غسل العار

4 🐢🌻

#غسل_العار #رابعًا
#وسام_الفراجي 🐢🌻

شو هذا راح لملابسي فتح الكنتور طلع دشداشة جان يلبسها وكلي اني البس ملابسج و انتِ البسي ملابسي!
ـ يعني شنو مافهمت
ـ اني احب البس ملابس البنات ..
ـ تشاقة اكيد
ـ وكت شقة هسة
ـ انت زلمة يمان لحية وشوارب شنو تلبس دشداشة
ـ ارتاح هيج لتلحين

هاي شنو صارت ببالي افكار شيطانية اعوذ بالله ..

ولبس الدشداشة مالتي وكصيرة عليه طالعة نص جراعينه ويباوع عالمراية ويلف لفة كاملة ويكلي حلوة عليه ؟

ـ انتَ تتشاقة صحيح ؟
ـ وكت شقة هسة بس كوليلي عندج دشداشة طويلة عليج ؟
ـ يماااان
ـ شبيج
ـ بس لا انتَ طبعك ... وسكتت
ـ طبع شنو قصدج
ـ هيج بس ماحب هيج تسوي هاي للنسوان
ـ احب هالشي ومن زمان اتخيل اسويها وسويتها ويا #عبير اول ما تزوجنا
ـ عبير!
ـ انسي هسة الي كلته وتعالي البسي تراكسود مالتي
ـ شنسى اوكف اوكف يا عبير ؟
ـ اهو كتلج كومي البسي والا اكلج ظلي كاعدة اني ادورلي ع دشداشة ثانية البسها ..
ـ صدك مريض نفسي

شو كلت هيج وهذا انجلب عليه فز وباوعلي بحيث عيونه تريد تطلع من وجهه قرب عليه وكلي ..

ـ منو كلج مريض نفسي ؟
ـ محد

حط ايده ع جتفي وكلي

ـ منو كلج مريض نفسي للمرة الثانية
ـ محد كتلك

لزمني من شعري وكلي كومي كومي ..
اخذني للكنتور وطبعا غرفتي مستعملة مو جديدة ..

كلي
ـ افتحي الجرار هذا الجوة
ـ ليش ؟
رص ع شعري وكلي افتحي وفتحته
ـ جوة الملابس هاي اكو شي طلعي

مديت ايدي لكيته حبل مال ملابس ..

كلي اكعدي عالجرباية وانطيني ايدج ..
كلبي صار يدك الف بالثانية تغير كليا عن قبل شوي حسيته غير انسان وعيونه احمرت وحلكه من يحجي صار اعوج ..

خفت الصراحة وكعدت ربطني بي وربط رجليه وايديه ودفعني بحيث تمددت عالجرباية من شافني تمددت صار يضحك ..

رجع كعدني جان يدفعني واوكع هم عالجرباية ويضحك اقوى من الاولى ..

حط ايده بيدي وسحب الخاتم من ايدي وهو الوحيد المو برازيلي ..

راح للجرار طلع بسمار ضعيف وجاكوج عبالك فيترجي مو غرفة عرسان ..
ودك البسمار بالمحبس وحطه عالحايط ..
تذكرت بوقت اجيت للبيت وكعدت  بوحدة من الغرف هم شفت محبس هيج بي بسمار بس محجيت

كلي

ـ ماريد ترفضيلي اي شي اكلج عليه مفهوم ؟
ـ مفهوم

لزمني وفل الحبل وكلي حفتح الفستان وهذا تراكسود مالتي الابيض البسي ..

ومن صدك لبست تراكسوده وهو لبس دشداشتي ..
ويا ليلة الكشرة الماتقبل تخلص ..

هنا تيقنت الف بالمية مريض نفسي ..
وبعد صرت مرته مايفيد العتب ..
واهلي ميرجعوني ومايريدوني لو اكمز ولازم اشوف حل ..