🌿مولات السالف خلات سلطان الظلام تالف🌿
🌿قصة:عود الورد «سلطان الظلام »🌹
🌿 للكاتبة:⚜️عواطف بالحفيض⚜️🌹
🌿 البارت:🕯️ السادس عشر🕯️🌹
فقصر سلطان الظلام دزت ايام وايام عيات كل ليلة مرة تغني ليه مرة تحكي ليه حكاية مرة تعود ليه على شي منتيف درتو فصغرها، ولات كتشوف بلي حياتها وموتها ،ولو بحال بحال عايشة وماعايشة تقهرت حتى لمتا اتبقا فداك الكهف بين ناس معرفتهم جن ولا انس بقات تفكر شحال وعرفت بلي ياإما توافق على مصيرها ياإما تموت بين هد الخربان اللي مسمهم قصر ،جلسات كتسناه حتى يجي صافي لي ليها ليها اللهم العمش ولا العما والتكحيل بالماء ...داز وحد شوية الوقت وهو يتحل الباب دخلت ديك القردة وفهد المدة عرفت بلي مكتأذيش لمأذها وخا كتخلع ...وصلاتها لبيت سلطان الظلام متنكر بلي ولفاتو ولات فيها عادة كل ليلة تجي تغني ليه شي أغنية حتى يطيب نعاسو غير دخلت وهو يطبطب ليها حداه جات كلست حدرت راسها كتجمع الكلام لأتنطق به:
زين الورد: سيدي سلطان الظلام بغيت نقولك شي كلام
سلطان الظلام : كنسمعك ازين الورد تكلمي
زين الورد: صافي تخدت قرار ورضيت بمصيري وحكامك وكما يقولو اللهم العمش ولا العما وتكحيل بالماء
سلطان ظلام: متيقنة من كلامك وارضيا على مصيرك
زين الورد:(تنهدت قلبها معصور عليها) ايه متيقنة هذا قدري وانا راضية به
فجأة وقف سلطان الظلام وبدأ كيدوي بصوت مجهد واصوات غريبة كترد عليه تخلعات ولات كتقول مع راسها« ياربي ياك ملحت راسي فشي بئر معندو لا مدخل ولا مخرج »
سلطان الظلام: واااش سمعتهاااا
....... سمعناها
سلطان الظلام: ياك شهدتو عليها
.......شهدنا
سلطان الظلام: وفيت بالعهد
........: وفيت
قرب ليها شد ايديها اما زين الورد شدها الرعدة ...خدا من تحت تكايا واحد الصندوق قديم فيه خاتم بالخضر خاتم الأحجار الكريمة كيبري
سلطان الظلام: باش يبدا شرط خصكي تعاودي معايا هد الكلمات بالحرف
زين الورد: حركت ليه راسي ...واخا
سلطان الظلام: زوجتك بنفسي وهديتك خصلة من شعري
زين الورد: زوجتك بنفسي وهديتك خصلة من شعري
سلطان الظلام: حيت بك لعنتي وخليتك سلطان على عرشي
زين الورد: حيت بك لعنتي وخليتك سلطان على عرشي
سلطان الظلام: دل، صع، شك ، ام
زين الورد: دل،صع،شك،ام
لبسها الخاتم قرب لطابلة ديال الحجر دورها ولقا فيها مقص بحال مذهب كيلمع... غير شفتو هز مقص وهي تخلع طاحت عند رجله تبكي وترغب
زين الورد : عفاك رحمني ماتقتلني انا نفدت غير مصير هئ هئ هئ العار متقتلني مدرت والو هئ هى هئ هى
نوضها وقفات تقابلت معاه نطقوالدموع فعينها :
سلطان الظلام: علاه شكون قاليك انقتلك ؟
زين الورد : شفت المقص فيدك
سلطان الظلام : لا مانقتلكش به هذا ماشي ديال القتيل
حط ايدو فوق الشال اللي على سالفها حيدو طلق شعرها الطويل خرجت فيه عينها معرفت اشنو بغا يدير
زين الورد: شنو ادير !!؟
سلطان الظلام: شنو قلتي فشرط نهديك خصلة من شعري .
حسب سبعات الشعرات من شعرها وهي كتشوف فيه حتى كملهم قطعهم بالمقص شدهم بين ايديه وبدأ مرة أخرى كيهضر بصوت مجهد
سلطان الظلام: وفيت بعهدي شاهدين؟
.......شاهدين
اما زين الورد غير كتعجب فهادشي لواقع معاها كتحس بلي خرافة وكتعاود ،مشا جهت ديك الطابلة ديال حجر قرب لداك الكتاب حط صبعو على الدورة ديال الحديد ... تحل كيبان ليها ضوء زرق خارج منها بقات كطل تشوف شنو كدير تما لكن مخبي ميبان والوبقا شحال واقف حتى كيبان ضوء زاد تمجهد كثر من لول ظهر وحد الكتاب وراقو كلهم بيضين حط الخصة ديال شعرها فواحد الصفحة وساد عليه هنا تأكدت ان داك الكتاب اللي كيعودو عليه ديال خافي الحروف والكلام «نوتيز »هو نفسو لعند سلطان ظلام جاها لفضول اش كيدير وشنو بغا هد الشعر ياك مابغي يسحر لها... وقف حداها خرجت عينها ... مني شافت عينو مابقاتش حمراء كما لول صافي هنا برد لها الماء فالركابي
زين الورد: ياويلي ياسيدي يامولاي شنو هدشي واش انا فخيال ولا حقيقة
شد ايدها لفيها لخاتم وجلسها على تكايا وجلس حتى هو كيشوف فيها بعينو لبدات كيتبدل لونها
سلطان ظلام: زين الورد بقا شرط واحد ومن بعد اتحرري ..
يتبع
أنت تقرأ
The sultan of darkness🥀عود الورد🥀
Fantasyقصة بالدريجة المغربية تحكي عن فتاة ستقع بين يدي رجل خفي اسمه سلطان الظلام رهينة فيطلب منها أشياء لكي يدعها تغادر فما هي هذه الاشياء ياترى؟؟؟ قصة #خيالية#رومانسية#رعب#تشويق
