«بسم الله الرحمن الرحيم»
"عند العيال"
ادهم الي كان سرحان ويعد الساعات والثواني عشان تصير حليلته وزوجته شرعاً وقانوناً غمض عيونه بـ تعب من التفكير ودخل في سبات نوم عميق وكذلك العيال نامو كلهم لأجل يصحوا بكرا بدري
"عند فاهد"
كان جالس هو وام ارجوان يسولفوا بـ خصوص بكرا قطع سوالفهم رنين جوال فاهد كان رغم غريب بس رد ووصله صوت الشخص: سلام عليكم
ردو السلام واخذو علوم بعض
سلطان: ياعم انا سلطان ولد انور ولد اخو ابوك
فاهد بـ استغراب: حي الله سلطان طمني ياولدي وش الاخبار
سلطان: ياعم ادري اني ازعجتك بهـ الوقت
قاطعه فاهد: لا ياولد ماازعجتني ولاشي
سلطان: ياعم تعرف اني دكتور واشتغل ف المستشفى الحكومي الي فـ المدينه
فاهد: اي الله يوقفك
سلطان: ياعم انا طالب يد بنت ارجوان على سنة الله ورسوله
فاهد بـ صدمه واستغراب: بس ياسلطان بنت مخطوبه وبكرا ملكتها
سلطان: عارف عارفه ياعم ياعم والله اني احبها من واحنا اطفال عن اميزها عن باقي الاطفال
فاهد: بس ياسلطان فات الاوان لو جيت قبل يخطبها ادهم كانت هي لك اذا في نصيب
سلطان: داري داري والله ياعم بس كنت انتظر الترقيه ف المستشفى لانهم وعدوني بـ الترقي
فاهد: والله مدري وس اقولك بس بنتي مو من نصيبك يمكن بـ تلاقي الي احسن منها
سلطان: والله ياعم مابلاقي احسن منها
فاهد: والله ياسلطان هي نصيبها مع غيرك واتقبل الواقع
سلطان: تمام ياعم
كانو فاهد واميمه مصدومين من الي حصل وكيف ان سلطان له مشاعر لـ بنتهم الوحيده ارجوان بس نصيبها مع ادهم
وبعدها نام كل الي فالبيت الا ادهم مو قادر ينام من الفرحه كانت الفرحه تشع على وجهه والحب باين على عيونه تنهد تنهيده خلها كمية حب مو طبيعيه اخيرا اخيرا بتصير زوجته وحلاله وام عياله اخيرا محد بيحس بشعور ادهم الا الي متزوجين عن حب صح الحب بالتواصل وما الى ذلك حرام بس ادهم كان حبه نظيف ماقد فكر يكلمها بالجوال عشان مايبيها تاخذ ذنوب بسببه فضّل يكتم بقلبه الى ان دق الباب وخطبها ادهم: ان شاءالله اذا تزوجتها ابو بعد الملكه بخليها تكمل الجامعه عشان أكون دكتورها بالجامعه اهخ ياقلبي تنهد وغمض عيونه بعنف لأجل ينام حتى لو ساعه فعلا نجح ودخل في سبات نوم عمييق
«اليوم المنتظر يوم الخميس»
ملكة: أرجوان&أدهم
في الصباح كان الكل صاحي لأجل يبدأو بـ الترتيبات وبعد ماافطروا "عند العيال"
خالد: ولد وين ثوبك والبشت لايكون مافصلت ثوب
ادهم:ياولد مفصل من قبل شهرين خايف يكون الثوب قَصر عليا
خالد: لالا معليك روح جيبهم يلا
توجه ادهم للخياط واستلم الثوب وطلّع البشت من الدولاب وبدأ يجهز وكان خالد يصور كل تجهيزاته
"عند البنات"
كانو البنات بـ غرفة ارجوان وكذلك ميكب الارتست تحط لها الميكب وكانو البنات يغنوا ومبسوطين وبعد مُدّه خلصت من الميكب والشعر ناظرت نفسها بالمرايه طلبت ان الميكب يكون كت كريس وردي خفيف ومايكون مره ثقيل فعلا نجحت ووضعت لها ميكب يبرز ملامحها وجات الهير ستايل وسوت لها تسريحة الريترو الي زادها جمال ولبست الفستان والاكسسوارات دخلوا البنات عندها وشقهوا من المنظر ونطقو كلهم: ماشاءالله تبارك الرحمن وشو ذا الجمال
ملاف: اح ماشاءالله يابنت اخوي وش هالجمال انا عمتك وماني مزيونه كذا
ارجوان بخجل: شدعوه عمتي انتي ازين مننا كلنا
ارين: هلا والله بزوجة اخوي المزيونه
ابتسمت ارجوان بخجل
جواهر: ما اصدق ما اصدق ياحظي عندي صحبة بهالجمال الحمدلله اني اقدر اتاملك بدون ذنب
ارجوان:اص اص كذا انا استحي
جيلان: يقولو التأمل في خلق الله عباده وانا بجلس اتأملك واخذ اجر
ارجوان: يامصلحجيه
ضحكوا البنات وجلسو عندها يهدوها ويخففوا التوتر عنها
"عند الرجال بالمجلس الخارجي"
بدأت مراسم عقد القِران كان الشيخ جالس بالوسط يمينه أدهم ويساره فاهد التفت لـ فاهد ومسك يده ومسك يد ادهم وشبّكهم في بعض والتفت ل فاهد: قل زوجتك
فاهد: زوجتك
الشيخ: وانكحتك ابنتي
فاهد: وانكحتك ابنتي
الشيخ: على كتاب الله
فاهد: على كتاب الله
الشيخ وسنة رسوله
فاهد: وسنة رسوله
الشيخ: صلى الله عليه وسلم
فاهد: صلى الله عليه وسلم
الشيخ: وعلى ما اتفقنا عليه من شروط وصداقة
فاهد: وعلى ما اتفقنا عليه من شروط وصداقة
والتفت لـ ادهم: قل وقبلته
ادهم: وقبلته
الشيخ: نكاحها لنفسي بذلك
ادهم: نكاحها لنفسي بذلك
ومن ثم فصل الشيخ يد ادهم عن فاهد ونطق: مبارك مبارك بارك الله لهما وبارك عليهما وجمع بينهما في خير
وقف ادهم وسلّم على فاهد وقبل راسه وتوجه لـ جده وقبله على راسه وجوو العيال يسلمون على ادهم ويباركون له
"عند البنات"
وبعد مُده جاء هادي عند ارجوان ونطق خلف الباب بصوت شبه عالي: نوني
طلعت له ارجوان: هلا
هادي: الله وش الحلاوه ذي صدق اول مره اشوفك متكشخه كذا دام بكشتك
ارجوان: قلت كلمه حلوه بس يعني لازم تتنمر
ضحك هادي: المهم تعالي الشيخ يبيك يبي يسمع موافقتك
طلعت ارجوان ونزلت برفقة هادي ووقفت خلف باب المجلس والبنات يصوروها
الشيخ خلف الباب: يابنتي ارجوان هل انتي موافقه بأن أزوجكِ من أدهم بن وافي على سنة الله وسنة نبيه محمد صلى الله عليه وسلم
ارجوان: اي ياشيخ موافقه
الشيخ: بـ إختيارك ولا إجباري
ارجوان: اختياري
جاب هادي جهاز البصمه وبصّمت ارجوان وصارت زوجة ادهم شرعاً وقانونا
جوو البنات يباركون لها ويحضنوها وراحت لامها وباركت لها امها
وجاء وقت الزفه اول شي أنزف أدهم ووقف بنص الممر ينتظر أرجوان تدخل وكانت ارجوان خلف الباب ومتوترة والبنات يهدوها وانفتح الباب ودخلت وانصدمت وفتحت عيونها بصدمه لمن سمعت الزفه كان بصوت أدهم: من بعد إذن الحضور بقول كلمه احمد الله وفقني بـ أرجوان وصارت زوجتي وانا ادري انك خايفه بـ هذي اللحظه ومتوتره وابيك تدخلين بحفظ الله عسى الله يسهل كل خطواتك
مشت لنفس الاتجاه الي واقف فيه ادهم ومشى ادهم لها وفتح بشته وحضنها ب أقوى ماعنده وحست بـ دموعه على كتفها انصدمت ورفع راسه ومسحت دموعه بأناملها ووقف جنبها ومشو للكوشه وهمس لها:
وجهك أشبه بخبرٍ سار لكُل أيامي الحزينة
ناظرته وهي مبتسمه ووصلو للكوشه المزينه بورود ابيض واوراق شجر اخضر
وقفوا وجات المصوره تصورهم على الكوشه غير الصور الي فـ الغرفه نادى ادهم المصورة وتكلم معاها أبعد ادهم بـ خفه وثنى على ركبته واخرج من جيبه اربع دِبل ونطق بصوت شبه عالي: الشرع حلل اربعه وانتي كل زوجاتي لبسها الخاتم الاول ومن ثم نطق: نوني
ولبسها الخاتم الثاني: وزوجتي
والخاتم الثالث: وحلالي
الخاتم الرابع: وام عيالي
وصرخوا الحضور تحت تعليقاتهم: واضح يموت فيها ، مالت علينا بس ، اهخ نوني محظوظه ، الله يسعدهم
ووقف ادهم وقبل اناملها وجبينها وحط يده على خصرها ورفع بيده الي على خصره ودار فيها وهي تترجاه ينزلها: ادهم نزلي تكفى شوف نظرات الناس
ادهم بإبتسامه: وانا وش لي بالناس
ومن ثم نزلها وحطو اغنيه ومسك يدها وبدأ يرقصها معاه وهي تحرك اكتافها بخفه الى ان جاءت ارين: يلا انقلع روح للرجال
ادهم: خير حتى زوجتي تبون تحرموني
ارين: عشتواا من دحين زوجتي اقول انقلع
___________________________________
"لنا لقاء اخر"
أنت تقرأ
عشقها الأدهم ونال فيها
Randomنبذه تعريفيه عن عائلة(آل حبيب) "عائلة مشهوره بطيبتهم وكرمهم وعائلة سعيدة ولله الحمد يعيشوا في ديرة في جنوب المملكه وعندهم مزرعه ع اطرف المدينه ويروحون لها من وقت لوقت وبنعرف مع الوقت كيف تزوج فاهد زوجته وحبيبته أميمه وكيف حارب لعيونها وبنعرف كيف بت...
