ضفاف الامان

الضفة رقم ١٢

﷽

مساكم جوري شذراتي الحلوات 🩵

تصويت وتعليق على كل الفقرات يا احلى شذرااات بالدنيا
لا تحرموني من تفاعلكم !!!

{ضفاف الآمان بقلمي ( ميـس ال صـلاح) }

....

هذاك أنتَ المشى بـ لونه سمار اوداع ..
وهذاك أنت العزيز الماي وجهه الگاع ..
وهذاك أنت عشت نبتة انقرت عاگول
ما ﭼـن منشتل نعناع ..
وكلمن سافر بـ نيته ..
واليعبر شواطي الليل ..ياخذله وجه وي طبگة عيونه يفز اشراع ..
وجه ما غِيرت ارسومه نوايا الگاع ..
وجهك منشتل بيه شتل گمرة ..
لمض عالمنجل الينطر شتا سواليفنا الخضرة ..
يا بيدر ضحك عذري تبده بشفة السمرة
يالحزنك عمر نخلة عراقية عشت فيّ ومتت جمرة ..
يواهس مستحة عيوني شربني النوم
عطش للما حضى بگدره ..
عطش يالمستحة عيونك مري احديثات
قريت الجايب سنيني ..
شما طاريك يذبل ..اشوفه يورّد بعيني ..
وشما تبرد اشفافي اعلى فيّ ضحكة ..
افز واذكر دفو ونيني ..
وأمطرلك بگايا الناس البروحي ..
عسى تجيبك بواﭼـينا ..
وعسى يلالي التعب نجمة بمحاﭼـينا ..
وتگول الناس ماله..
شما عبر گيظه تخضر ساجية بعينه ..
ما يدرون ..
ما يدرون من جان العمر لـچمة توضينا بغناوينا ..
ولا يدرون من جان الزعل نجمة ..
تسامرنا بروازينه ..
جانت تزغر الگمرة بسواجينا ..
وﭼـانت تندهّ الغبشة مساحينا ..
وﭼـان الزعل من يجزي ..
نعرف لذة بواﭼـينا ..
وگلتلي الموت مهرة .. اتفرزن الخيّال لو تاهت نياشينه ..
وگلتلي نعيش والدنيا قصيدة غيم لليغفو الصحو بعينه ..
وگلتلي الما يحب الناس بس الريح
والعاگول ينحر صحرة سنينه ..

للشاعر مصطفى الخزاعي

:::::
ضوضاء ...

برودة ...

ظلام ...

وجوه مشوهة ...

اصوات وصداها ...

_جمااااان ! تسمعيني ؟ جُمان حبيبتي عمه اصحى ! بعد روحي بنيتي فتحي عيونج !

اريد احجي بس الكلام صعب
اريد اكول أسمعچ
هذا صوت عمه هناء ميزته
بس ... ما أگدر

استسلمت للظلام مرة ثانية

_ماما ؟ شجابج هنا ؟ احنا وين ؟
حطت ايدها على شعري
لمست خدي بحنية وعيونها حزينه
سقطت دمعه مني
حسيت بأصبعها يمسح دمعتي
اصابعها خشنه وضخمه
غريبه ما اتذكر ايدها ضخمة
تقربت مني صار وجهها قريب
لأذني وشاورتني بهمس