﷽
مساكم جوري شذراتي الحلوات 🩵
تصويت وتعليق على كل الفقرات يا احلى شذرااات بالدنيا
لا تحرموني من تفاعلكم !!!
{ضفاف الآمان بقلمي ( ميـس ال صـلاح) }
....
كون الراح يرجع بالتواسيل
لزنجر عمري كله بسرگة الباب
طويله الصفنه البراس التماثيل
صحت والغيمت حاسبهن حساب
الصبحية خابرت بيبي
كالت العصر اجيكم اشوفكم
بعد ما تغدينا رحت للمطبخ
جهزت كيكة بالفرن
وكملت وصارت جاهزة
العصر اجت علينا بيبي
ووياها عمتي هناء وزوجها
ركضت سلمت عليهم
صار شهر تقريبا ما متشاوفين
ام سلام : شلونها الحلوة ؟ كلما تكبر تحلى هاي بت سلام مو هناء ؟
هناء : يمه هيه من صغرها مبينة تطلع حلوة !
ام سلام : اي بس هسه كلما اشوفها تصير احلى الله يحرسج من العين حبيبتي
جُمان : شكرا بيبي تفضلوا
بوست عمة هناء وشاورتني : جبتلچ ويايه شغلات حلوة ! ان شاء الله تعجبج
ابتسمت : صدك عمه تسلمين !
هناء: فدوة لوجهج الحلو
انداريت : شلونك عمو ؟
زيد : بخير حبيبتي انتِ شلونچ ؟
جُمان : الحمد لله
مسح على شعري بيده و باس راسي
دخلوا كلهم و استقبلهم بابا
و اني رحت حضرت صينية
بيها چاي و كيك وبابا جايب بيتيفور
رتبت الصينية و اخذتها الهم
اول ما دخلت گتلهم : هاي اني سويت الكيكة شوفوها اكيد طيبة
زيد: واثق الخطوة يمشي ملكاً متاكده من شغلها يا بويه
سلام : لعد شعبالك كله مضمون كيك معجنات ههههه
أنت تقرأ
ضفاف الامان
Romanceقصة حقيقية ⚠️‼️ باللهجة العراقية بين أروقة الذكريات تخطو نازفةً جِراحاً غائرةً لم تندمل بعد ! حتى وصلت لضفاف قلبه ... ليُمسكها بيديه وتُبصر النور من جديد تُلملم بقايا حُطامهِ وتُقبل جراحهِ ... وتنفضُ عنه تُراب معاركهِ يعشقها حد الثمالة...
