🌿مولات السالف خلات سلطان الظلام تالف🌿
🌿قصة:عود الورد «سلطان الظلام »🌹
🌿 للكاتبة:⚜️عواطف بالحفيض⚜️🌹
🌿 البارت:🕯️ عشرين🕯️🌹
المعطي: انا من جهتي الله يسخر والرأي والشوار لبنتي عود الورد
باين فيكم ناس هبة وشان ومحترمين موقرين انا مانزيدكم إلا الخير الى قبلت والباقي عليا الفاتحة
سلطان قاسم: ايه ماقلتي عيب
لالة مغنية: سقسيها ورد لينا الجواب
المعطي : هي لمتعود
مشا المعطي اللي ماقداه فرحة ... لبيت عند زين الورد اللي طار منها نعاس مني سمعت صوت سلطان بقات فكرة ديها وفكرة تجيبها حتى دخل باها
زين الورد: با مشاو ضياف
المعطي: لا ابنتي غير هو وكان جيت نتشور معاك وندي البشارة
زين الورد: مفهمت قصدك ديالاش البشارة
المعطي : الناس اللي فالبيت راه جاو طالبين راغبين فيدك ابنتي
فهد اللحظة تخلطو عليها العرارم شنو دير تقبل ولا ترفض، بقات شحال ساكتة «كتقول واش فيها إلى تزوجت نقدر لقا حل لراسي محدني لقيت وحد بحال هذا نرضى به باين ضريف نقدر نعود ليه حكايتي ويسمعني ايه والى فضحني لا لالا احسن مانوافق ولكن فين القاء وحد اخور واش انهدي هد الزين كلو لفرن لهبيل لالا»بقات مضاربة مع عقلها بحال هدوك الشوفات مايعرفو واش يخدو المجمر ولا الكارتا ،حتى فيقها باها من سهوتها.
المعطي: اسبحان الله فين مشيتي
زين الورد:ءءء لا والو ابا غير كنتشاور ونخمم
المعطي:شوفي ابنتي من جهتي انا الناس باين عليهم ضراف والولد ولد الدار الكبيرة واتفرحني الى وافقتي
زين الورد:« دموع مخلطين فعينها» الى كانو عاجبينك ابا بعد كلامك مبقا كلامك
المعطي: نت راضية عليهم
زين الورد: « حركت راسها» إلى انت راضي انا رضية بما اقسمو لي الله و الرزق ماخصناش نضيعوه
المعطي:الله يرضي عليك ابنتي
باس راسها وخرج خلاها داخلة فدوامة ديال الافكار مشا لعندهم
المعطي:سمحو ليا تعطلت عليكم
لالة مغنية: خود راحتك
المعطي : اوا سيدنا انا هضرت مع البنت وراها وافقت قالت من. بعد رأيك مبقا رأي الله يجعل كل شي مبارك ومسعود
لالة مغنية: اوا نقراو الفاتحة
هزو ايدهم كيقرو الفاتحة وسلطان قاسم فرحان فرحتو ماعطيها لحد ...كملو الفاتحة نطق سلطان قاسم
سلطان قاسم: ودبا خليني نقولك شكون انا
المعطي:ايه اسيدي شرفنا بك عرفت غير سميتكم
لالة مغنية: انا سلطانة مغنية من قبيلة ايت زم وهذا سلطان قاسم ولدي
ناض المعطي مبهور
المعطي: مرحبا بسيدي السلطان مرحبا معرفت بلي نت قاسم ولد سلطان جبران شرف كبير لينا
سلطان قاسم: الله يكبر بك اعمي دبا وليتي عمي
المعطي : حاشا مقامك علا من مقامي
سلطان قاسم: لا اعمي دبا ولينا نسايب ولا لا
المعطي: شرف كبيير ليا اسيد سلطان
لالة مغنية: ودبا بقا لينا نحددو تاريخ ديال الزواج شنو بأن ليك أولدي
المعطي حدر راسو شافو سلطان قاسم
سلطان قاسم: من هنا ليومين ايكون العرس وعندنا فالقصر كل شي علينا
المعطي: حشمان منهم )الله يكتر خيرك أولدي وتسعدك وطول فعمرك
لالة مغنية: ودبا عيط لينا على عرستي بغيت نشوفها ونهضر معها شوية
المعطي كيعيط لبنتو
زين الورد ازين الورد اجي ابنتي
جات زين الورد دخلت وهي حشمانة، من وجهم اللي كيبشر بالخير
لالة مغنية:اجي ابنتي حدايا بغيت نهضر معك شوية
كلست زين الورد حداها كيهضرو معا بعضيتهم والمعطي وسلطان قاسم كيهضرو على الخدمة المعطي كيعاود ليه على تعطارت مرة مركز معاه مرة عينه كيمشو لزين الورد، المعطي رد البال وتبسم حمد الله تعالى وشكرو فنفسو، محيت ربي سهل على بنتو وجاب ليها ناس بخيرهم وبخميرهم كان ديما كيخمم الى شي نهار دا مول الأمانة امنتو وبنتو بقات بحدها، لمن اتقول انا ....سلا الكلام والشوار وانتهت الزيارة لسالات بالرضى والمحبة جمعت زين الورد الماعن طرفتهم مرة ...
يتبع....
أنت تقرأ
The sultan of darkness🥀عود الورد🥀
خيال (فانتازيا)قصة بالدريجة المغربية تحكي عن فتاة ستقع بين يدي رجل خفي اسمه سلطان الظلام رهينة فيطلب منها أشياء لكي يدعها تغادر فما هي هذه الاشياء ياترى؟؟؟ قصة #خيالية#رومانسية#رعب#تشويق
