
گبر عبالك دا احجي ويه حياطين هسه اذا احرگه احد يكلي ليش لا والله واحد سربوت اصلا العالم تفرح اذا احرگه
ابو نسواان هاي لو وحده غيري جان سرسرحح ويجاوبهه على كل حرف يطلع منهه،،،
قطعت كلامي بعد ما سمعت صوته فتحت عيني على كيفي وانا اشوفه فاتح عينه على وسعهه مستغرب من كلامي