🌿مولات السالف خلات سلطان الظلام تالف🌿
🌿قصة:عود الورد «سلطان الظلام »🌹
🌿 للكاتبة:⚜️عواطف بالحفيض⚜️🌹
🌿البارت:🕯️الرابع🕯️🌹
ولكن شكون ايسمعها وهما معزولين من الناس، شوية رجع الضوء ديال اللمبا تشعل بحدو، بدات كتزول ايديها على وجهة بشوية، دورت عينيها فالبيت ملقات تواحد، الضوء ديال اللمبا محلول تعجبت، ركبتها الرهبة والخوف معرفت واش كتحلم ولا هادشي بصاح برد ليها الماء فالركابي ...نضت بشوية كتلفت فجنابها و الخلعة شداها حطت ايديها على المانطة اتحيدها ...لقات وحد الورقة ديال الشجرة يابسة مكتوب فيها شي حاجة مامفهومة ، بقات كتهجاء مع هي قارية غير فالجامع، اما المدرسة ماكاينة ، كتحاول تجمع فدوك الحروف وتقول مكتوبين بالشنوية
زين الورد:واااه منين جات هد الورقة لهنا واش انا كنحلم ولا هدشي شفتو بصاح
تخلطو عليها العرارم معرفت واش بصاح نيت هادشي حلم ولا حقيقة حطت ديك الورقة ديال شجرة تحت راسها اللي مافهمت ، اش مكتوب فيها جرات عليها المانطة وبدات كتعوذ بالله وتقرأة آية الكرسي حتى داتها عينها مبقا ت حست بوالو. ...
فالنهار لاخور فاقت على صوات الديوك كيقعتو ناضت مسحت وجهاغير تفكرت لبارح وضحكت على رأسها..
زين الورد:هههه كنت كنحلم هذي غير الشمس ديال لبارح دوخاتني ايمكن.. نوض اوكان نسالي شغالي
ناضت جمعت المانطات باش كانت مغطية ، طواتهم وقادت البيت والوسايد يلاه زولت الوسادة علاش كانت نعسة، وهي تشوف الورقة هزتها كتحاول تجمع دوك الكلمات هنا تأكدت بلي بصاح و مكانت كتحلم بدأ الشك كيدخلها والشيطان كيوسوس ليا فراسها
زين الورد: زعمة يكون بصاح هادشي ولا غير كنت نحلم ولكن شنو مكتوب لازم نعرف شنو هدشي ...
حطات الورقة فالحزام ديال كسوتها مع الفلوس مشات رضت وحد الطاجين لفطور فيه البيض وشعلت الفران ديال الحطب باش تخبز كانت ساهية حتى وقفت عليها زاينة
زينة:اصباح الخير ازين الورد ...زين الورد ويلي فين ساهية
زين الورد:انا لالا مساهية والو غير كنفكر
زينة:امممم فاش تفكري ياك ماشي واحد هذا
زين الورد: ههههه ونوضي يالعوجة قالك شي وحد فين القا هد الوحد انا باش نفكر فيه
زينة: اوا منعرف وساع فاش تفكري
زين الورد:(شدات لها فيدها)زينة بغيت نقولك شي هضرة لكن تعاهدني تبقى هنا
زينة:اوا ها حنا بدينا فالتنوعير ياك حنا صحبات فين عمري خرجت سرك
زين الورد: وانا غير قلت لك راه هدشي غريب وخلاني غير كنتوهم
زاينة: اوا هاودنتي كيسمعو لك دوي
ناضت جمعت داك الطبݣ لفيه الخبز دخلاتو وردات وحد القمقوم ديال الماء حدا الفران ودخلو لدار
زين الورد: زاينة اجي معايا بغيت نوريك
زاينة: هي اللولة...
يتبع
أنت تقرأ
The sultan of darkness🥀عود الورد🥀
Fantasiaقصة بالدريجة المغربية تحكي عن فتاة ستقع بين يدي رجل خفي اسمه سلطان الظلام رهينة فيطلب منها أشياء لكي يدعها تغادر فما هي هذه الاشياء ياترى؟؟؟ قصة #خيالية#رومانسية#رعب#تشويق
