🌿مولات السالف خلات سلطان الظلام تالف🌿
🌿قصة:عود الورد «سلطان الظلام »🌹
🌿 للكاتبة:⚜️عواطف بالحفيض⚜️🌹
🌿البارت:🕯️الواحد والعشرين 🕯️🌹
المعطي: الحمدلله ابنتي واخيرا ربي ستاجب لدعواتي وغادي تولي سلطانة فدار الحكام
زين الورد :بتعجب !! سلطانة؟!
المعطي :(قرب حط ايدو على راسها) ايه ابنتي هذا راه السلطان قاسم ولد السلطان جبران الله يرحمو و الله يسعدكم ياربي
هنا حسات بتصرفقة مانها فرحانة منها حزنانة بقات كتقول «اش هدشي انا انتزوج سلطان الحمدلله ياربي على نعمتك ولكن كيفاش ايقدر يفهمني ويعرف شنو صرى لي » حست براسها بحال داخلة وسط شي شبكة معندها حل .... مشات لبيتها حطت راسهاعلى المخدة كتفكر فشنو ادير فهد الحريرة حتى غفات ..... صبح الحال صبحت عليها زينة مع الصباح اللي مني دخلت وزين الورد كتعاودت ليها كاع لوقع ...فالليل فرحت ليها غير هو ماشي من قلبها بان فعينها الغيرة... حمدت الله مني ماقالت ليها على اللي صرى معاها.. بقات عونتها وكل ساعة كتسولها
زينة:فين شافك أ زين الورد هد السلطان
زين الورد: انا براسي معرفت ماكنخرج ماكندرج
تغيرات ملامح زينة قلبها تزمط كتبين الابتسامة لغير من فوق خاطرها أما زين الورد لكتشوف فلون وجهة ابدا يتبدل، كعروس شتاء هنا فهمت بلي زينة مفرحناش ليها من قلبها ....اكيد مني يسمعو بنات القبيلة بلي زين الورد خطبها سلطان ايحسدها .... فالوقت لي هي دايرها قد راسها ومالقيا ليها حل بقو كيضحكو بشوية ويهضرو وصلت وقت الغداء مشات زينة اللي فقلبها غيرة كبيرة من جهت صحبتها عمر توقعت تزوج سلطان، هنا تفكرت داك النهار فاش كانت كتمنى تزوج سلطان وزادت كضحك عليها جات فبالها معنى "كيقولو حكر العود يعورك.."..... اما زين الورد من بعد ماوجدت الغداء كانت جالسة كتفكر فهد شي لوقع ليها حتى جات فبالها لآلة خيرة ..هذي مرأة كبيرة لبيبة بصيرة لكن فيدها حكمة لحطت عليه أيدها يبرأ من العلة حتال السرة ...جمعت زين الورد الوقفة لبست الحيك بالكحل وتغطات مزيان باش مايشوفها حد واصلا مع وقيتة الغداء عرفت كل شي ناس القبيلة سادين عليهم خيمتهم ..خرجت كتمشى حاضية جنابها وكتزرب فالمشية حتال لقبة المردولة لفيها لآلة خيرة مع حطت رجلها على العتبة ..
يتبع
أنت تقرأ
The sultan of darkness🥀عود الورد🥀
Fantasíaقصة بالدريجة المغربية تحكي عن فتاة ستقع بين يدي رجل خفي اسمه سلطان الظلام رهينة فيطلب منها أشياء لكي يدعها تغادر فما هي هذه الاشياء ياترى؟؟؟ قصة #خيالية#رومانسية#رعب#تشويق
