غسل العار

الاخير🐢🌻

#غسيل_العار #الاخييير 🐢🌻

تقربت عمتي ع عبير وشايلة اللعابة الي تكول جنية ..

عمتي ـ هسسسسة تكولين شمسوية
عبير ـ ممسوية شي
زينة ـ شنو هاي يولي كل هاي الادلة وبعدج تدافعين
عبير ـ هاي مالت سرى

سرى ـ اني شدخلني بيمان يتزوج يجيب اطفال قابل رجلي

عبير ـ وابو حميدو منو سواله حجاب

عمتي ـ اي اي طلعن فضايح بعض ولجن ماتستحن انتن ماتخافن ربجن ماتعرفن السحر يكتل البشر ويخرب العائلة ويطشرها ..

عبير ـ ممسوية شي. 
زينة لزمت عبير من جتفها وضرب ووكعت ونامت فوكاها تكتل بيها وعمتي ظلت بس تباوع حدما كتلتها زين جان تفكها ..

عمتي ـ طلعي عملج ابني جااااي يموت
عبير ـ ممسوية شي شتريدون تسوون سووا ..

عمهم ابو حميد صاح هاي العكازة دواهم مثلما تفججت قبلها سرى وابو حميدو ..

انطوني مجال خلي افوتلها طلعنا اني وزينة وكفنا عند باب الغرفة وهو كاللها يبنتي الولد بس نفس يصعد وينزل فكي سحره وندزج لهلج وخلص ..

عبير ـ ماسويت شي ..

حمستني هواي كلت الها مو توة اعترفتي وحجيتي ع سرى يعني القصة صحيح ..

عبير ـ لا ..
رفع عكازته وضربه فوك اذانها بحيث صوتها شك الغرفة شك ..
ايدها ع راسها وتصيح امانة عمو لتضرب وتحط ايدها ع راسها وتباوع لايدها اذا اكو دم ورفع العكازة وضربها ع خواصرها وصاااحت ورفع عكازته وكالت كافي كافي والله لسولف بس انطيني نفس والله احجيلكم بس ذمة بركبتكم لتسوولي شي

ابو حميد ايد ع عكاله لازمة لا يوكع وايد الثانية تضرب بحيث اني رجعت ليم الباب خفت من عنده انوب صياحه يجيب التايه عالي حيل ..

اف بعد ايدي قالب ثلج ع كلبي ..
خلوني ارتاح تصيح

وعمتي تكول لعم يمان لأبو حميد يعني ..
انطيها مجال تحجي والله يمان بينه وبين الموت اصبع ..

عبير ـ اريد اغسل

ابو حميد ـ احجي لج لا اكسر عظامج بالعكازة هاي ..

عبير ـ اصبر متشوفني شلون صايرة خلي اتنفس

زينة ـ احجي ام السحورة هسة صرتي تعبانة ماشفتي يمان شلون صارت حالته ما كسر بكلبج

عبير ـ لتدخلين انتِ 

زينة ـ عوبة اقسم بالله وشايلة عرامة فوك مو ام سحورة انوب الها عين وتحجي
عبير ـ اسكتي لج

جان يرفع العكازة ابو حميد
وحطت ايدها ع وجهه ..

ـ لا لا عمو راح احجي والله ..
ـ احجي هاي اخر فرصة اكسرج والله
ـ هاي سرى هي الي علمتني