غسل العار

5 🐢🌻

#غسل_العار #خامسا 🐢🌻

كالت سدير ..

الي اجت بالحفلة هاي #فاطمة مرته الاولى
اما #عبير مرته الثانية
و انتِ الثالثة يالفهيمة!

وضحكت سرى ضحكة عبالك اخر ضحكة الها بالدنيا ..

ـ اي من حقه ممسوي شي حرام والرابعة اذا يريد اني امشيله اياها
ـ اهااا عاد صارت تجذب ع اساس مو محتركة
ـ ليش احترك رجال ومن حقه

كامت سدير لزمت ايد سرى وكالتلها امشي نطلع الله لا يبلينا مبتلاجن ان شاء الله ..

طلعن واني كلبي لو احط عليه قالب ثلج يموع من كدما محتركة ..

جنت زعلانة لان متزوج وحدة طك فش طلعت اني الثالثة الحمد لله يا ربي ع قدرك وحكمك والله مجاي اتحمل كل هذا الظيم والشماتة ..

هم لو خلصانة من سدير وسرى هم الحياة شوي سهلة بس ذني شالعات كلبي ان شاء الله يشوفن شي اكثر مني لان ينكطن نحاسة ونذالة ..

باوعت يمين يسار كلت لازم اعرف تكرمون الملابس الداخلية الي لازكة جوة الجرباية شنو ..

بعدني ما تحركت جان تطب جفت عالغرفة بدون احم ولا دستور #فاطمة مرته الاولى الي اجت بالحفلة طشرت الكيك بوقتها يمان حلف مية قسم مايعرفها  ..

جان تكلي

فاطمة ـ  مبارك عليج غرفتي ..
مريم ـ شنو مافهمت ..
فاطمة ـ مبارك عليج غرفتي ماتسمعين
مريم ـ ياهي غرفتج
فاطمة ـ هاي العرستي بيها غرفتي ..
مريم ـ صدك تحجين ؟
فاطمة ـ اي والله و انتِ مو اول وحدة هم #عبير قبلج عرست بيها وطلعت منها شهرين حدما صارت امام امر الواقع وحولوها لغرفة فوك مابيها خشاب و انتِ دربج دربها

مريم ـ يعني هاي غرفة عرسج ؟
فاطمة ـ اي والله غرفتي واذا ماطلعتي منها ترى تندمين

مريم ـ اذا غرفتج فهاي حقج وعادي مستعدة اطلع من اليوم لغرفة ثانية

فاطمة ـ عبير قبلج كالتها والا حرب سويت عليها يلا طلعت عبالك غرفة الخلفوها فلا توجعين راسي اطلعي ب احترامج

مريم ـ والله اطلع بس ع كيفج وياي يا خيتي
فاطمة ـ لا اختج ولا اعرفج اني اريد غرفتي

بهاللحظة طب يمان للغرفة ..
وتفاجئ بفاطمة بالغرفة باوعلها من فوك ليجوة وكاللها

يمان ـ شعندج هنا
فاطمة ـ جاية لغرفتي اريدها ..
يمان ـ هاي مو غرفتج هاي غرفة مريم

كتله

ـ بس هاي غرفتها!                   #وسام_الفراجي

يمان تفاجئ من كلامي وكال ..

ـ لا مو غرفتها هاي غرفتج
ـ بس مبينة مستعملة ومبينة غرفتها
ـ مرررريم كافي

من صاح فاطمة طلعت برا بالحديقة ..
جان تكول ..