غسل العار

9 🐢🌻

9..

لكينا ابو حميدو وسرى متحاضنين ..

كلت الها ..

ـ زينة زينة
ـ ها
ـ باعي زين بالزاوية ورا البيت
ـ وين
ـ ولج بهاي الجهة شوفي شنو هناك
ـ استغفر الله العلي العظيم امشي نروح
ـ وين وين خلينه نسوي حركة خلي يحسون شفناهم اريد اربيها هاي سرى
ـ لج وييين امشي راح اروح اني
ـ روحي اني اريد ....

بعدنا جاي نحجي شافونه كشفناهم وبسرعة نزلوا روسهم وافتروا ورا المبردة الي محطوطة عالشباك ..

اني من حسستهم انكشفوا ..
طلعت وصعدت ليفوك بس شنو ولا عبالك شايفة مصيبة شو فرحت كلش من لزمتهم وصار سرهم بيدي ..

كلت يمريم عذبيهم بالصمت لتحجين شي واذا هم حجوا راح احجي كلشي واكلهم اي شفتكم ..

صعدت لغرفتي وبعدني ماطبيت طلع يمان يريد يسبح من غرفة عبير ..
وطلعت عبير شايلة ملابسة ..

عفتهم وطبيت بغرفتي وسديت الباب ..
من جهة متأثرة بقصة زينة ومن جهة كشفت سرى وسوالفها التعبانة ..

بسيييطة ..

بعد شي نص ساعة اندك الباب .. من ورة الباب
منو كلي يمان ..

فتحت الباب ونام يمي للصبح
حتى تقسيم على زوجاته مو عادل بيهن

عبير واني اما فاطمة بس بالاسم مرته ..
ومع ذلك ماتحجي وتتذمر مسلمتها بيد الله ..

الصبح تريكنا ونفس الشي ذب عن راسه وصار يعيش عالمغذيات ..
ما يركد اي شي بمعدته بعد وضعف كلش بحيث عظم خدوده بارز صار ..

تسولت بعمتي تطيعني وتشوف غرفة عبير الف مرة يعمة غرفة عبير فتشيها مثلما فتشنا غرفة فاطمة

وهي تكول لا عبير ماتسوي شي اله مستحيل تضره تموت عليه ..

اروح ليمان يا يمان خليني نفتش غرفة عبير يكلي افتش غرفتج وما افتشها ..

كلت الهم بكيفكم بعد انتم احرار ..

سألت يمان عن ابو حميدو وينه حتى اسويله ريوك
يكلي من الصبح راح لبيته واخذ حميدو وياه

ومن عمتي سمعت اخذ حميدو جان تكول
ـ  ايييي تيتي تيتي مثلما رحتي جيتي هسة شوي وتروح سرى تجيب حميدو لان يبزع منه بسرعة

ـ عمة منو يروح سرى يعني كل مرة ؟
ـ اي تروح تجيب حميدو كلما يزورنا ياخذه ساعة ساعتين وتروحلهم سرى تاخذه وتجي ..
ـ اعوذ بالله
ـ شبيج ؟
ـ لا هيج

اني كبل طخت براسي السالفة الي صارت البارحة وكلت اكيد راح يسوون شي مثل البارحة ومستغفلين البيت كله ع اساس ياخذ ابنه وراح تروحله ويستخلون ببيت حميدو ..

مستحيل اكو تفسير ثاني للسالفة هاي  ..

شلون اوصللهم الفكرة شلون اوصللهم الي دا يسووا ومحد يدري ..