غسل العار

7 🐢🌻

#غسل_العار #وسام_الفراجي #سابعًا 🐢🌻

اني معنوياتي صارت تحت الصفر وشاهكت وكلت الها

ـ لعد الفوك منو ؟
ـ منو فوك ؟
ـ لج عبير فوك توة شفتها لتخبليني
ـ انتِ لو مخبلة لو مخبلة بابا جاي اكلج عبير راحت وياهم ..
ـ والله فوك تعالي اشوفج

نزلت حميدو بالكاع ..
لزمت ايدها وصعدت وياها لفوك وطبعا الخوف مالتي فووول بحيث لوما فاطمة وياي ما اصعد ..

صعدنا ورحت لغرفة عبير جان فاطمة تمد ايدها حتى تفتحه وانفتح الباب مباشرة كبل ما تلزمه

ركضت اني وفاطمة عيطت كل حيلها يممممممممة ولازمة ايدي واني اريد اركض وهي لازمتني دعوووفيني يمعووودة ..

وكعت فاطمة وصارت تتعثور تريد تكوم ع حيلها واني صرت اسرع من بيب بيب ..

واصيح اعوذ بالله اعووووذ بالله ..
جان اسمع صوت صياح طفلة ..

باوعنا لكينا بنت عبير فتحت الباب حتى تطلع واحنه فزينا نعبالي انفتح من حاله وصار صياحنا ماله والي ..

والطفلة من شافتنا هيج نصيح ونوكع ونركض انخرعت من عدنا وصارت تبجي خافت من عدنا ..

واكفين ع طارف الدرج وشفنا الطفلة وصرنا وحدة تباوع للثانية وشعر فاطمة وكف كدما خايفة كفشتها صار هالكبرها ..

لزمت ايد فاطمة كلت الها اساليها عن امها كالت
ـ ماما وينها ؟
ـ هياتها نايمة

باوعت فاطمة عليه كلتلي والله شفتها طلعت

ـ لتخبليني يجوز رجعت ومتدرين
ـ ما ادري بعد بعيني هاي شفتها راحت وياهم ..

طلعت عبير عيونها منفوخة من النوم وتحك براسها واستندت عالباب ..

فاطمة لزمت ايدي واني ردت انهزم جان تكول النا

ـ شبيجن لخاطر ربجن متخلون الواحد ينام ...

كالت فاطمة

ـ آدلين وتأسفي

كلت الها اني
ـ قصدها آسفين وتدللي بس خربطت ..

نزلت اني وفاطمة وحدة لازمة ايد الثانية من الخوف

جان اسمع صياح حميدو شبعان بجي ..
نزلنا اني وفاطمة ..

صارت بوجهنا سدير جان تكول ..

سدير ـ صايرات اصحاب الله يثخن لبنكم
فاطمة ـ مو وكت هالسوالف يمان شكالوا عليه

سدير ـ كالوا منعرف علته شنو نطوه حبوب وابر ومغذيات يمممممكن اكو وحدة لاعبه بي لعب

كالت هيج وتباوعلي ..

ـ منو قصدج اني ؟ انتِ تدرين بقصتي وتدرين بالزواج الاجباري الي صار فلتخلين ذنب برقبتج ان بعض الظن اثم