﷽
مساكم جوري شذراتي الحلوات 🩵
تصويت وتعليق على كل الفقرات يا احلى شذرااات بالدنيا
لا تحرموني من تفاعلكم !!!
{ضفاف الآمان بقلمي ( ميـس ال صـلاح) }
....
ماكو واحد ينتظرني ..
غير صورة مدثرة برفّي القديم
وورقة متهزل جسمها ..
كاتبتها ﭼـفوف وادم ..جانت لعيني وطن ..
عايش بدنيا غريب ..
لا شوارع تشتهيني ..
ولا گهاوي .. ولا مسناية العليها اجدامي تغفى ..
امشرد بديرة هلي ..
عمري خلصته اباوع
هلبت يمرني نبي ..
هلبت يگاودني بيده ..
وأصعد بليلي گمر
اتغربيت وخلوا بداري نزل
والطلاليگ الگبل تفتحلي ضيها
جتفوها بسنسلة ورزّة وقفل
وبهتت ارسومي صفيت بلايا لون
وكاسريت ايام عمري
ووضاعن بشهگة نفس
وصارت الضحكة حرام
وصارت الدمعة حلال
وانصلبت بنص سكتتي
طير مكسور الجنح ..
لا سما ظلّت تودني ..
ولا غصن أشرلي بيده ..
وأعزف بمتنه لحن ..
عود مگطوع الوتر بـ ﭼـفوف اعمى
امناطر ابنادم فطن ..
يخيط اهموم السنين
ويترس الشارع غنا ..
للشاعر ( بشير المرشدي)
:::::
سمعت صوت الباب مال غرفتي
تنفتح بهدووووء!
دخل واحد ما گدرت اشوف منو
فتح كنتوري وسمعت صوت خرخشة
ما فهمت عن شنو يبحث بالضبط
وره دقايق توجه على الكومدي
اللي قريب من سريري
هم يدور عن شي بس بهدوء
حتى ميطلع صوت
بعدين حسيت بإيد تنمد جوه مخدتي
اني هنا عرفت يدور على موبايلي
بسرعه وخرت الغطا وسويت نفسي
صحيت شفت يم راسي وحده
من هيئتها عرفتها اسيا
سألتها _ شتردين ؟
_لا كلشي ماكو نامي
_ عن شنو ادورين بغراضي ؟
_اني ادور بغراضج ليش وشعندي وياج؟
_ اني حسيت عليج حتى مديتي ايدج جوه مخدتي !
_ وانتِ من شنو خايفه؟
_ما خايفه بس اريد افهم شتردين؟
_ كلشي ما اريد معليج
_شنو معليه غير غرفتي وأغراضي وانتِ جايه ادورين عن شي !
_كافي لغوة ونامي واذا حچيتي لابوچ اعرف شلون اخلص نفسي تره ديري بالج
أنت تقرأ
ضفاف الامان
Romanceقصة حقيقية ⚠️‼️ باللهجة العراقية بين أروقة الذكريات تخطو نازفةً جِراحاً غائرةً لم تندمل بعد ! حتى وصلت لضفاف قلبه ... ليُمسكها بيديه وتُبصر النور من جديد تُلملم بقايا حُطامهِ وتُقبل جراحهِ ... وتنفضُ عنه تُراب معاركهِ يعشقها حد الثمالة...
