«بسم الله الرحمن الرحيم»
ارين بخبث: امم بوس نوني من خدها
تقدم ادهم بدون اي مقدمات وقبّل خدها بلطف تحت ذهول الموجودين من جراءة ادهم
هادي: ياوصخ مو قدامنا
ادهم وهو يضحك: انا شكو ارين الي حكمت
غطت ارجوان وجهها بخجل وقامت من الجلسه ودخلت غرفتها
ميلاف: ياحمار بسبب حركتك شوفها زعلت
ادهم: انا اعرف كيف اراضيها
ايان: اقول ادخلوا نامو صارت الساعه ثلاثه واحنا ماحسينا
ارين: اي والله يلا ادخلوا عشان تصحوا بدري
دخلو للبيت وتوجه كل شخص لغرفته
بينما ادهم الي توجه لغرفتها ولقى الباب مفتوح دخل ومالها اي وجود وسمع صوت المويه وعرف انها بالحمام انسدح على سريرها ينتظرها تخرج من الحمام، وبعد عشر دقايق خرجت وهي بالروب وهي جاهله باللي منسدح فـ سريرها وسرعان ماشهقت من انتبهت لوجوده وصرخت:ياوصخ يامعفن ياقليل الادب وش جايبك لغرفتي
ضحك بقهقه: جاي عند زوجتي
رمت عليه الكريم اللي كان فوق التسريحه: ياوصخ صد
تقدم ادهم بعناد: مابصد ليه وش فيها تراك زوجتي وحلالي
ارجوان: اذا ماتبيني ازعل صد
صد ادهم واخذت ملابسها بسرعه من الدولاب وتوجهت للحمام وقلبها دق بسرعه من جنونه، لبست وطلعت وشافته للان منسدح ف سريرها، صدت وتوجهت للتسريحه وبدأت تنشف شعرها، وبعد مده خلصت وطلعت كريماتها والسكن كير حقها وبدأ تسوي روتينها وهي تدّعي عدم الاهتمام لوجوده، قام ادهم من السرير وتوجه لها وحاوط خصرها ودفن وجهه بعنقها، حست بحرارة تسري بجسدها وحست بالخجل يطغيها اردفت وهي تحاول تبعده: بـ بعد
ادهم وهو ذايب: ماببعد الين ترضي
لفت عليه وصار وجهها مقابل لوجهه صدت بخجل: مـ ماني زعلانه بس وخر
بعّد ادهم وحاوط وجهها بكفيه: نوني انا اسف هو كان تحدي وانا نفذت ماتوقعت انك بتزعلي انا اسف
ارجوان وهي تمّثل الزعل: بس مو كذا قدام الملئ
ادهم بجرائه: اجل تبينها واحنا لوحدنا
شهقت: انقلع، بعدين البنات بيمسكوها علي طقطقه
حضنها ادهم: افا وانا وش فايدتي! اي احد يطقطق عليك ناديني بس واوريه شغله
دفنت وجهها بصدره بخجل، ادهم: والله مايموتني غير خجلك
رفعت راسها: انا مو خجوله انت وصخ
ضحك ادهم بقهقه، ارجوان: يلا روح لغرفتك ابي انام
ادهم: يعني اعتبرها طرده
ارجوان: بس طرده محترمه
ادهم بعناد: مابخرج الين تبوسيني
فتحت عيونها بصدمه: مستحيييل!!
انسدح على السرير: اجل تحلمي أخرج
تقدمت عنده: ياوصخ انا مو وصخه زيك يلا اطلع
رفع اكتافه: مايخصني سوي اللي قلتلك وبعده بطلع
تقدمت بيأس: طيب قوم
ادهم: بوسيني وانا منسدح
ضربته على صدره وتمتمت: وصخ
تقدمت وقبلت خده بخفه: ويلا الحين...
ماكملت كلامها من قلب وضعيتهم وصارت هي منسدحه وهو فوق، ارجوان: ياوصخ وش تس...
تقدم وقبّل ثغرها بإندفاع وكان يروي نفسه، ومن حس انها تحتاج ان تتنفس ابعد، وهي غطت وجهها بالبطانيه بخجل، وتكلمت من تحت البطانيه: ياوصخ انقلع
تقدم ادخل ودغدغها من رجولها وطلع من الغرفه بسرعه وشالت البطانيه عن وجهها وتنفست براحه من شافته مو موجود تمتمت: الله يعينني على هالوصخ اهخ ياربي
لوهله غطت بالنوم بدون استيعاب منها
"في بيت أبو احمد وتحديداً بغرفة سوسن"
كانت ترتب سريرها وتستعد للنوم لوهله سمعت رنين جوالها اخذته وشافت مكتوب"❤my all life"
وعرفت انه فارس ردت: هلا فارس
فارس: عيون فارس وروحه وقلبه
ابتسمت ولاعرفت ترد وحس فيها فارس: المهم حياتي بكرا رايحين البر مع عائلة آل حبيب؟
سوسن: اي الجد صالح كلم ابوي وابوي وافق
فارس: اجل حلو، وترا بتركبين معاي
سوسن: بشوف البنات
فارس: يعني البنات اهم مني؟
سوسن بربكه: لاشدخل بس حتى انت مهم
فارس: اي ادري انا المهم والأهم
سوسن: وش هالنرجسيه
فارس: فمحلها ياعيوني
سوسن: المهم فروس ابي انام نعسانه
فارس: تقولين فروس وتبيني اخليك تنامين
سوسن: قالو اخر مره ادلعك
فارس: شدعوه تراني احب هالنوع من الدلع
سوسن: ماتنعطى وجه
فارس بضحكه: بسوي نفسي ماسمعت شي، يلا نوم العوافي
سوسن: الله يعافيك، يلا حتى انت نام
فارس: سمي
وقفلت بعدها وانسدحت على السرير ونامت فوراً
"عند لؤي وأحلام"
أحلام وهي تهاوش تولين، وهي العناد راكب راسها
احلام بعصبيه: تولين خلاص نامي تراك تعبتيني
دخل لؤي على هواشهم وركضت تولين لأبوها: بابا شوف ماما تبي تنومني غثب "غصب"
ضحك لؤي: بابا الحين وقت النوم ليه ماتنامي
تولين بتكشيره: بس انا مافيني نوم
احلام: بتنامين وغصب
لؤي بحنيه: شفيك عليها خلاص خليها
احلام: اي الحين ماتنام ويوم احنا نقوم هي تنام
التفت لؤي لتولين: تولين بابا خلاص نامي شوفي تميم نايم وانتي للان مانمتي
تولين: طيب ابي انام بحضنك
هز راسه بالايجاب وتوجه للسرير ومعاه تولين حطت راسها على ذراعه ونامت فوراً ورفعها بين ذراعه بهدوء وحطها في سريرها
وانسدح جنب أحلام، لؤي: ماودك تقولين لي اسم ولدي
ضحكت أحلام: قلت لك يوم الولادة
لؤي: يوه الولادة باقيلها كثير من غير شر
احلام: طيب بقول بس لو شميت خبر انك قلت لأحد رميتك من الشباك
ضحك لؤي: اح تضحين فيني
احلام: اي اسويها
لؤي: بعدين من وين لك لؤي واحد ثاني
احلام: امم صح من وين
لؤي: فـ سوق الحراج تلاقي بس مو نفس المواصفات
ضحكت احلام بقوه: تذب عن نفسك ليه
لؤي: شوفيني ضحيت بنفسي عشان اضحكك
احلام: ياحظي
لؤي: يالبيه، تكفين وش اسم الولد
احلام: امم اسمه...
لؤي بفرحه: عاد تدرين وربي هالاسم كان فراسي كويس نوني جابتها ياحبي لهالبنت
احلام: اي صدق ذويقه نوني واحلى شي الاسم قصير بس ثلاث حروف
لؤي٠:صدق، تولدين بالسلامه يارب
احلام: امين يارب
قربت منه ودفنت وجهها بصدره ونامت بهدوء وراحه بينما لؤي اللي كان يمسح على شعرها ويسمي عليها ودقائق ودخل حتى هو بنوم عميق ــــــــــــــــــــــــــــــــــــــــــــــــــــــــــــــــــــــــــــــــــــــــــ
توقعاتكم لأسم النونو؟ 🌷.
أنت تقرأ
عشقها الأدهم ونال فيها
Randomنبذه تعريفيه عن عائلة(آل حبيب) "عائلة مشهوره بطيبتهم وكرمهم وعائلة سعيدة ولله الحمد يعيشوا في ديرة في جنوب المملكه وعندهم مزرعه ع اطرف المدينه ويروحون لها من وقت لوقت وبنعرف مع الوقت كيف تزوج فاهد زوجته وحبيبته أميمه وكيف حارب لعيونها وبنعرف كيف بت...
