🌿مولات السالف خلات سلطان الظلام تالف🌿
🌿قصة:عود الورد «سلطان الظلام »🌹
🌿 للكاتبة:⚜️عواطف بالحفيض⚜️🌿
🌿 البارت:🕯️التاني،🕯️🌹
فطرو بزوج كملو فطورهم، خشا ايدو فالجيب ديال السروال ،خرج رزمة ديال الفلوس
المعطي:بنتي هاكي هد البراكة وردي البال لراسك فهد الصمانة ومتخرجي.. والظلام مايلقاك برا ،متحلي لتواحد بالليل
زين الورد: وخا أبا علاه شحال اتبقا فسيدي جابر
المعطي:صمانة انعطر تما ،نتقدة شي سلعة وانرجع نتي غير دري اللي وصيتك عليه
زين الورد:كون هاني ابا الله يوصلك سالم غانم
المعطي: الله يرضي عليك ازين الورد
وقف المعطي غادي، مشات وصلتو حتى لباب الدار باست ليه ايدو ومن بعد شد الطريق... كان باقي شوية الظلمة بقات متبعة ليه العين حتى غبا ....يلاه اتسد لباب وهو يبان ليها وحد الضوء حمر بعيد تعجبت وخا هكذاك مادتهاش فيه سدات الباب ومشات كملت نعاسها حتى لصباح ..
صباح الحال كيتسمع صوت الديوك والطيور ... ناضت كتكسل كتجمعت فراشها حتى سمعت الباب كيدق مشات كتجر فرجليا حلت الباب كانت زاينة بنت الجيران كدق
زين الورد: صباح الخير زينة اشهد تبكيرا
زينة: صباح الخير اويلي حي على تبكيرا راه ظهر قرب تي زدي معايا بغيت نمشي نصبن شي حويج وخص لهز معايا
زين الورد: وخا بلاتي نلبس وهاني معاك
مشات زين الورد، دارت الملحاف واللتام على وجها هزات ... شي حويج باش تصبنهم معاها بلاصة ميبقو يتلمو سورتت الباب وخرجت مع زينة كيتمشو فوصت القبيلة حتى خرج ليهم فرن من الجنب خلعهم...
زين الورد:تف تف بسم الله الرحمن الرحيم منين خرجتي تاني متودر كيميت العصر
زينة: خلعتنا افرن
فرن:شديتكوم فين غادين ونت ازين الورود معامن تشورتي واش معارفة بلي اتكوني مراتي ومتخرجيش الى متشورتي معايا
زين الورد:هكني هكني على الوليد تيق راسو ومعامن تشورتي بسلامة ياك ماشي مع موك الكبيرة باش نكون مراتك
زينة:هههه لواه تشاور مع سلطان الظلام
فرن:سكتو اشبيتو سلطان الظلام ذكروه حنب الله بالشرع
زين الورد:هاي هاي هاي على فرن خاف من خرافة وتجي تݣول نتزوجك انا والله لتزوجت غير رجل فيه شهامة والرجلة ماشي خوف مبهلل ونضحك فيا اللي مايسوى، ايوا دبا بعد من طريقي
تخطتو هي وزاينة بقو طريق كاملة وهما كيضحكو عليه ... محيت خايف من خرافة سلطان الظلام "علاه هدشي بعدا يتيقوه الناس" كملو طريقهم حتى وصلو جنب الواد "عوينات الطرف" هد الواد مفصول على الواد" فول الجوامع " ...كانو عرام ديال بنات القبيلة ها اللي كتصبن وهااللي كالسة وسط نوار وهااللي كتعوم... أما شي وحدات غير شفهم جنب شجرة لالة صابرة اللي كيتعلقو فيها المنادل ويتغسلو على طرافها الصنادل قالك حگا شجرة الحظ والزهر واللي فيه النحس يبطل...بداو يوشوشو شادين الحديث والكلام نطقت زينة
زينة:شتي ياختي معكودة بنت الفقيه قالك اتزوج بولد تاجر جعفر اللي معروف فقبيلت عرش السلام
زين الورد:اه ياختي خلاوها ناس زمان الله كيعطي لفول اللي معندو ضروس
زينة:ههههههه اوا الله يعطينا زهر الخيبات
زين الورد: ههههه منصاب حتى حنى نتزوجو شي امير ولا سلطان
زينة:هههه هزي هزي رزمة وزدي نشتفو هدشي بان ليا بدا شياط يطلع ليك لراسك كالك امير ههه...
يتبع
أنت تقرأ
The sultan of darkness🥀عود الورد🥀
Fantasyقصة بالدريجة المغربية تحكي عن فتاة ستقع بين يدي رجل خفي اسمه سلطان الظلام رهينة فيطلب منها أشياء لكي يدعها تغادر فما هي هذه الاشياء ياترى؟؟؟ قصة #خيالية#رومانسية#رعب#تشويق
