«بسم الله الرحمن الرحيم»
"رجعو عائلة آل حبيب للبيت من المزرعه"
"يوم الأربعاء" الفجر ساعه ٥:٠٠"
"عند العيال"
فتح الجد الباب بـ عكازته: ها ياسرابيت للان ماصحيتوا
قام هادي من صوت الباب: ها ياجدي شف مافي زيي صحيت بدري
الجد: انطم وقوّم البريعصي ذولي قبل لا امحط فيكم بـ العصا ذي
هادي: سم سم والتفت للعيال: ياسرابيت قومو بـ يفوتكم صلاة الفجر
صحى خالد مفجوع من صراخ هادي وسرعان ماشاف معاه الجد بلع ريقه: ها ها ياجد صحيت
وصحوا العيال وتوجهوا للمسجد
"عند البنات"
كانو صاحيين بـ حكم انهم نامو بدري من التعب
"تحت فـ طاولة الطعام"
الجد: الي يبي يروح السوق يتجهز بعد العصر لأجل خالد يوديكم
أرجوان: سم ياجد
الجد: سم الله عدوك
"بعد العصر في الحوش "
خالد: ادهم يازق ناد حرمك
ادهم: وقص يقص لسانك وش هـ الألفاظ يازق
خالد: اسفين بابا
جات ارجوان وكانت بـ تركب السياره لكن انتبهت لـ نظرات أدهم وهو يبتسم والحب باين من عيونه ابتسمت بـ خفوت تحت نقابها وركبت السياره ولازال ادهم يناظر فيها
خالد: ياهو خلاص البنت بـ تهج من نظراتك
ادهم: قول انك غيران عشان ماعندك حبيبة قلب
خالد: طس بالله قال حبيبة قلب قال ماعندي هـ الخرابيط انا
ادهم: اي اي نشوف بعدين
ركبوا البنات وحرك خالد للمول وشغّل اغنية مغروم وبدأ يردد:
شكلي كذا مغروم
قلبي عشق قلبه
ودربي على دربه
غرقت في حبه
نسيت كيف أعوم
صرخ وهو يردد:
قلبيييي عشققق قلببههههه
ودربيييي على درربههه
ضحكوا البنات ونطقت ميلاف:خالد اشك انك مفروم مو مغروم
ارين: افا يااخوي الغالي تعشق ولاتعلمني
خالد: ااص بزران انتو ماينفع اعلمكم بـ الكلام ذي
ارين: بالله كم عمرك انت؟ خمسه ولاسته
خالد: كاكاكا مايضحك
ارين: اقول سد حلقك
خالد: كلي تراب
ميلاف: منتم بزران ترا خلاص
سكتوا الين وصلوا للمول
ميلاف: خلاص خالد انت اقعد فـ وحده من الكوفيهات واحنا بـ نتقضى وبـ نجيك هنا
خالد: تمام
توجهوا البنات لـ محل فساتين ودخلو لـ محل كبير وانبهروا من الفساتين اللي كان على ذوقهم تماماً
وقفت ارجوان عند فستان لونه بنفسي فاتح فاتح جدا وكان يميزه الكريستالات المتناثره على الفستان بأكمله وضيق من الصدر الين الفخذ وبعده منفوش بـ خفه
والأكتاف قصيره وطايحه على الذراع بـ شكل جميل
التفت للبنات: بنات شرايكم؟
جيلان: واوووو الصراحه يجنننن
ميلاف: وشو هذا نوني والله يهبللل واللون ولا غلطهه
ارين: صراحة صراحة يمووووت واحسه يشبهك
ضحكت من تعليقات البنات: تمام بروح أقيسه
وبعد دقائق طلعت من غرفة القياس شهقوا البنات بـ إنبهار
ميلاف: ياماشاءالله تبارك الرحمن وشو ءا يابنت اخوي
ارين: لالا انتي ناويه تهبلي فـ اخويا
جيلان: اهخ هذا وانتي مابعد حطيتي ميكب ولاشي اهخ يانوني اقسم بالله يهبل يهبل
ارين: اشتريه وانتي مغمضه
ابتسمت ارجوان: تمام وانتو خلصتو؟
جيلان: ااي لقيت فستان احمر قصير شوي وربي يموتت
ميلاف: وانا اخذت فستان سماووي ضيق على الجسم وفي نفشه من تحت وعاري الاكتاف
ارين: وانا فستاني بـ اللون النيلي قصير والاكتاف نفس فستانك وضيق على الصدر ومن منفوش
ارجوان: ياخي كل وحده ذوقها احلى من الثانيه
ميلاف: يلا يلا نروح محد اكسسوارات عشان ياعروسه
ابتسمت ارجوان بـ خفه من نادتها بـ لقب "ياعروسه"
توجهوا لـ محل اكسسوارات وشافت انواع الاكسسوارات ولم يعجبها شي وتوجهت الى محل ثاني ووجددت ماتبحث عنه ويليق بـ فستانها كان سلسلة كبيرة الحجم شوي وشكّل كأنه يتناثر منه الكريستال وعلى نهايته توجد ألماسه واخذه طقم كامل سلسلة وحلق وأسورة اما الخاتم فضلت ان تختاره بـ نفسها وتوجهت لأكثر من محل الى ان وجدت الخاتم التي تبحث عنه كان خاتم ألماس ويشكّل على بتلات ورق صغيره جدا وملتمه حول بعضها اختارته ارجوان وتوجهت لـ محل اخرى لأجل المَسكه وطلبت من الموظف ان يكون المَسكه بأكمله ورد التوليب بـ اللون الابيض واردفت: اسمع محمد انا يبغى المسكه بكرا العصر لان انا زواج بكرا اوكي؟
الموظف: اوكي بس انت يسوي زواج من حبيب
ضحكت ارجوان: ايوا ايوا من حبيب
ضحك الموظف: اوكي مدام
طلعوا من محل الورد وتوجهوا لـ محل الكعوب دخلو وبحث ارجوان عن ما تبحثه ووجدت كعب شفاف وفوقه كريستالات وفيونكه انبهرت جدا اخذته وطلعوا من المحل التفتت للبنات: بنات ابي آخذ له هديه
ميلاف بـ غمزه: حركاتتت
ارجوان: نروح لـ رولكس وبـ اخذ له ساعة من هناك وساعه لي
ارين: يلا بسرعه وربي رجولي ماني حاسه فيهم
جيلان: منجد استعجلوا
ارين: خالد بـ يلعن خير خيرنا
ارجوان: يلا يلا
"توجهوا لـ رولكس واختارت ساعه لونها فضي فخم وداخله لون بني غامق زاد جماله وتوجهت لـ نفس محل الورد واتفقت مع الموظف ينسق لها الساعه على الورود"
"عند البنات"
كانو راجعين للكوفي الي يتواجد فيه خالد كانو يمشوا وهم يسولفو عن بكرا لوهله تعرض لهم ولد واضح انه ولد شوارع ونظر الى ارين: ياحلوه السناب لاهنتي
ارين نظرت اليه بـ إشمئزاز: ماودك الشبشب لاهنت؟
الولد: ودي فيك وغمز
ميلاف: خير ان شاءالله اقول انقلع
تجاهلووه وكملو مشي وتعرض لهم مره اخرى طفح الكيل عند ارين فـ هي انسانه سريعة الانفعال بينما كان الولد يمشي قدامها وقفت بـ طريقة مفاجأئه ومدت رجلها وهنا تعثر الولد وطاح على وجهه وتسرب من أنفه الدم وقلب ثوبه الابيض الى اللون الاحمر وجاء صاحب الولد ركض لـ يفزع له ومدت جيلان رجلها كما فعلت ارين ونفس الحدث تعثر الولد وطاح على وجهه مثل خويه وتسرب الدم من شفّته وأنفه تجمع الناس حولهم ولكن لا احد يساعدهم لأنهم شاهدو الحدث وقت تعرض للبنات وجاءو رجال الأمن وتسائل احد منهم: وش السالفه ومين الي طيحهم كذا؟
ارين: انا يااخوي
رجل الأمن: وليه؟
ارين: عشانه تعرض لنا ويبي سنابي قلتله ماتبي الشبشب واعطيته الي افضل من السناب وماقصرت
رجل الامن: كثر الله خيرك ماقصرتي يلا بناخذهم معانا
مشوا ارين والبنات ووصلو عند خالد وحدّثت له ارين بما حصل انفعل خالد لوهله كان بـ يروح ويتضارب معاهم لكن هدوه البنات وخرجوا من المول وركبوا السياره لوهله انفجر خالد من الضحك
ارين: وش الي يضحك ضحكنا معاك
خالد: اتخيلتك وانتي تمدي رجلك وولد الشوارع طايح
ضحك بـ صوت عالي: حتى جوجو ماقصرت طيحت خويه نفس الطيحه
خالد بـ توتر: اما بنت العمه طلعت قويه
جيلان بـ نرجسيه: اجل ايش انا جيلان بنت باسم
خالد: اي محشومه محشومه
عم الصمت فـ السيارة الى ان وصلوا البيت نزلوا وكانو كل الحريم مجتمعين بـ الجلسه اللي بـ الحوش والعيال ف المجلس جلست ارجوان وبدأت تعرض لهم الاشياء اللي اشترتها وأنبهروا من جمال الفستان
_____________________________________
«اتوقع اني ماقصرت في البارتات وحتى انتو لاتقصروا بحقي»♥
"لنا لقاء آخر"
أنت تقرأ
عشقها الأدهم ونال فيها
Randomنبذه تعريفيه عن عائلة(آل حبيب) "عائلة مشهوره بطيبتهم وكرمهم وعائلة سعيدة ولله الحمد يعيشوا في ديرة في جنوب المملكه وعندهم مزرعه ع اطرف المدينه ويروحون لها من وقت لوقت وبنعرف مع الوقت كيف تزوج فاهد زوجته وحبيبته أميمه وكيف حارب لعيونها وبنعرف كيف بت...
