🌿مولات السالف خلات سلطان الظلام تالف🌿
🌿قصة:عود الورد «سلطان الظلام »🌹
🌿 للكاتبة:⚜️عواطف بالحفيض⚜️🌹
🌿 البارت:🕯️ التاني وعشرين🕯️🌹
لآلة خيرة :طلبي تسليم ابنت العطار الزينة سعداك تسكم واتولي لاليات النساء وتسدي عينين الحساد بنغمتك وفهامتك الرزينة
زين الورد: تسلم تسلم لرجال المكان
لآلة خيرة: تعالي ازين الورد وحكي ليا اش حب الخاطر
زين الورد: «حشمنة»عارفة راسي شحال هذا مازرتك ومازرت مقامك نسيت ليام ومدرت بحسابك، وماجيت غير وقيتة الحزة سمحي ليا الآلة خيرة
لآلة خيرة :«كضحك» يعلى شأني حتى يعلى وميكونش من مقامك حكي ليا شنو عندك
زين الورد: عندي الله وعوني الله ومن بعدو انت انا حايرة معارفة ساسي من رجليا خائفة لا سري يتفضح ونكون لعدياني ضحية
رماني حماض ألالة خيرة
«عاودت ليها زين الورد كل شي لوقع من نهار العاصفة وضباح الخيل حتال لنهار للقات راسها تحت الشجرة» وقفت لآلة خيرة تمشات حتال لوحد الصندوقة فيها بزاف الاعشاب هالبسيبسة ها قعقلة ها سنة حرام ها الرطم وزيد وزيد...كل بلاصة معرها بعشبة وصلت لوحد البلاصة فيها شي حبات كبار بحال حبات سبري هزات منهم خمسة جابتهم حطاتهم فحجرها
لآلة خيرة: «مدت ليها الحبات» هاكي ابنت العطار هذا دواك وسرك هنا وصلي على لمينساك
زين الورد: حبيب الله عليه الصلاة ...ولكن شنو هدشي الآلة خيرة عمري شفت بحالو
لآلة خيرة: هذي العفص اتغير منك وتبدل من حوال رمانك اتمشي دبا تسخني وحد المقراج مزيان حتى يغلى وحطيهم فواحد الهراج وخليه حتى يطلق وجلسي وسط منو شي ساعة بالحساب غير هو عندك يحرقك ديريه ليوم وعاودي ليه غداء
زين الورد: وزعمة ينفعني ويسد حيلتي
لآلة خيرة: طلبي التسليم ونوضي دري لقلت ليك
ناضت زين الورد باست ليها على رأسها وعطاتها شي براكا فيديها وخرجات وصلات لدار طبقت كاع لقالت ليها الحكيمة بالحرف...هكا دزت العيشة جاء بهاعطتو الماء غسل وتعشاو مشا ينعس باش يستعد لغدا لهو نهار الكبير عند بنتو اللي مقفرها ومعرفة منين تبدها دخلت لبيت بقات كتفكر نصها فرحان ونصها قرحان.. وخا درات لقالت ليها لآلة خيرة الخوف راكبها ....حسات بشي دوخة شداتها تسرحت بقات ساهيا بأفكارها حتى داها النعاس ...
البنات قربنا الأجزاء اللي غادي نعرفو فهم شنو سبب اللي خلا سلطان الظلام يتصاب باللعنة وعلاش بالضبط ختار عود الورد وشنو صرا له بالتفصيل يمكن غدا نحط الكمالة
خلو ليا رأيكم فالقصة وعندي قصة أخرى فطور كتابة بحال هد شكل مي مختالفة فيها حوائج أخرى جديدة إلى عجبكم هد نوع ولقيت عدد بزاف بغاه فالتعاليق غادي نحطها🌿
أنت تقرأ
The sultan of darkness🥀عود الورد🥀
Fantasyقصة بالدريجة المغربية تحكي عن فتاة ستقع بين يدي رجل خفي اسمه سلطان الظلام رهينة فيطلب منها أشياء لكي يدعها تغادر فما هي هذه الاشياء ياترى؟؟؟ قصة #خيالية#رومانسية#رعب#تشويق
