»بسم الله الرحمن الرحيم»
"بعد الظهر يوم روحة البر"
مجتمعين الكل فالصاله ويتناقشون بترتيب السيارات، ادهم: اسمعوا البنات وعمتي أمل بسيارتي بحكم ان سيارتي جيب
خالد: اجل العيال بسيارتي
لؤي: وامي وابوي وجدي وجدتي وأم تولين بسيارتي
الجد: اجل خلاص قومو جهزوا السيارات وانقلوا العفش
قاموا كلهم وبدأو يجهزوا السيارات، وبعد مده خلصوا وبدأو يركبوا السيارات
في سيارة أدهم، أرجوان: الا أرين وينها مااشوفها
ارين وهي جايه: جيت جيت رحت اجيب الباور بانك الترتيب كالاتي:
قدام ادهم وجنبه أرجوان وبالوسط أمل وميلاف وجواهر والمرتبه الخلفيه أرين وجيلان
"عند أبو أحمد وأبو فارس"
في سيارة فارس قدام فارس وسوسن وبالوسط غرام وغزل
سيارة أحمد سعاد وأبو أحمد وأم أحمد
سيارة أبو فارس أم فارس وغاسق
"في سيارة أدهم"
حرك ادهم، وبعد مده نطق: في سوبر ماركت على الطريق احد يبي شي؟
ميلاف: اي بننزل كلنا
ادهم: تمام
التفت لأرجوان ونطق بهمس: لاتنزلي معاهم
همست: ليه
ادهم: انزلي معايا
هزت راسها بالإيجاب
بحثت عن شنطتها وطلعت جوالها واتصلت لغرام، غرام: هلا عيوني
ارجوان: ها غراموه حركتوا؟
غرام: اي وانتو؟
ارجوان: اي حتى احنا حركنا وترا بنوقف عند سوبر ماركت
غرام: اجل تمام بكلم فارس يوقف
ارجوان: تمام
"بسيارة فارس"
غرام: فارس السيارات الثانيه وقفت عند سوبر ماركت هنا بالطريق تكفى وقف
فارس: تمام عشر دقائق بس
وبعد مده وصلو وشافو السيارات اللي واقفه بالطريق
نزلو البنات وكانت سوسن بتنزل، فارس: اصبري
لفت عليه بإستغراب نزل من السياره وجاء من الجهه اللي هي فيها وفتح لها الباب ومد يده مدت يدها ولامست يده وضحكت من حركته ودخلت السوبر ماركت
"عند العيال"
خالد: ياورعان شف القبيلة كلها نزلت للسوبر ماركت
أيان: عز الله راعي السوبر ماركت بيصير مليونير بيوم واحد
هادي: صادق وربي
خالد: يلا خلنا احنا كمان ننزل
"عند ادهم وارجوان"
نزلو البنات والتفت ارجوان لأدهم: بنزل
طلع ادهم من جيبه بطاقته ومدها لأرجوان
أرجوان بنفي: لا أدهم ماله داعي وبعدين انا معايا فلوس
ادهم: اجل خلاص انا بنزل معاكِ بس انا اللي بدفع
ارجوان: وش فرقت يعني
مارد ادهم نزل ونزلت ارجوان ودخلوا وراحت أرجوان لقسم الثلاجات والتفت لأدهم: ادهم دور معايا عُلب الثلج
ادهم: ابشري
راح ادهم يدور، وبعد مده جاء ادهم ومعاه علبه ونطق: نوني هذا اللي كنتي تقصديه
ارجوان: اي جيب منه ثلاث حبات
وفعلا جاب ادهم ثلاث علب واخذت ارجوان شبسات وعصيرات والخ
وتوجهوا عند الكاشير ودفع ادهم وتوجهوا للسيارة ينتظروا البنات
"عند البنات"
جواهر: بنات ابي كتكات اللي بنكهة الماتشا مالقيته
ميلاف: الا شفته انا هناك عند قسم التشوكلت
غرام: تعالي جوج انا ادلك عليه
مشت غرام ومعاها جواهر واخذت جواهر كرتون من الكتكات
انصدمت غرام: اح مره وحده كرتون
جواهر: اي عشان ذا ماالاقيه بسهوله والاقيه بس ف المحلات المستورده
وتوجهوا عند البنات والتفتت غزل لجيلان: جوجو تعالي معايا
مشت معاها جيلان وراحوا لقسم للعصيرات ومدت غزل يدها عشان تاخذ العصير بس ماقدرت لانها قصيره ونفس الحال عند جيلان وغزل وهي تحاول حست بجسم شخص وراها ومد يده وأخذ عصير المانجو اللي كانت تبغاه ومده لها التفتت للشخص وشافت هادي وماعرفته لكن ضحكت، جيلان: افا هدهد وش جابك هنا
هادي: كنت مار وشفتكم مو قادرين تاخذو العصير لأنكم قزم وسويت خير
حست غزل بالإحراج ومشت بسرعه ورجعت للبنات ووراها جيلان
ركبوا كلهم وانطلقوا للوجهه
"ادهم وأرجوان"
شبك ادهم انامله بأناملها وشغل اغنية"أنا فعلا"
وبدأ يغني ويحرك اناملهم بخفه تحت ضحك البنات
"أنا فعلا عمري ماعشت فيوم قبليك
ولا دقت حلاوة الدنيا الا بيك"
وبدأو البنات يغنوا:
أنا فعلا عمري ماعشت فيوم قبليك
ولا دقت حلاوة الدنيا الا بيك
والتفت ادهم للبنات: خير انتو ليه تغنوا الاغنيه لنوني
شمقت جيلان: خير الاغنيه لمامتي انت وش تبي
ضحك ادهم وصد
وبدأت أرجوان تغني بصوتها الناعم:
"شفت في هواه معنى الحياه
هفضل معاه طول الزمان ولا
عمري هبعد ثانيه عن عنيه
لف ادهم وناظر عيونها: اكيد انا المقصود صح؟
ضحكت أرجوان: رجعنا للنرجسيه
ادهم وهو يضحك: مو نرجسيه ذا الصدق
ارجوان: لو داري ليه تسأل
ضحك من حس انها عصبت
"عند فارس وسوسن"
نطق فارس وهو يمزح: ترا بحدد يوم الزواج بعد اسبوع
انصدمت سوسن: كل تبن لسه ماخلصت انا
فارس: امزح امزح، محى احدد يوم الزواج الا لمن تخلصي كل اشيائك
سوسن براحه: اي شاطر
ضحك فارس: ابك بزر انا عشان تقوليلي شاطر
سوسن: اي بزر
ابتسم فارس بخبث: بس تعرفين البزر ذا وش يقدر يسوي
مافهمت سوسن مقصده: اي اعرف
قاطعتهم غرام: فارس حط لنا شي نسمعه طفش
تمتم: ابشري
ومد لها جوالها، غرام: وش الرمز
فارس: تاريخ ميلاد حرمي
غرام بضحكه: اخس يالرومانسي
فتحت سوسن عيونها بصدمه: اابك تاريخ ميلادي انا؟
ضحك فارس: اجل مين حرمي
اشرت سوسن على نفسها: انا
فارس: اجل
ضحكوا البنات من غبائها
فارس: اذا تبين تفتحي النقاب عادي سيارتي مظلله
سوسن: لالا ما،،، ماكملت كلامها من سحب نقابها التفتت عليه وصرخت: ياحمار
اشر على نفسه: ابك فارس صرت حمار
سوسن: اي حمار
ضحك فارس: مقبوله منك
بدأو البنات يغنوا بدون اي سابق انذار:
مقبوله منك هاي سهله
اللي يحب يجاري خله
التفتت سوسن: انتو ياتيوس يعني لازم تشبكوا على اي شي
غزل: اابك عصبت الحلوه
ضحكوا كلهم مدت بوزها وحطت طرحتها على وجهها ومثلت انها نايمه
"عند العيال"
ريان: ياتيس حط لنا شي نسمعه
خالد: عشان قلت ياتيس بحط على كيفي ولحد يتكلم
ايان: يلا نسمع ذوقك
شغل خالد الشيله وبدأ يغني:
الا ياعبيد قلبي من داخله وجعان
نبضه اضعيف والعناء ماخذ مكانه
وبدأو كلهم يغنوا مع بعض:
الا ياوجودي وجد من عانق السمران
وجود اللي بعيد عن اهله وخلانه
ريان: ابك الولد طلع ذويق
خالد بغرور: شعرفك بس
هادي: يالمغرور
ايان: صدق الله يعين زوجتك المستقبليه
خالد: ياحظها فيني
هادي: مغرور ونرجسي قويه ذي
ريان: ياعيال في بنت اجاويك خذت قلبي وخذتني
ضحكوا كلهم من كلامه، ايان: افا ريان صادق؟
تنهد ريان: اي بالله
هادي: ومنهي ذي...
ـــــــــــــــــــــــــــــــــــــــــــــــــــــــــــــــــــــــــــــــــــــ
مين تتوقعوا؟ 🌷.
أنت تقرأ
عشقها الأدهم ونال فيها
Rastgeleنبذه تعريفيه عن عائلة(آل حبيب) "عائلة مشهوره بطيبتهم وكرمهم وعائلة سعيدة ولله الحمد يعيشوا في ديرة في جنوب المملكه وعندهم مزرعه ع اطرف المدينه ويروحون لها من وقت لوقت وبنعرف مع الوقت كيف تزوج فاهد زوجته وحبيبته أميمه وكيف حارب لعيونها وبنعرف كيف بت...
