ضفاف الامان

الضفة رقم ١٣

﷽

مساكم جوري شذراتي الحلوات 🩵

تصويت وتعليق على كل الفقرات يا احلى شذرااات بالدنيا
لا تحرموني من تفاعلكم !!!

{ضفاف الآمان بقلمي ( ميـس ال صـلاح) }

....

رديت خسران وچنت
بس بيك رابح
لا لا على بختك من رحت
ما گلت رايح

عيوني انا يالمبتعد بالدنيا
شيشوفن بعد
بس انت تضوي بدنيتي طفو شمعتك
آه يالخسرتك

::::

أنسيني....
كلمه دمرت كلشي حلو بحياتي
شلون يطلب انساه بهالسهولة ؟
سهل عنده يتخلى عني ؟
ليش صرت مو مهمة عنده
في وقت هو اهم شخص عندي ؟

عرفت بوقتها انه الحب إذا ما كان متكافيء
من الطرفين اليخسر و اللي يحس بالاذية
هو الشخص اللي يحب اكثر !

_عمر ... اني مستعده انتظر وياك الله يخليك لتعوفني مو بهالشكل تتخلى؟

_خلص جُمان كلشي انتهى
اسمع شهگاته اول مره اسمعه يبچي بهالطريقة
بس ما يبرد النار اللي اشتعلت بگلبي

_بعد لتراسليني و لا تتصلين كلشي انتهى

غلق الخط بوجهي
ظليت متمسكه بالتلفون
وصافنه ودموعي تجري على خدي
هاي هيه كلشي انتهى ؟
والعذاب اللي عشته بسببه ؟
شفت الموت بعيني بسبب حبه ؟
وتالي؟
يتركني بهالسهوله !!!

سيطر عليه  الحزن
وشوي شوي بديت أغوص بمراحل الاكتئاب
بديت ابتعد عن كلشي بحياتي
عايشة بس جسد بلا روح
عالهامش ...
على حافة الانهيار ...
على حافة الحياة ...

دوامة سوده تبلعني ببطيء
وأتعمق بيها يوم بعد يوم
ورجليه تغرس برمالها
وكلما احاول اخلص نفسي منها
احس نفسي أغوص اكثر

ريام چانت تعرف بكلشي صار
سولفتلها كل اللي بگلبي
وگالت تنسين وبعدين تضحكين على نفسج
لان هيج سويتي بروحج علمود شخص ميستاهل
لكن كلامها بوقتها ما فهمته
چنت احسه مجرّد مواساة لحزني

مر شهرين على آخر مره حجيت بيها ويه عمر
وموسم المدارس راح يبلش بعد يومين