🌿مولات السالف خلات سلطان الظلام تالف🌿
🌿قصة:عود الورد «سلطان الظلام »🌹
🌿 للكاتبة:⚜️عواطف بالحفيض⚜️🌹
🌿 البارت:🕯️الرابع عشر🕯️🌹
فواحد العشية جالسة زاينة وحداها عويشة جنب الواد ،حتى سمعت شي بنات كيهضرو على سلطان الظلام، اللي معمر سيرتو تسمعات من نهار غبر الاثار لزين الورد، محيت هي اللي كانت كتفكرهم فيه... تفكرت الشيخ اللي مشاو عندو، ناضت مفزوعة من بلاصتها ...عويشة تعجبت ليها بقات زاينة كتجري بكل جهدها وعويشة تابعها من اللور وكتعيط عليها ،اما زينة موقفتها حتى لقدام دار المعطي العطار مشات كدق فالباب وتعود ،حل ليها لمعطي لباب وشافتها كتلهت
المعطي: «وجهو مضيوم والون مخطوف منو»ياك لباس ابنتي شنو صرا ليك
زينة: با المعطي نسيت ماقلت ليك واحد الحاجة طرأت مع بنتك فاش كنت غايب
المعطي: شنو طرأ ابنتي كنسمعك الى كانت شي حاجة اتفيدنا لقوها
زينة : وحد ليلة زين الورد لقات واحد الورقة ديال الشجر حدا راسها مكتوبة بكتابة مامفهومة وفاش مشينا عند الفقيه فسرها ليها ولكن مقالش لينا شنو المقصود اللي قال ليها هي انها متخرج وقت العاصفة وضباح الخيل
المعطي:«باستفهام» ضباح الخيل؟؟ علاش ماقلت ليا هدشي ابنت من شحال هذا علااش
زينة: محيت دازت ايام ونسينها وماتفكرتها غير اليوم
المعطي: يالله ديني عند هد الفقيه
زينة : وخا ابا المعطي
حط المعطي الرزة على راسو وجلبتو فوق كتافو وبلغتو فرجلو وشدو طريق لقبة عند الفقيه... دخلو عندو لقوه ياللاه خرج وحد الرجل ومراتو من عندو الفقيه شاف فزينة ونطق
الفقيه: مرحبا ابنتي مرحبا بضيف الله جلسو
جلست زينة والمعطي
زينة : سيدي عقلت عليا كنت جيت انا وحد البنت من قبل وكانت معها ورقة شجرة عقلت علينا ياك؟
الفقيه: ايه عقلت عليكم ابنتي
المعطي: السي الفقيه انا باها البنت ماعرفنها فين مشات بحال الارض كلاتها
الفقيه:(خرج عينه) بلاتي قولو ليا شحال وهي مغيبة
المعطي: هذي شهر دبا وهي مكاينة من نهار التاني اللي بدأت فيه العاصفة
الفقيه: قلت ليها ووصيتها متخرج ولكن ماسمعت الكلام ودبا وصلت على كلامي بنتك صابتها لعنة اسيدي... غادي دفن حياتها بين النار والجنة بين السماء والارض بين التراب والماء بين الربيع والخريف بين الظلام والنوار بين الخير والشر بين القصور والنصر هي ولات بين ايدين جان سميتو سلطان الظلام.
فهد اللحظة زينة شهقت وخرجت عينها نزلو دموعها.. تفكرت نهار قالت ليها بلي شافت ضوء حمر ونهار تلقاو بفرن وغير سمع سميتو وهو يتخلع
المعطي: الله يهديك السي الفقيه واش حتى هد الخرفة كيتقها ناس اشمن سلطان ظلام
الفقيه: الظروف والحكام وهو لعنة من لعنة الجان
المعطي ناض وقف طلعه ليه دم من هد التخربيق، اللي قال لفقيه شي حاجة ماكيتيقهاش العقل كفاش غادي يثيق في خرافة قديمة ،اما زينة جمعت الوقفة ومزال مرفوعة من الصدمة كتفكر كن كانت بلاصتها وشنو يوقع ليها المعطي كيمشي وهي تابعاه من اللور هي مشات لدارهم. وهو مشا لخيمتو كيفكر فبنتو للأتر مكائن ليها ...
يتبع
أنت تقرأ
The sultan of darkness🥀عود الورد🥀
Fantasíaقصة بالدريجة المغربية تحكي عن فتاة ستقع بين يدي رجل خفي اسمه سلطان الظلام رهينة فيطلب منها أشياء لكي يدعها تغادر فما هي هذه الاشياء ياترى؟؟؟ قصة #خيالية#رومانسية#رعب#تشويق
