غسل العار

1 🐢🌻

#غسل_العار #اولًا
سوينا كيك وشربت اكياس وتعللنا بيهن بالليل اني واخواتي الاثنين #مها و #اريام..

ومن كملنا سوالف وضحك كالن يلا انام وكلت الهن رايحة اغسل الطرمة وانظفها لأن باجر عليه تنظيف البيت مسوين جدول يوم طبخ يوم تنظيف البيت ويوم خبز اني وخواتي  ..

فقررت امسح الطرمة وانظف الحوش حتى ما اكعد من الصبح عليها نامن انتن ..

مها :  يمعودة بهالليل شمطلعج شكد عجوزية علمود متكعد الصبح

ـ ليش الوالد يخلي وحدة تتأخر بالنومة غير يسطرها

هن مددن فراشهن واني عفت مكاني ورحت غسلت الطرمة ونظفت الداير مدايرها وشلت الوسخ بطشت حتى اشمره بالبرميل جان عدنا برميل اعتيادي مو حاوية للوسخ ..

طلعت بتالي الليل واستغليت الدنيا ظلمة كلت عليش ألبس شال طلعت مفرعة ولو يدري ابوي يكصبني!

برميل الوسخ يبعد تقريبا 3 امتار عن الباب ..

لابسة نعال لاستيك بناتي جاي اشمر بالوسخ ماحسيت الا طبكة صوت الباب وراي يا بوية جمدت بمكاني واني جباااااانة جباااانة يارب دخيلك احس العالم تريد تاكلني رغم ماجان اكو ولا نفر بالشارع بس افكر هسة ابوية يفضحني ..

امد ايدي عالسياج ولا اوصله شيصعدني .. حاولت اصعد عالبرميل مجاي اكدر ..
اما اذا دكيت الباب شكللهم اذا طلعوا يا بوية

ابوي من نوع ميتفاهم ابد متشدد علينا و متعمق بالدين  ..

و حاكم البيت حكم بحيث اخواني الولد الاثنين #شهاب_ونازك لازم ويا اذان العشاء هم داخل البيت ممنوع طلعات برا البيت الا للضرورة ..

وتخيلوا يعرف اني برا البيت بهالوقت من هالليل ..

وين اروح تقربت عند الباب صحت بصوت خافت #مها ! #اريام! وينجن اني #مريم! ماكو فايدة ..

ضوة مال سيارة صار براس الفرع عرفت اكو سيارة متجهة ع فرعنا دخت وين اروح كل للبيوت مسدودة ركضت وصعدت بنص البرميل مال الوساخة ..

ماظل عندي اي مكان غير هالمكان كعدت بي بنص الخيسة والريحة ذبحتني واني عندي حساسية من هيج ريحة  ..

وكفت السيارة عند بيت جيرانه و عود ذولي منعرفهم ولا عدنا علاقة وياهم صارلهم سنة تقريبا او اقل بهالبيت كدامنا ما نسمع بس صوت مرات نسوان يتعاركن بي والا مانعرف احد منهم يعني هم كاطعين ويا الديرة ميحبون يتواصلون ..

وكذلك احنه محبوسين بالبيت ومانطلع لا منا ولا منا بحيث اذا اطلع ويا امي مرات والله ما اعرف بالمنطقة بيتنا اضيعه..

يعني حتى ميعرفوني حتى افكر اطلعلهم ..

المهم اني بالخيسة بنص البرميل وهم بالسيارة ينتظرون مدري منو و ضوة السيارة قوي مشغلة ماطفاه ...