المشهد الاول
_ دير بالك تجيب اسم مرتي على لسانك اگصه الك والله
_ هههههه لاتحمى زايد وتعيش دور الزوج الغيور وما تقبل على عرضك وانت ماخذهة مو بنت اصلا
_ فار الدم بجسمي " مرتي اشرف منك يا نذل اخذت نيشانهة بأول يوم مو انت الي تعلمني بيها وكلمتك هاي راح ادفعك ثمنها غالي
ماحسيت الا لگمته على وجهه فلشتله خشمه وكع بالكاع وصرت فوكاه اضرب بيه بكل قوتي على سالفته هاي محد خلصه من ايدي بس هو بقى على موقفه وگال كلمة كسرت ضهري كسر وخلتني احس اني صدك غبي وحمار وخليت وحدة بگد جف ايدي تضحك علي و تستغبيني واني مصدگ
_ والله عمي خوش مرگتعه عليك وانت مثل الثور مصدك بيها بالعافية عليك فضالة غيرك دروح اسألها للشريفة مالتك المن فتحت الباب ذاك اليوم وخلته يلعب عليها ويعوفهة
،،،،،،،،،،
المشهد الثاني
دخلت لغرفتي وتلفلفت بالبطانية واني اتذكر كلامه وياي امس ما جان هيج جان متلهف حتى نكون سوة شنو الصار معقولة اني مثل ما گال وصخة وما اتنضف ابد اي صح جسمي وصخ لا زم انضفه
لازم انضفه بحيث محد يكدر يوصخه مرة ثانية گمت نص الليل ادور عالنفط حتى انضف جسمي بيه المي ما راح ينضفني لوشكد ماسبحت راح ابقى وصخة بنضره
لگيت الدبة مالت النفط و كبيت من خصري وجوة الكل جان نايم محد حس بية
اكب واحاجي روحي اني لازم اتنضف وما ابقى وصخة حتى حبيبي مگام يريدني لأن قذرة من اتنضف راح يتقبلني ويرجعني اله اخذت الجداحة وكمت اجدح بأيد ترتعش جدحت مرة ومرتين والثالثة ما حسيت الا النار وجت بية من حلات روحي كمت اركض بالمطبخ مثل الخبلة واصيح النار اكلتني كامت تستعر بجسمي
......
ضيفوها بالمكتبة وشاركوها ويا البنات حتى تكبر لمتنا
أنت تقرأ
طرف ثالث
Mystery / Thrillerهلي الغربة بجفاكم مرمروني هلي مگابل وراكم گابلوني هلي بلون الدلال الصفرة لوني هلي وماعدني واحد واشتكي له هلي وهسة عشت وضع العليلة هلي ولابيدي حيلة ولا وسيلة
