«بسم الله الرحمن الرحيم»(١٩)
بعد ماجهزو طاولة الطعام جلسوا ياكلو بهدوء ومن ثم انتهوا وحمدوا الله قطع صمتهم الجد صالح: اسمعوني بكرا بيجونا ولد اخوي وزوجته وعياله وابيكم تقومون بالواجب
أدهم: لاتحاتي ياجد ابشر وسم
هادي: ولايمك ياجد بـ نبيض وجهك
الجد صالح: اي زين والحين نامو عشان تصحوا الصباح بدري
قام الكل من الطاولة وتوجهوا لـ غرفهم
"الفجر ساعه ٤:٥٦"
دخل الجد المجلس الي نايمين فيه العيال وصرخ: ياسرابيت قومو لافال الله ولافالكم قومو صلو وعينوا من الله خير
قام ادهم وشعره طايح على وجهه ومو شايف شي غير رجول الجد واردف: سم سم ياجد قمنا
الجد بـ عصبيه: والسرابيت الي نايمين جنبك وراك ماتصحيهم؟
أدهم بـ خوف: ابد ابد ياجد الحين
قام ادهم وفتح الشبابيك وشغل الانور وراح دورة المياه"الله يكرمكم"واخذ بـ جك مويه ورجع للمجلس وكب المويه على العيال فز هادي: يالـ###
وشاف جده واقف وفهم ان جده الي قاله يصحيه وتقدم الجد بـ عكازته وضرب هادي فيها وهو يردف: اقسم بالله لو اسمع هالكلمه تطلع من فمك ثاني ياسربوت لاتشوف شي مايعجبك
هادي بـ خوف والدمعه بـ عينه: سم ياجد والله اخر مره اقولها
والعيال الي كانو نايمين كلهم فزوا من شافو الجد يضرب هادي وكلهم هربوا
طلع الجد للحوش ولقى كل العيال واقفين لاين ف الحوش نطق الجد: وش تنتظرون به ليه ماتتحركون للمسجد
وجاء تميم ركض: جدو ابي اروح اصلي معاكم
الجد مسح على راسه بـ حنيه: والله انك افضل حفيد
أيان بإستنكار: واحنا ياجد حجدتنا؟
الجد بـ عصبيه: اص انت ولا كلمه
والتفت للعيال: يلا قدامي اشوف
توجهوا العيال للمسجد
"عند البنات"
دخلت الجده للغرفه وهي تنطق بـ عصبيه: خلكم نايمين ارتاحو اذا جاء صالح وقتها بـ يشوف شغله معاكم
فزت أرجوان: جده شوفيني قمت
جات الجده عند أرجوان وهمست بـ بعض الكلام
توجهت أرجوان وجابت سطل مويه ونثرته كله على البنات شهقوا البنات وقامو بسرعه كانو بـ يلحقوا أرجوان لكن شافو الجده واقفه معاها وتبتسم
الجده: يلا قدامي اشوف كلكم قوموا صلو وانزلو الصاله
رجعوا العيال من صلاة الفجر وكذلك البنات صلوا ونزلو واردفت الجده: شوي وبـ نفطر وبعدها البنات ثنتين منكم تنظف المطبخ وثنتين الصاله والعيال تنظفوا الحوش والفود ترك الي ورا المزرعه
هادي: بس ياجده احنا عيال مانشتغل
الجده بـ عصبيه: سد حلقك بتنظف وطرق عن خشمك
هادي: سمي سمي
جلسوا يفطروا كلهم وكان الكل متواجد الا أحلام والتفت الجد لـ لؤي: يالؤي وين بنيتي أحلام؟
لؤي: والله ياجد أحلام تعبانه فـ تركتها ترتاح
الجده: علامها؟ وليه مارحتو المستشفى
هز راسه لؤي: جده والله حاولت فيها ماتبي
الجد: اييه سلامتها
لؤي: الله يسلمك
خلصوا فطور وبدأو يشتغلو زي ماقالت الجده
جواهر ومِيلاف"المطبخ"
أرين وأرجوان"الصاله"
جيلان "الغرف"
"عند العيال"
أدهم وخالد وهادي"الحوش"
أيان وريان "الفود ترك"
"فـ المطبخ عند البنات"
جواهر: انا بحط الصابون وانتي غسلي
مِيلاف وهي تتأفف: اف طيب
جات أرجوان تبي تشرب مويه لكن ماانتبهت للصابون الي فـ الارض واتزحلقت وضربت راسها ف حاف الجدار وصرخت صرخة الناس الي فـ الشمال سمعوها
وجوو العيال ركض من الصرخه دخل اول شي ريان وانصدم من المنظر والدم الي مغرق المكان وصرخ: جهزوا سياررررره بسرعههه
جاء ادهم وهوا مصدوم لكن من وقع نظره للي طايحه ف الارض تجمد الدم بـ عروقه لوهله استوعب وصرخ: ريااننن قوم نشيلها
وركض ريان عشان يشيل أرجوان وهو يتزحلق وضرب راسه فـ الدولاب الألمنيوم وصرخ وهو يقول: شيلو نوني للمستشفى
ركضوا البنات وهم يغطوها بـ أي شي وانحنى يشيلها بـ حضنه وطلع للحوش وركب سيارته وحطها بالمقعد الخلفي ومعاها أميمه: اسرع ياولدي البنت ماتتنفس
رجف قلب أدهم لمن سمع انها ماتتنفس وتجاوز اكثر من اشاره كل همه متى يوصل المستشفى
وصل المستشفى ونزل سريع واخذها بحضنه وتوجه عند باب الطوارئ وهو يصرخ: حاله طارئه اسعفوها بسرعههه
تقدموا الدكاتره والممرضين ودخلوها العنايه المركزه
وأدهم ماقدر يمسك دموعه بكى بكى الين جفت دموعه وراح لـ فاهد وأميمه: ياعمي صلِّ على النبي واستهدي بالله ان شاءالله مو صاير شي ومجرد طيحه بسيطه
اميميه وهي تبكي: طيحه بسيطه! بنتي فقدت كل دمها ياقلبي عليك يانوني
أدهم: ماعليك ياعمه دحين بروح واسأل الدكتور عن حالتها وأطمنك
راح أدهم بعد ماحاول يواسيهم وهو الي يحتاج احد يواسيه اردف بـ بعض الكلمات وهو مكسور:
هلي وعيونكم ضايع
هلي أنسدت بـ وجهي
البيبان والدنيا ويذبني
العمر من شارع لـ شارع
تنهد وخلف هالتنهيده حزن عميييق وثم نطق:
أنا اللي كل همي أنك بخير
وأنا الي ماني بخير الا معاك
"فـ المزرعه عند البنات"
كلهم مجتمعين بالصاله ويبكوا ع أرجوان الي مالقوا منها الا كل خير ومحبه وتحب الكل بدون استثناء
رفع جواله الجد واتصل: هلا بـ وليدي
أنور: سم ياجد
تنهد الجد: ياوليدي والله اني مستحي منك بس حصل عندنا مصيبه اليوم وبنيتي أرجوان ف المستشفى ولاندري وش حالها
تفهم أنور: سم ياجدي نعوض الزياره بـ وقت ثاني
الجد: ان شاءالله لافاقت بنيتي تعال وتنورنا
أنور: ان شاءالله وسلامتها
الجد: الله يسلمك
"لحظة أعرفهم على عائلة أنور"
الأب: "أنور" والي هو ولد اخ الجد صالح
الأم:"سليمة"خبيثه بشكل مو طبيعي
الإبن الأكبر: "سلطان"
الإبن الثاني: "سلمان"
الإبن الثالث: سُهيل
"عند انور الي بيته مقابل مزرعة الجد"
انور: ياسليمة أنلغت العزيمه صار عندهم مصيبه
سليمة بتشميقه: اي اصلا ادري عائلة عمك ذولي مايبونا بس انت متلصق فيهم
أنور بـ عصبية: وش هالكلام
سليمة: صادقه انا اهلك ذولي مايجي منهم خير اصلا وجيههم وجيه الشر الله لايبلانا
أنور بـ عصبية وحدّه: اقبضي أرضك يامَره
تمتمت سليمه بـ بعض الكلمات الغير مفهومه وأتجهت لـ غرفتها
أنت تقرأ
عشقها الأدهم ونال فيها
Randomنبذه تعريفيه عن عائلة(آل حبيب) "عائلة مشهوره بطيبتهم وكرمهم وعائلة سعيدة ولله الحمد يعيشوا في ديرة في جنوب المملكه وعندهم مزرعه ع اطرف المدينه ويروحون لها من وقت لوقت وبنعرف مع الوقت كيف تزوج فاهد زوجته وحبيبته أميمه وكيف حارب لعيونها وبنعرف كيف بت...
