🌿مولات السالف خلات سلطان الظلام تالف🌿
🌿قصة:عود الورد «سلطان الظلام »🌹
🌿 للكاتبة:⚜️عواطف بالحفيض⚜️🌹
🌿 البارت:🕯️التامن🕯️🌹
فاقت كتحاول تحل عينها وتقول واش ناعسة عام ماشي ليلة وحدة، شافت السقف بان ليها مغير على سقف دارهوم ناضت قافزة من بلاصتها كدور فعينيها
زين الورد:فين انا وشكون جابني هنا واش كنحلم لا وقيلة كنحلم
قرست ايدها وحد القرسة وهنا عرفات بلي هي راها فايقة ماشي فحلم زدت كتبكي وكتغوت ربي لي خلقها خايفة ومرعوبة
زين الورد: شكون هنااا هئ هئ فين انا بسم الله الرحمن الرحيم حنابالله وبالشرع واش كاين هنا شي وحد
وقفت كتجري وسط دوك البيوت المخربين بحال شي كهف قديم كل شي مخلي.... كتجري ومرة مرة تلفت وراها بان ليها وحد ضوء ديال شعاء بعيد كتجري تحاول توصل ليه ...وقفت قدام وحد لباب ديال الحديد كحل... وهو يوقف قدامها واحد طويل كطول الليل وكحل كظلام البير ... حاط جلدة كحلة على عينو، المنضر ديالو كيخلع لبس كلو كحل وعندو عين حمراء كلون الجمر .... غير شافتو غواتات غوتا وحدة متلات عقلات على راسها ... فاقت كتحل فعينيها اللي مبغاو يتحلو غير تفكرت داك المخلوق وهي تنوض قافزة
زين الورد: « كتبكي »لازم نخرج من هنا بشي طريقة ولا غادي نبقى هنا حتى نموت فكري ازين الورد فكري فين مشات شطارتك وتخرج لعينين فكري هئ هى هى
وقفت كتمشى على صباع رجليها بشوية قلبها مقبوض ،حاضية جنابها حتى سمعت صوت غليض من وراها كيخلع
....دخول الحمام ماشي بحال خرجو ...
دارت لعندو شدها تقفقفة... من الخلعة الهضرة مشات ليها من فمها
زين الورد:ششش شكوون ن ن.نتا ووو ش بغتي ..ع ع عندي
.......انا هو لخلا ليك ورقة الشجر انا هو اللي شراك بعود الورد وخلا زينك فايح بين النجوم والقمر انا هو اللي بلسانك كتمازحي به وعلى خرافتو كضحي بنات القبيلة ادوي ياهبيلة؟؟
زين الورد: (خرجات عينها )سس...سلطان الظلام !! انا غير كنحلم هدشي غير حلمة كحلة قحلة ياااك ماشي بصاح هئ هئ هى واااهيا ناري شنو درت هئ هئ
بقات كتهرنن تخلعات معرفات واش تيق راسها ولا تكدبو قرب لجهتها ،وقابل وجهو معاها ديك العين الحمراء كتخلع مقدرت حتى تكمل الشوفة فيه نطق
سلطان الظلام: لبدها بالجراء يسالها بهواه ،واللب نقص من حق الخلق يبكي بلا هواه ودبا من اليوم انت فقصر سلطان الظلام الدخلة ليه بالساهل والخرجة مشروطة
زين الورد: (طاحت على رجليه كترغب وتزااوك لعلى وعسى يرجعها لدارهم) هاااااا لعار الى ماخلني نمشي هئ هئ مادرت لا بديا ولا برجليا قلت عقلي وفهمتي هي اللي جابتها ليا ، با ايجي ومايلقاني فدار وفام الناس اتولي تهضر عليا والعديان ايتشفاو فيا هئ هئ هئ
سلطان الظلام: جمعي الوقفة ابنت المعطي الحكام حكامي والقرار
ديالي لانت الامرة ولا الناهية فقصر السلطان جنبي الركنة و هنينا من صداعك خلي نهار يدوز بخير وتزول العاصفة ومن بعد يطبق الحكام
تخطاها مبقا بان ليه الآثار معرفتو جن ولا انس ...
يتبع
أنت تقرأ
The sultan of darkness🥀عود الورد🥀
Fantasiقصة بالدريجة المغربية تحكي عن فتاة ستقع بين يدي رجل خفي اسمه سلطان الظلام رهينة فيطلب منها أشياء لكي يدعها تغادر فما هي هذه الاشياء ياترى؟؟؟ قصة #خيالية#رومانسية#رعب#تشويق
