غسل العار

6 🐢🌻

#غسل_العار #سادسا 🐢🌻
#وسام_الفراجي

اني انصدمت شو افترت عليه كلتلها اوكفي خلي افهمج جان تكلي اسسسكتي لتحجين انلزمتي واني اكول يمان بعد ميجيني ويتقربلي ومايطيقني طلعتي ..

وصار  يفكر يتزوج عليه طلعتن انتن امهات السحورة
عمممممممة يمااااان تعاااال لحكوا

ـ لج بابا اوكفي افتهمي
ـ اشششش ولا كلمة
ـ لكيتها هنا شبيج اكلتيني حاصل فاصل
ـ عممممممة دتعالي يمعودة

طبت عمتي ووراها سرى وسدير وراهن ..
وكالت عمتي ..

عمتي ـ شبيجن شبيجن صياحجن واصل لاخر الشارع شنو هذا غدي البيدكم
فاطمة ـ لكيته بيدها والله طبيت فجأة وشفتها مدري شسوي بيهن ..

سرى لزمتني من شعري وكالت
ـ شنو هالخيسة هاي
ـ وخري ايدج لا اكسرها
ـ فوكاها يعني لسانها طويل

ضربت ايدها وكلتلها هدي شعري وولي من غرفتي ..

سدير ـ لترفعين صوتج انتِ مو بيت ابوج حتى هيتة تصير

ـ يشرفج ابوية
ـ لو بي حظ ما نطه بنته بفلس ونص حتى يخلص من عارها
ـ الله يدري شكو مايحتاج ابرر الج
ـ خلي يجي يمان وبعدها خلي يفيدج هاللسان ..

عمتي ـ هذا عمل البيدج ..
مريم ـ مدري لكيته بالغرفة
عمتي ـ فهميني هذذذا عمل لولا
مريم ـ كتلج يا عمة مدري لكيته جوة الجرباية
عمتي ـ انتِ شنو من بشر بعدلج نهار هنا وصلتي للسحورة

طبت زينة من بيناتهن جان تلزمهن بيدها وتباوعلها ..
واشتمتها وقرفت منها وكلبتها جان ترفعها بيدها وتكول ..

زينة ـ هاي قديمة مو مال يوم ويومين ومريم متعرف اسمائهن اصلا  شلون كتبت فاطمة ؟

سدير ـ شلون متعرفها
زينة ـ ليش ناسية بحفلتها من اجت تبجي وخربت الكيكة شسويتوا ؟ مو كلكم غطيتوا عالسالفة وكلتوا منعرفها ؟

سدير ـ اني ماكلت
سرى ـ اني ماكلت
زينة ـ ماكلتوا بس اخذتوها طلعتوها برا حتى مينكشف استاذ يمان متزوج ؟
سرى ـ وليش متحمسة ع مريم الي يسمعج يكول اختج

زينة ـ ميحتاج تصير اختي حتى اكول الحقيقة .. كافي مستغفلين قلب البنت فوك ظيمها انتو

مريم ـ الله ينجي حظج يزينة والله مو اني والله لكيته جوة جرباية بارحة حباية يمان وكعت وشفتهن

سرى ـ والله ماكو غيرج وسويتي عمل وتزوجتي بأسبوع وكم يوم

زينة ـ ليش ما تكولن عبير ؟
سدير ـ عبير ؟
زينة ـ اي عبير ليش متفاجئة
عمتي ـ شنو مصلحة عبير ؟

زينة ـ ليش ماتذكرين من اخذت غرفتها وفاطمة رادت غرفتها وكالت هالشهرين واطلع اكيد حطت شي بيها من طلعت