غسل العار

3 🐢🌻

#غسل_العار #ثالثا 🐢🌻
#وسام_الفراجي

لزمت ثوبها رعطته رعط وصاحت هذا زوجي ماخذتي يا امهات السحورة خربتن بيتي

وكفت حسيت لو احرك اهلي واهله هم مايبرد صوابي وقتها ..

يعني اريد اعبر عن شعوري بوقتها مااكدر تخيلوا زواج اجباري ع تهمة بسيطة و ع اساس سوونا نحب بعض ورادوا يسترون علينا ويطمطمون السالفة و زوجونه غصب..

فوك الظيم والاجبار تجيج بنت بالحفلة تصيح اني مرته و انتِ هجمتي بيتي ..

شنو من گلب عندي ويتحمل صدمات اكثر ..

ـ شنو شنو ؟

ـ اني مرته وعندي بنات اثنين وكتله ليمان لو تزوج ب اي مكان راح اجيك واكوللها بنص حفللللته اني مررررته ..

ـ يمان احجي منو هاي ؟

يمان : ما اعرفها والله اول مرة اشوفها

البنت: ايا كذاب اول مرة ؟ و الايام الي خلصناهن سوة وبيناتنا ملح وزاد نسيتهن ؟

يمان : امشششي للللللج منو دازج عليه

البنت: اااااخ كلبي يحترك وهو يسوي نفسه ميعرفني ..

يمان فقد اعصابه ونزل عليه دفرها ع خاصرتها ووكعت بالكاع تتعصر وتبجي وهو يضرب بيها  ..
نزلت ركض فكيتها من يمان

ـ كاااافي كااافي تضربها مالك حق تضربها بأي شكل من الاشكال

ـ متشوفيها تريد تخرب بيتي!
- اذا انتَ صادك ماراح يخرب بيتك
ـ اي صادك ونص
ـ اي خلص ليش متوتر هالكد
ـ من هالبلوة هاي امشي اطلعي لا اجي افعسج هسة

البنت : هذا مريض نفسي لتاخذي ديربالج والله

ام يمان وسدير وسهى ركضن عليها صارن يشيلن بيها ويطلعنها برا ..

واباوع #لزينة ظلت بمكانها ..

وماعاجبها الوضع ..

اسمع صوت ضحكات بعض النسوان الحاضرات ..
وناس تشاور بناس من كرايبهم ..

واني مصدومة شحجي وشكول ..
وامي بمكانها ولا حركت ساكن ولا عبالك بنتها الي ديصير كل هالشي وياها ..

اجت #اريام يمي وكالتلي ميخالف حبيبتي تحملي وخلي تكمل الحفلة ع خير ..
وبالبيت احجي لابوية الي صار ..
صرت ما اطيق يمان
يمكن جان عندي نسبة 10 بالمية اتقبله وممكن يطلع خوش ولد بس بعد هالموقف طاح من عيني كلش ..

رجعت الحفلة طبيعي واني كلبي يغلي وعيوني كل شوي تدمع بحيث خربت كلشي محطوط بوجهي من ورا البجي ..

كملنا كلشي وطلعت للبيت ومحجيت حرف ويا يمان ..
ومن رجعت محد سولف وياي حرف ..
ابوي شافني وما كالي مبارك بنتي
هو صح خطبتي صارت من ورة مشكلة بس الله اكبر بنته بعد ..