အတူတူရှိရအောင်။
ဆောနူ မျက်ခွံတို့ကိုဖွင့်လိုက်စဉ် အခန်းမှာ
မှောင်နေပြီး သူ့ခေါင်းရင်းမှ လရောင်ပြာပြာ
လေးက မြင်ရသည်ဆိုရုံသာ ဖြာကျနေ၏။
" ဟင်းး "
ဆောနူ ငြီးညူလိုက်သည်။ စောင်ထဲတွင်လုံး
ထွေးရင်း ခန္ဓာကိုယ်က တစ်စုံတစ်ရာကိုလိုက်
ရှာနေမိပြီး တစ်သိမ့်သိမ့်နှင့် မြင့်တက်လာသော
အပူလှိုင်းတွင် သူ့ကိုယ်သူ ဖြစ်တည်မှုပျောက်
ဆုံးတော့မလိုခံစားလာရ၏။
ထိုစဉ် အခန်းတံခါးမှာ ဖြည်းဖြည်းချင်းပွင့်လာ
ပြီး မှုန်ဝါးနေသော အမြင်အာရုံတွင် အရိပ်သဲ့သဲ့
ကိုသာမြင်ရသော်လည်း ထိုသူက ဆောင်းဟွန်း
မှန်း ဆောနူ သိလိုက်ပါ၏။
" ဆောင်းဟွန်းလား "
" အင်း "
ဆောနူ ကုတင်ကို တံတောင်နှင့်ထောက်၍ကိုယ်
တစ်ပိုင်းကို ကုန်းရုန်းထလိုက်ပြီး သူလက်လှမ်း
မမှီသည့် နေရာတွင်ရှိနေသော ကျောပိုးအိတ်ကို
လက်ညှိုးထိုးပြလိုက်၏။
" ဆောင်းဟွန်းနား~~ ငါ heat ဝင်နေပြီထင်တယ်.."
တစ်စပ်တည်းတွင်ပင် heat ဝင်နေသည့်အိုမီဂါ
နှင့်အတူရှိနေသည့် အယ်လ်ဖာတစ်ယောက်တွင်
ဘာလုပ်လို့ လုပ်ရမှန်းမသိ၊ အနေကြပ်ကာစိတ်
အနှောင့်အယှက် ဖြစ်မှုလည်း ရှိနေနိုင်တာဖြစ်
လို့ ဆောင်းဟွန်းကို စိတ်အေးအေးထားရန်ပါ
ဖြောင်းဖြလိုက်သည်။
" အရမ်းလန့်မသွားနဲ့။ ငါ့ကျောပိုးအိတ်ထဲမှာ
ထိန်းချုပ်ဆေးပါတယ်။ ဒီတိုင်း ဖွင့်ပြီး အဖုံး
ချွတ်ပြီး ထိုးလိုက်ရုံပဲ.. "
ဆောနူ သူ့ရဲ့ ရှပ်အင်္ကျီက လက်ရှည်ဖြစ်နေတာကြောင့် လိပ်တင်မရသဖြင့် ကြယ်သီးကိုဖြုတ်ကာ ကော်လံမှသည် ဆွဲချ၍ လက် မောင်းကို
ဖော်ကာ အဆင်သင့်စောင့်နေလိုက်၏။
" ဘာလုပ်နေတာလဲ၊ မြန်မြန်မလုပ်ဘဲ.."
သို့သော် ဆောင်းဟွန်းက ဆေးဗူးနှစ်ဗူးစလုံးကို
ကိုင်လျက် ကုတင်ပေါ်မှထသွားပြီး အခန်းထောင့်
တွင် သူ့ကို ကျောခိုင်း၍ ရပ်နေ၏။ ထို့နောက် သူ
မြင်အောင်ပင် ဆေးဗူးတွေကို အခွံချွတ်လိုက်ကာ
ဆေးထိုးအပ်ထဲမှ ဆေးရည်အားလုံးကို အမှိုက်ပုံး
ထဲ ညှစ်ထည့်၍ အပ်ကိုပါ လွှင့်ပစ်လိုက်၏။
YOU ARE READING
Any questions ?
RomanceABO world , comedy and melodrama #WRITTEN_IN_BURMESE #SUNSUN
