«بسم الله الرحمن الرحيم»
وصلوا المزرعه ونزلوا مع بعض ودخلو المزرعه وكل الانظار عليهم اردفت الجده رحمه بسرعه: بشّر ياوليدي وش بها بنيتي
لؤي بـ كذب: لا ابد ياجده مابها شي بس تعب عادي وحطولها مغذي
الجده رحمه: اييه ارتاحي يابنيتي
هزت راسها احلام وطلعت لـ غرفتها
"اليوم الثاني بـ المستشفى"
"عند جيلان وأرجوان"
أرجوان: يلا اعترفي من مين الباقه
جيلان: والله الصدق من خالد
رفعت حاجبها بـ شك: وشعنده خالد يجيب لك باقه
جيلان: يشيخه روحي اساليه انا شكو
أرجوان: شكل الولد طاح على وجهه
جيلان: اص وش هالكلام يوه شكلك نسيتي يوم أدهم ماتركك لحظه وحده فـ المستشفى وبكى قدامنا لمن طحتي علينا
ارجوان: اما وش هدفه وليه مهتم
جيلان: اكيد بيهتم حبيبته ذي
ارجوان: حبيبة مين انتي كمان اص
جيلان:انا مو جيلان اذا ماخطبك
ارجوان: عاد تصدقي احسه لطيف وكتكوت
غمزت جيلان: ايوا ايوا بدينا
ارجوان: اص لا افصل عليكِ
جيلان: نسكت لـ عيون حرم دودي
رفعا حواجبها أرجوان: المهم شوي ويجي أدهم وبنرجع المزرعه
"عند أدهم"
رجع للبيت لأجل يغير ثوبه دخل غرفته غير وطلع توجه لـ غرفة امه وأبوه دق الباب ووصله صوت امه: تعال ادهم
دخل ادهم وقبّل جبينها وجبين وافي وجلس بـ النص
ادهم: يمه قررت ادخل القفص الذهبي
آمنه بـ فرحه: احلفّك بالله يمه صادق
وافي: ومنهي بنته؟ الله يتمم لك على خير
أدهم بـ ربكه: اءء يبه بنت عمي أرجوان بنت فاهد
آمنه وهي تزغرط: عاد اخترت أزين البنات ياولدي
وافي: والله ارجوان اعدها وحده من بناتي زين من اخترت
ادهم: يبه انا امس كلمت عمي فاهد وفهمّته
وافي: اي اي زين تكلمت معاه بنفسك
ادهم وهو قايم: استودعتكم الله بـروح أجيب أرجوان وجيلان
امنه: يلا انتبه لنفسك
"عند ادهم وهو فـ الطريق"
امه وأبوه وكلمهم وحتى عمه كلّمه باقي موفقة أرجوان تنهد واردف: يارب اكتب الي فيه الخير
وصل ادهم المستشفى ووقع على اوراق الخروج وطلعوا من المستشفى وركبوا مع ادهم وحرك وشغل أغنية حكاية ناي وبدأ يردد مع الأغنيه:
ياعم جيتك... لـحد بيتك
لـيــد بـنـتـك انا أتـقـدم
على المله... بـ شرع الله
ونص الدين أبـى اتـمـم
هي مُرادي... غلا فؤادي
طـلبتـك قـولها لـي تَــم
ضحكت جيلان ونطقت: افا ياولد العم تخطب وماتعلمنا
ضحك ادهم: اليوم اليوم بـ تعرفوا ان شاءالله
لوهله حست أرجوان بـ الغيره تحرق صدرها هي كانت معجبه فيه بس مابينت لأحد شي عشان مايشكوا فيها لكن الآن هو خطب غيرها وراح منها حست بـ الحزن غرق قلبها لكنها مابينت لـ جيلان
وقف أدهم عند كوفي والتفت لـ جيلان: وش تبين انتي؟
جيلان: ابي ماتشا
صد وطلب وبعد دقايق وصل الطلب ومدّ لـ أرجوان الـv60 اردفت ارجوان بـ قهر: مشكور بس ماني مشتهيه
ادهم: افا طلبت وترديني؟ وترا هنا مافي احد يشرب v60 فـ خذيه مدّت يدها تاخذ القهوه منه وتلامست اناملها الناعمة بـ أنامله الخشنه ارتبكت وسحبت يدها بسرعه ومعاها القهوه
حس ادهم فيها وابتسم ابتسامه عريضه وكلها فرحه
ومدّ لـ جيلان الماتشا
وعمّ السيارة بـ الصمت الى ان وصلوا المزرعه ونزلو واول ماانفتح باب المزرعه انصدمت أرجوان من صراخ الي بـ المزرعه: الحمدلله على السلامة نوني
ابتسمت وهي تشوف محبتهم لها وبدأت تحضنهم شخص شخص ودخلت للصاله الكبيره الي فـ بيت المزرعه وانصدمت من المكان شافت المكان مزين بالورود المعلقه بـ خيوط شفافه ع السقف بألوان مميزه وشافت الكيك الي مكتوب عليه الحمدلله على السلامة نوني ضحكت بقوووه وبدأت تحضنهم ثاني وجات أين وبدأت تصور الأحداث الي تصير وهي مبتسمه وتصور أرجوان وهي تقطع الكيك ومن ثم تأخذ الكيك بـ ملعقة وتأكل الموجودين وهم يضحكو انتهوا من الحفلة البسيطه لـ أرجوان
نطق الجد: اليوم انا مسوي عزيمه بـ مناسبة قومة نوني لنا بـ السلامة وعازم اهل الديرة كلهم وعائلة أبو سلطان ولد اخوي
غرقت عيونها بالدموع: ياجد ماكان له داعي
حضنها الجد: الا له داعي ويلا الحين روحي لـ غرفتك واتجهزي للضيوف
ارجوان: سم
"واتجه كل شخص لـ غرفته لأجل يتجهز للعزيمه"
"عند فاهد"
أتوجه لـ غرفة أرجوان ودق الباب وثواني ووصله صوت ارجوان: ادخل
دخل فاهد الغرفه ومعاه هدية لـ أرجوان من ماركة كارتير ماركتها المفضل
قامت من مكانها وحضنته وشدّ على حضنه ومدّ يدّيه بـ معنى خذي
دمعت أرجوان: يابابا ماكان له داعي كلفت على نفسك
فاهد وهو يمسح دموعها: لا كلفت ولاشي
تنهد فاهد: المهم بابا في واحد خطبك
ارجوان: بس بابا انت تدري عن رأيي عن موضوع الزواج
فاهد: بس هذا مو اي رجال هذا أدهم ولد اخوي وكيف ارده وهو اخوي الكبير وادهم رجال والنعم فيه
نزلت عيونها للارض بـ خجل: اجل بابا الي تشوفه رأيي من رأيك
فهاد: يعني اقولهم انك موافقه؟
ارجوان: اءء ااي بـ بابا
هز راسه بـ الايجاب وباسها على راسها وطلع
اما ارجوان الي ركضت للسرير واتخبت تحته وهي تضحك اجل انا الي كان يقصدني بـ السياره اهخ
أنت تقرأ
عشقها الأدهم ونال فيها
Randomنبذه تعريفيه عن عائلة(آل حبيب) "عائلة مشهوره بطيبتهم وكرمهم وعائلة سعيدة ولله الحمد يعيشوا في ديرة في جنوب المملكه وعندهم مزرعه ع اطرف المدينه ويروحون لها من وقت لوقت وبنعرف مع الوقت كيف تزوج فاهد زوجته وحبيبته أميمه وكيف حارب لعيونها وبنعرف كيف بت...
