طرف ثالث

البارت الحادي عشر

رواية
#طرف_ثالث
الكاتبة ندى البياتي

البارت الحادي عشر
لاتنسون التصويت
والتعليق بين الفقرات

......

فداء

من صار قريب مني رفع راسه وتلاقت عيونة سوة گلبي رجف عليه حتى نفسي تخربط من نظراته ومتأكدة هو هم نفس الشي

رغم الامبالاة الي ضهرهة جدامي بس اعرف نظراته شگد جانت متلفهة لشوفتي بس نفسه عزيزة عليه ما بين شوقه الي

ثواني ونزل راسه وعبر من يمي ولا كأنه يعرفني كأنه ماشايفني بحياته انداريت وراه واني اراقب خطواته اتوجه لباب شقتهم دك الجرس وبقى واگف ما حسيت بخطواتي شلون راحن وراه لو ما صوت ماما وگفني

سميعة : فدااااااااااااء امشي دخلي جوة

فداء : وگفت وباوعت عليه شنو من زعل شايله بگلبه بحيث حتى من ماما صاحت على ما اهتم ولا انطى ردت فعل فتحت امه الباب واتفاجأت بجيته راسأ حظنته فرحانة بشوفته

: ابني حبيبي بعد روحي شنو هاي المفاجأة الحلوة من الصبح يا يمة احلى صباح يمر علي من بعد وكت طويل ليش ما اتصلت بية بعد امك

صهيب : ردت اشوف ردة فعلج اذا جنت غالي يمج لو ناسيتني

: حبيبي بعد روحي فدوى لطولك شلون انسى ابني ولك ما اصدگ اني بحلم لو بعلم ورجعت احمدك واشكرك يارب رجعتلي ابني

فداء : حاضنته وتبوس بيه من لهفتهة عليه ماتعرف شلون تعبر عن مشاعرهة وهو هم مجلب بيها ويبوس بيها ويضحك . اووووف يضحكته شگد جانت حلوة تطلع من گلبه

هسة يلا حسيت اني صدگ خسرت واحد حبني من صدگ وخاف علي بس اني شسويت سمعت كلام ماما ضحكت علي وگالتلي الحب مايوكل خبز

ولا يعيش الواحد مرتاح عوفيه لگيتلج واحد راح يعيشج ملكة بفلوسه وتالي خوش عيشني ملكة اغتص*بني وشمرني بالدرونة بالليل وراح

اني ما ابري روحي استاهل الصارلي لأن ذنبي اكبر من ماما لأن سمعتلهة ومشيت وراهة وخلتني اضيع بس منا وغاد تحلم اسمع الها لو انفذ الي تريده

لو اكدر ارجع لصهيب واطلب منه السماحة بس صعبة يرجعلي بوقتهة اشكد توسلني حتى ما نفصخ خطوبتنا وكمل زواجنا لكن جنت مقتنعة بكلام ماما والأحلام الي رسمتهن الي بالفلوس هسة جاي ادفع ثمن ذيج الكوابيس الوردية

كل ما اتذكر وحشية هجرس والألم الي شفته منه اموت الف موتة هاني اهانة خلتني لو بيدي ادفن نفسي واني عايشة

شال صهيب جنطته من الگاع ودخلو لشقتهم وسدو الباب عبالك سدوه على روحي عاطت ماما مرة ثانية علي

سميعة : فداااااء مو دا اكولج فوتي جوة ليش ماتسمعين الكلام

فداء : گلبي انترس قهر وعيوني غرگها الدمع من صوتها كافي عوفيني مو دمرتيني بعد شتردين مني عفتها ونزلت من الدرج