﷽
مساكم جوري شذراتي الحلوات 🩵
تصويت وتعليق على كل الفقرات يا احلى شذرااات بالدنيا
لا تحرموني من تفاعلكم !!!
{ضفاف الآمان بقلمي ( ميـس ال صـلاح) }
....
: جماااان ... فضيها يمعوده اگعدي شنو ميته ؟
فتحت عيوني اشوف ريام ترتب بشعرها
ولابسه ملابس المدرسة ومتحضرة
جُمان : شبيچ تصيحين من الصبح؟
ريام : الساعه بثمانية إلا ربع وانتِ بعدچ بالفراش
گمزت من الفراش للحمام ركض : خرررب عندي امتحان اول درس ما راح الحگ اراجع
ريام : لازگة بالفراش خمس مرات گعدتچ !
جُمان : ديلا علساس مسويه فدشي
تحچي بفخر وتعدل بياخة قميصها : أصلا لوما اني بحياتچ چان ضعتي بدوني !
جُمان : ايياااااه ... ترا انتي بحياتي مجرد ساعه مال منبه خلي ببالچ و تقليد هم لو اصلية چان گعدتيني بالستة ونص حتى اراجع
ريام : هيج صارت بسييييييطة !
انهزمت منها و ركضت وراي
متت من الضحك وهيه هم
آخر شي لزمتني جرت أذاني
ريام : اني شنو بحياتج ؟
جُمان : سنتر حياتي
ريام : يعني مو منبه؟
جُمان : قصدي السناتر مال ساعه شايفتهن هذني الواكفات ميتحركن هيچ حاطيهن بس شكل
بنص الساعه علساس مليانه مياله !
ريام : ولچ هاي عليمن ؟ اني سناتر عطلانه؟؟؟
جُمان : إتقبلي الحقيقه عادي ترا
قاطعنا صوتها المزعج
سليمه : وين صرتن راااااح يدگ جرس المدرسة !
جُمان : استغفر الله بلبل و يغرد من الصبح
ريام : اتحركي ترا صدگ تأخرنا
جُمان : هسه علساس شلون حريصة هيه وخايفه يدگ الجرس وبعدنا ما واصلين بس تريد تخلص من عدنا و تزحلگنه !
كملت تبديل على السريع
ونزلنا جوه للمطبخ ريام اول ما طبت
گالت صباح الخير
أنت تقرأ
ضفاف الامان
Romanceقصة حقيقية ⚠️‼️ باللهجة العراقية بين أروقة الذكريات تخطو نازفةً جِراحاً غائرةً لم تندمل بعد ! حتى وصلت لضفاف قلبه ... ليُمسكها بيديه وتُبصر النور من جديد تُلملم بقايا حُطامهِ وتُقبل جراحهِ ... وتنفضُ عنه تُراب معاركهِ يعشقها حد الثمالة...
