«بسم الله الرحمن الرحيم»(٤٣)
رفع حواجبه: اي زوجتي شعندك
اربن: اف يالمغرور الله يعين نوني
ادهم وهو يشمق: ضفي وجهك بالله
ارين: اص الا ادهم مو قلت الكيك عليك للان ماشفت اي كيك لايكون نسيت
استدعى ادهم انه نسى: اوه رينو نسيت خير ليه ماذكرتيني
شهقت ارين: ياحمار كيف ملكة بدون كيك
حط يده على كتفها بخفه: امزح وي، يلا تعالو للحوش الخلفي
ارين بإستغراب: الحوش الخلفي! ليه؟
ادهم: تعالو وبس، بعدين وينها نوني الاحظ صحباتها سحبوها مني
ارين بخبث: وي خليها مع صحباتها يمكن انها تنبسط مع صحباتها اكثر منك
دق كتفها بخفه: المهم ناديها نبي نروح للحوش الخلفي
قامت ارين وراحت لأرجوان الي كان تكلم صحباتها وبنات عمها، ارين: نوني ادهم يبيك
ارجوان بتوتر: طـ طيب
رجعت ارجوان لأدهم: ها
ادهم: تعالي الحوش الخلفي في مفاجأه
ارجوان بعدم إعجاب: وش المفاجأه ذي الي فالحوش الخلفي
ادهم: نوني اسمعي كلامي وامشي
مسكت ارين المايك واردفت بصوت عالي: في مفاجأه محضّرها أدهموه اذا تبو تشوفوه تعالو الحوش الخلفي ومن ثم رجعت لأدهم وأرجوان: يلا امشو
خرجوا من الصاله اللي كان فيه الملكه المتواضعه لكن كان مميزه وملمومة ولله الحمد
توجه الجميع للحوش الخلفي وأنذهل الجميع من المنظر اللي شافوه كان قفص كبير وبين كل حديدة وحديدة ورود متناثره باللون الابيض المميز وداخله كيكة كبيرة بحجم جدا مميز ويتكون من اربعه طبقات وباللون الأبيض أندهلوا من طريقة تقديم الكيك واللي كان من تدبير أدهم
أرجوان والدمعه مغرقه عيونها: دودي وش ذا!! وكيف فكرت بالفكره ذي، ياحظي فيك
حضنها ادهم: ياروحي والله قليله بحقك، بعدك ماشفتي شي،
غطت وجهها والخجل مكتسي وجهها، ادهم: يازينها اللي مستحيه انا اموتفيها
ارجوان بهمس: ادهم خلاص يكفي
ادهم: بسكت بس بعدين بوريك
ارجوان بضحك: تمون
ضحك ادهم وبعدها تقدموا عند الكيك لأجل يقطعو مع بعض وجابت ارين السيف وتقدموا يقطعوا الكيك وهم مبسوطين واخذ ادهم الملعقة واخذ من الكيك وقرب من فم ارجوان استحت ارجوان من تعزيز البنات وصراخهم وفتحت ثغرها بخفه واكلت شوي من الكيك وسوت نفس الحركه مع ادهم
وبعد دقائق عادوا المعازيم لبيوتهم وبقى عائلة ابو فارس وأبو غرام والأهل
"عند العيال"
كانو العيال يرقصوا بفرح وبعد مده تقدم لهم العريس وقام يرقص والفرحه مو سايعته وكان يدبك لدقائق دون توقف كان بهاللحظه يتمنى يدبك مع شرايين قلبه لكن طردوه لأجل تجلس مع البنات وهو عند العيال وبعد مده تعب من الرقص والدبك وجلس وجلس يهوجس كيف هي فاتنة الجمال ومغرم بكل تفاصيلها من اصغرهم لأكبرهم مو قادر يمحي صورتها من خياله ويحس انه بحلم انه اخذ حبيبة طفولته وصارت زوجته وحلاله
"عند البنات"
بعد ماراح ادهم تقدموا البنات عندها ويباركون لها وقوموها ترقص معاهم بحكم انها محترفه بالرقص بدأت ترقص والبنات يعززون لها تقدمت ارين وتنثر اوراق بيدها على اساس انه فلوس وبداو البنات يضحكون بهستيريه
وبعد ماراحو كل المعازيم بقى بس الاهل وقرروا البنات ينظفون الحوش الخلفي وبعد ماحطو المويه والصابون وبدأو يغنو ويتزحلقوا بخفه
ارجوان: اوف بنات مروووقه لابعد درجه
غمزت ارين: اي اي عارفين السبب
ناظرت جيلان ارين: اي السبب اخوك الخفيف
ارجوان: الا الخفيف حقي لاتطقطقوا عليه
رفعت جيلان جوالها بتمثيل: الو ادهم اسمع اسمغ بس وش تقول زوجتك اسمع بس لاتذوب
ضحكوا البنات من تمثيلها
ميلاف: ذا القرد متى حبك عشان يسوي كل ذا عشانك الله يرزقني...... وماكملت كلامها من شافت ريان جاي ركض ومتجه لهم ماانتبه للمويه والصابون اللي على الارضيه واتزحلق فالمويه الين سمعوا طنين راسه من قوة الضربه وصرخ ذيك الصرخه اللي يحيي الميت وجاء ادهم ركض من سمع صراخ ريان وعرفه من صوته وتوجه لريان وكان يسحب ريان الا يتشقلب ادهم ويطيح على ريان وهو يصرخ: منهو ذا منهو
والبنات فاطسين ضحك من منظرهم لوهله استوعبت ارجوان وجات عند ادهم وهي تمشي على مهلها لأجل ماتطيح نفسهم ومدت يدها لأدهم ونطق ادهم: الله يكثر من هالطيحات دامك بتمدين يدك لي
ضحكو البنات بصوت عالي، ميلاف: يارييششش
رمقتها ارجوان بنظرات حاده والتفت لأدهم: اقول قم قم بس ماني ناقصه انت بعد تتكسر
ومد يده ادهم وشد على يدها لأجل يقوم وحط كل قوته عليها وهيا تحاول ترفعه ومع المحاولات زلقت وطاحت عليه بينما رجولها كان عند وجهه ووجهها عند رجوله وفطست ضحك من المنظر بدل ماتبكي جلست تضحك وريان الي يحاول يقوم نفسه وهو ينطق: يامسلمين كم كيلو صابون حاطين انتو وماكمل كلامه الا ويتزحلق ثاني وضرب برجله فوجه ادهم وصرخ ادهم: يامسلمين بيشوهو وجهي قبل اتزوج شيلو رجله
ميلاف وهي مو قادره تكتم ضحكتها: والله مااجي تبوني اتزحلق زيكم تراني مابعد تزوجت مابي اصير معوقه قبل اتزوج
تقدمت جيلان وفتحت المويه عليهم تحت صراخهم وجاء خالد على صراخهم وخافت من شكله لانه كان واضح انه قايم من النوم وشعره طاير لفوق وما انتبه لأرجوان وأدهم وريان الي فالأرض ومن الخرشه رشت المويه عليه ومن قوة المويه طاح خالد على ظهره وهو يصرخ: ياجن قول وش تبي بس لاتذبحني مابعد تزوجت حب حياتي
ضحكت أرجوان وهي تغطي نفسها بأقرب شيله قدامها وحاولت توقف ونجحت فعلا وناظرت لأدهم: والله ماعاد اقومك اجل تسحبني وتطيحني
انصدم أدهم من كلامها: وش الاتهامات ذي انا ماقصدت اطيحك انتي طحتي من نفسك
ارجوان: اي اي، قوم عمي السربوت اللي للمره المليون وهو يطيح
والتفتوا لخالد ولقوه يناظر بجيلان وهو مسرح فيها
ادهم:احمم يالطيب شكلك مضيع
صحى خالد من سرحانه واستوعب اللي صار ونطق: اجل ياجيلان انتي الجنيه اللي تبي تموتيني ها
ضحكت جيلان: وربي احسبك جني ياخي شوف شعرك كيف اههخخ
ميلاف: يلا قومو وروحو اتروشوا ونامو
خالد: والله كنت نايم وهالسرابيت صحوني
ميلاف: نام ثاني دحين
جيلان: يلا قومو كلهم طسوا
ادهم: بنطس معليك
وقام ادهم من مكانه وتوجه لأرجوان وهمس: الحين اطلعي واتروشي وبعدها انزلي وتعالي ف الفود ترك
هزت راسها وهي مستغربه وش يبي منها
"وبعدها قامو كلهم وتوجه كل واحد لغرفته تروش ونام الا ادهم وارجوان"
ـــــــــــــــــــــــــــــــــــــــــــــــــــــــــــــــــــــــــــــــــــــ
"لاتقصروا بحقي🌷"
أنت تقرأ
عشقها الأدهم ونال فيها
Randomنبذه تعريفيه عن عائلة(آل حبيب) "عائلة مشهوره بطيبتهم وكرمهم وعائلة سعيدة ولله الحمد يعيشوا في ديرة في جنوب المملكه وعندهم مزرعه ع اطرف المدينه ويروحون لها من وقت لوقت وبنعرف مع الوقت كيف تزوج فاهد زوجته وحبيبته أميمه وكيف حارب لعيونها وبنعرف كيف بت...
