رواية
#طرف_ثالث
الكاتبة ندى البياتي
البارت
لاتنسون التصويت
والتعليق بين الفقرات
......
نارفين
فعلا اجى للبيت بالليل وكعد وياهم واني بالمطبخ اسمع صوته يسولف ويضحك
من يمي اضحك لضحكته
اشكد اشتاقيتلها بقو يسهرون للثنعش لحد ما گال عمو مهند : يلا ما ناوي تروح لأهلك نريد ننام
جاهد : هاي عود اني جايكم دخيل ابوي طردني وماعندي غيركم اخلص هاي الليلة لحد ما يرضى علي ابوي هم صاير نفسية ويريد بس يتعارك ويا احد بينة واني الصرت الضحية اليوم ذب عصبيته بية
نهلة : وانت ما شاء الله شلون عليك لسان يجفص بالبطن
جاهد : خلف الله عليج اكولج ذب عصبيته كلها بية وين اكدر افتح حلگي
مهند : لاتتعاركون وانت كوم ارجع لأهلك وصالح ابوك
جاهد : شصالح غير طلعوني جنازة من جواه وامي گالت لاترجع اليوم اني عود اهديه و ارجعك
مهند : ديلا اللگيلك غير باب نعسانين وما اكو مكان الك
جاهد : شو ولا تعرفون الأصول من شوكت الدخيل ينطرد
مهند : دروح لاتضل تلح وين انومك بحضني ماعدنا غرفة زايدة
جاهد : بيت هالكبرة سديته بوجهي رايح لبيت اختي الثانية احسنلي
نارفين : سواهة صدگ وراح اشكد جنت حمارة وضجت عليه من راح
ورة ما وصلوه للباب وسدوه ست نهلة بقت تعاتب بيه
نهلة : هسة ارتاحيت من طردته دائما تخليني بمواقف محرجة ويا اهلي شكو بيهة لو بات هنا
مهند : خليه يروح احسن لايتعلم على هذا الطبع يبات برى بيتهم
نهلة : من يصير البيت بيتك گوم انطي نصايح
عافته وراحت للغرفة قبله رفع اديه بالهوة بعصبية ولحگهة
اني هم دخلت لغرفتي قفلت الباب وتمددت بالجرباية عود گال يجي يراضيني بس راح حتى ما حجة وياي
غفيت شوي وحسيت على رنة الفون رفعت راسي شفته يتصل علي فتحت الخط وجاوبت بصوت ناعس : الو
جاهد : حبيبتي متريدين اراضيج
نارفين : الجملة هاي فرحتني حتى طيرت نومة عيني
و مقابل فرحتي ولهفتي اله كلفتني هواي بدون ما احس على روحي وبدال ما اعترض واكول لا
كتله بلى انت زعلتني ولازم تراضيني
جاهد : دأفتحي الباب البيت اني بالحوش وشوفي اراضيج
نارفين :سديت الفون بلهفة و طلعت بتراك النوم ذبيت الشال على شعري بأهمال امشي على روس اصابعي ما انكر بلحظتهة تملكني خوف رهيب
أنت تقرأ
طرف ثالث
Misterio / Suspensoهلي الغربة بجفاكم مرمروني هلي مگابل وراكم گابلوني هلي بلون الدلال الصفرة لوني هلي وماعدني واحد واشتكي له هلي وهسة عشت وضع العليلة هلي ولابيدي حيلة ولا وسيلة
