غسل العار

8 🐢🌻

#غسل_العار #الثامن #وسام_الفراجي 🐢🌻

وكلي ع كيفج

اني اخو يمان وابو حميدو
تفاجئت الصراحة كتله

ـ هلا بيك اخوية حياك الله
ـ اشكرج ع عنايتج بإبني
ـ واجبي هذا بس ام حميدو وينها
ـ نطتج عمرها ماتت بولادتها لحميدو
ـ اويلي الله يرحمها ان شاء الله ويصبرك
ـ الحمد لله يلا اخذي راحتج بس حبيت اكلج مو غريب
ـ حياك الله اخوي ..

شايلة حميدو وكسر بكلبي حياتي امه ماكو ..

هو طلع يتمشى وصار عندي فضول اكله ليش وين عايش وليش مخلي ابنك هنا معقولة متزوج ومتقبل مرته عدها يصير ..     #وسام_الفراجي

يبو عايشة ببيت كله غامض عبالك كاعدة بغابة ..
هنا كلت بلكي سدير عالقصة الجديدة والتغيير ممكن افهم من عدها امور ..

الفضول صار ألف هو واكف برا واريد اروحله ومستحية اريد اعرف وين ساكن وليش مو بالبيت ..

كلت اغلس لا يشوفوني وشيطلعني من لسانهم ..

عمتي من صباحيات الله اخذت يمان لشخص يعرف طب عرب يعني ..

واني رتبت غرفتي وكملت ونزلت اسوي غدة وحميدو يبجي ..
واخذته وحطيته كدام باب المطبخ وصرت اشتغل ..
والتهيت اغسل واطبخ ومشغلة جوة الجداري ..

ومن يبجي اشيله شوي اسكته ..
طلعت للحديقة شلت حميدو حتى احطه يم ابوه لان ميقبل يسكت ..

جان اشوف سرى لابسة هاللبس الخفيف وتشتغل كدام حيدر وتنظف ومسوية نفسها ام بيت وتتنغوج وتستعرض بجسمها شكد استحقرتها ترخص نفسها وتجذب نظر الولد

اني حتى حميدو اخذته ورجعت وتعوذت الشيطان من هيج بشر ..

واجت عليه عالمطبخ وكالتلي عوفي اني اسوي الغدة شو اليوم طاخ ببالي اطبخ ..

اني ماصدكت منج من الشيطان يمعودة بس اطبخي مخلصتها نوم وخراب بيوت بكلبي طبعا ..

خليتها واخذت حميدو وطلعت فوك لغرفتي ..
وانتظر يمان مشغولة بي كلش لا يطلع بي شي

لان عمتي من شافت العمل اخر مرة ماكعدت ماخلت مكان ما صارتلها نية تاخذة عليه ..

وصارت تهدد بينا الي يطلع عدها شي ما ارحمها ترى

واني متأكدة مليار بالمية عبير الها يد ..

اندك باب غرفتي
ـ منو فوتي
ـ زينة
ـ فوتي حبيبتي
ـ شلونج حياتي
ـ هلا زيونة شلونج شو مختفية
ـ حيشاج مفلوزة وشوي مو حيل الصحة
ـ خاف عشكانة
ـ شعشك انتِ هم بطرانة
ـ ممم معقولة ماكو منا منا
ـ نكعد كعدة زينة واحجيلج كلشي ..
ـ ممم يعني اكو
ـ اي اكو
ـ تحمست احجيلي هسة
ـ لا لا اذا ما اجه يمان عندج اليوم اني اجي نسهر سوة
ـ اييييي منتظرج ع نار بس تعالي ميصير هسة تحجيلي فضولية اني مراح انام